ਚੰਡੀਗੜ੍ਹ, 3 ਮਾਰਚ (ਅ.ਬ)- ਸੋਨਾਲੀਕਾ ਟ੍ਰੈਕਟਰਜ਼ ਨੇ ਵਿੱਤੀ ਵਰ੍ਹੇ '26 ਦੇ ਫਰਵਰੀ ਮਹੀਨੇ 'ਚ ਹੁਣ ਤੱਕ ਦੀ ਸਭ ਤੋਂ ਵੱਧ 12,890 ਟ੍ਰੈਕਟਰਾਂ ਦੀ ਕੁੱਲ ਵਿਕਰੀ ਦਰਜ ਕੀਤੀ ਹੈ | ਇਹ ਇਤਿਹਾਸਕ ਉਪਲਬਧੀ ਕੰਪਨੀ ਦੀ ਮਜ਼ਬੂਤ ਕਾਰਜ ਨੀਤੀ ਅਤੇ ਉਸਦੇ ਮੁੱਖ ਵਿਸ਼ਵਾਸ 'ਜਿੱਤਣ ਦਾ ਦਮ' ਦਾ ਪ੍ਰਮਾਣ ਹੈ | ਸੋਨਾਲੀਕਾ ਨੇ ਹਮੇਸ਼ਾ ਗਲੋਬਲ ਪੱਧਰ ਦੀ ਇੰਜੀਨੀਅਰਿੰਗ ਨੂੰ ਅਪਣਾਉਂਦੇ ਹੋਏ ਭਵਿੱਖ ਲਈ ਤਿਆਰ ਟ੍ਰੈਕਟਰ ਵਿਕਸਿਤ ਕੀਤੇ ਹਨ | ਹਾਲ ਹੀ 'ਚ ਲਾਂਚ ਕੀਤੀ ਗਈ ਸੋਨਾਲੀਕਾ ਗੋਲਡ ਸੀਰੀਜ਼ ਵੀ ਇਸ ਦੀ ਸਪੱਸ਼ਟ ਉਦਾਹਰਨ ਹੈ, ਜੋ ਕਿਸਾਨਾਂ ਦੀ ਜ਼ਮੀਨੀ ਖੇਤੀਬਾੜੀ ਦੀਆਂ ਲੋੜਾਂ ਮੁਤਾਬਿਕ ਤਿਆਰ ਕੀਤੀ ਗਈ ਹੈ ਅਤੇ ਸੋਨੇ ਵਾਂਗ ਸੁਰੱਖਿਅਤ ਤੇ ਲੰਬੇ ਸਮੇਂ ਤੱਕ ਮੁੱਲ ਪ੍ਰਦਾਨ ਕਰਦੀ ਹੈ | ਇਸ ਉਪਲਬਧੀ 'ਤੇ ਆਪਣੇ ਵਿਚਾਰ ਸਾਂਝੇ ਕਰਦੇ ਹੋਏ ਇੰਟਰਨੈਸ਼ਨਲ ਟ੍ਰੈਕਟਰਜ਼ ਲਿਮਿਟਡ ਦੇ ਜੌਇੰਟ ਮੈਨੇਜਿੰਗ ਡਾਇਰੈਕਟਰ ਰਮਨ ਮਿੱਤਲ ਨੇ ਕਿਹਾ, '30ਵੇਂ ਵਰ੍ਹੇ ਦੇ ਫਰਵਰੀ ਮਹੀਨੇ 'ਚ 12,890 ਟ੍ਰੈਕਟਰਾਂ ਦੀ ਰਿਕਾਰਡ ਵਿਕਰੀ ਸਾਡੇ ਲਈ ਬਹੁਤ ਹੀ ਵਿਸ਼ੇਸ਼ ਮੌਕਾ ਹੈ |
