ਚੰਡੀਗੜ੍ਹ, 7 ਮਾਰਚ (ਮਾਰਕੰਡਾ)-ਪੰਜਾਬ ਯੂਨੀਵਰਸਿਟੀ ਚੰਡੀਗੜ੍ਹ ਦੇ ਡਾ. ਐਸ. ਐਸ. ਭਟਨਾਗਰ ਯੂਨੀਵਰਸਿਟੀ ਇੰਸਟੀਚਿਊਟ ਆਫ਼ ਕੈਮੀਕਲ ਇੰਜੀਨੀਅਰਿੰਗ ਐਂਡ ਟੈਕਨਾਲੋਜੀ ਦੇ 1986 ਬੈਚ ਨੇ ਆਪਣੀ ਰੂਬੀ ਜੁਬਲੀ ਐਲੂਮਨੀ ਮੀਟ ਮਨਾਈ ਗਈ, ਜਿਸ 'ਚ ਲਿਫ਼ਟ ਲਗਾਉਣ ਲਈ 23 ਲੱਖ ਰੁਪਏ ਦਾ ਯੋਗਦਾਨ ਪਾਇਆ | 1986 ਬੈਚ ਦੇ ਮੈਂਬਰ ਮੰਜੀਵ ਐਸ. ਵੋਹਰਾ ਨੇ ਇਸ ਪਹਿਲਕਦਮੀ ਲਈ 10 ਲੱਖ ਰੁਪਏ ਦਾ ਵਿਅਕਤੀਗਤ ਯੋਗਦਾਨ ਪਾਇਆ | ਭਟਨਾਗਰ ਆਡੀਟੋਰੀਅਮ ਵਿਖੇ ਕਰਵਾਏ ਸਮਾਗਮ 'ਚ ਬੈਚ ਦੇ ਗ੍ਰੈਜੂਏਟ ਹੋਣ ਦੇ 40 ਸਾਲ ਪੂਰੇ ਹੋਏ | ਡੀ. ਸੀ. ਈ. ਟੀ. ਐਲੂਮਨੀ ਐਸੋਸੀਏਸ਼ਨ ਦੇ ਸਹਿਯੋਗ ਨਾਲ ਕਰਵਾਏ ਪ੍ਰੋਗਰਾਮ ਵਿਚ ਭਾਰਤ ਤੇ ਵਿਦੇਸ਼ਾਂ ਤੋਂ ਸਾਬਕਾ ਵਿਦਿਆਰਥੀਆਂ ਨੇ ਸ਼ਿਰਕਤ ਕੀਤੀ | 1981 ਬੈਚ ਦੇ ਮੈਂਬਰਾਂ ਨੇ ਡਾ. ਐਸ. ਐਸ. ਬੀ. ਯੂ. ਆਈ. ਸੀ. ਈ. ਟੀ. ਵਿਖੇ ਲਿਫ਼ਟ ਪ੍ਰਾਜੈਕਟ ਲਈ 10 ਲੱਖ ਰੁਪਏ ਤੋਂ ਵੱਧ ਦਾ ਯੋਗਦਾਨ ਪਾਇਆ | ਯੂ. ਆਈ. ਸੀ. ਈ. ਟੀ. ਦੀ ਚੇਅਰਪਰਸਨ ਪ੍ਰੋ. ਅਨੁਪਮਾ ਸ਼ਰਮਾ ਨੇ ਸਾਬਕਾ ਵਿਦਿਆਰਥੀਆਂ ਦਾ ਸਵਾਗਤ ਕੀਤਾ | ਉਨ੍ਹਾਂ ਨੇ ਸੰਸਥਾ ਦੀ ਅਕਾਦਮਿਕ ਤੇ ਪੇਸ਼ੇਵਰ ਵਿਰਾਸਤ ਨੂੰ ਮਜ਼ਬੂਤ ਕਰਨ ਲਈ ਸਾਬਕਾ ਵਿਦਿਆਰਥੀਆਂ ਦੇ ਨਿਰੰਤਰ ਸਮਰਥਨ ਲਈ ਬੈਚ ਦਾ ਧੰਨਵਾਦ ਕੀਤਾ |
