ਪੰਜਾਬ ਯੂਨੀਵਰਸਿਟੀ ਦੇ ਆਈ. ਐਸ. ਐਸ. ਈ. ਆਰ. ਨੇ ਆਪਣਾ ਪਹਿਲਾ ਵਿਦਿਆਰਥੀ ਮੈਗਜ਼ੀਨ ‘ਦਿ ਸੋਸ਼ਲ ਲੈਂਸ’ ਕੀਤਾ ਲਾਂਚ
ਚੰਡੀਗੜ੍ਹ, 29 ਸਤੰਬਰ (ਮਾਰਕੰਡਾ)- ਪੰਜਾਬ ਯੂਨੀਵਰਸਿਟੀ ਇੰਸਟੀਚਿਊਟ ਆਫ਼ ਸੋਸ਼ਲ ਸਾਇੰਸ ਐਜੂਕੇਸ਼ਨ ਐਂਡ ਰਿਸਰਚ ਨੇ ਪੰਜਾਬ ਯੂਨੀਵਰਸਿਟੀ ਦੀ ਉਪ ਕੁਲਪਤੀ ਪ੍ਰੋ. ਮੀਨਾਕਸ਼ੀ ਗੋਇਲ ਦੀ ਮੌਜੂਦਗੀ ਵਿਚ ਆਪਣਾ ਪਹਿਲਾ ਵਿਦਿਆਰਥੀ ਮੈਗਜ਼ੀਨ ‘ਦਿ ਸੋਸ਼ਲ ਲੈਂਸ’ ਲਾਂਚ ਕੀਤਾ ਗਿਆ।
ਚੰਡੀਗੜ੍ਹ, 29 ਸਤੰਬਰ (ਮਾਰਕੰਡਾ)- ਪੰਜਾਬ ਯੂਨੀਵਰਸਿਟੀ ਇੰਸਟੀਚਿਊਟ ਆਫ਼ ਸੋਸ਼ਲ ਸਾਇੰਸ ਐਜੂਕੇਸ਼ਨ ਐਂਡ ਰਿਸਰਚ ਨੇ ਪੰਜਾਬ ਯੂਨੀਵਰਸਿਟੀ ਦੀ ਉਪ ਕੁਲਪਤੀ ਪ੍ਰੋ. ਮੀਨਾਕਸ਼ੀ ਗੋਇਲ ਦੀ ਮੌਜੂਦਗੀ ਵਿਚ ਆਪਣਾ ਪਹਿਲਾ ਵਿਦਿਆਰਥੀ ਮੈਗਜ਼ੀਨ ‘ਦਿ ਸੋਸ਼ਲ ਲੈਂਸ’ ਲਾਂਚ ਕੀਤਾ ਗਿਆ। ਇਸ ਮੌਕੇ ਉਪ ਕੁਲਪਤੀ ਦੁਆਰਾ ਮੈਗਜ਼ੀਨ ਨੂੰ ਰਸਮੀ ਤੌਰ ’ਤੇ ਜਾਰੀ ਕੀਤਾ। ਜਿਨ੍ਹਾਂ ਨੇ ਇਸ ਪਹਿਲਕਦਮੀ ਦੀ ਸ਼ਲਾਘਾ ਕੀਤੀ ਤੇ ਸ਼ਾਮਲ ਵਿਦਿਆਰਥੀਆਂ ਅਤੇ ਫੈਕਲਟੀ ਮੈਂਬਰਾਂ ਨੂੰ ਵਧਾਈ ਦਿੱਤੀ। ਉਨ੍ਹਾਂ ਵਿਦਿਆਰਥੀਆਂ ਨੂੰ ਆਪਣੀਆਂ ਅਕਾਦਮਿਕ ਅਤੇ ਰਚਨਾਤਮਕ ਰੁਚੀਆਂ ਨੂੰ ਅੱਗੇ ਵਧਾਉਣ, ਆਪਣੇ ਵਿਚਾਰਾਂ ਨੂੰ ਵਿਸ਼ਵਾਸ ਨਾਲ ਪ੍ਰਗਟ ਕਰਨ ਅਤੇ ਸਹਿ-ਪਾਠਕ੍ਰਮ ਗਤੀਵਿਧੀਆਂ ਵਿਚ ਸਰਗਰਮੀ ਨਾਲ ਹਿੱਸਾ ਲੈਣ ਲਈ ਉਤਸ਼ਾਹਿਤ ਕੀਤਾ। ਪ੍ਰੋ. ਅੰਜੂ ਸੂਰੀ ਕੋਆਰਡੀਨੇਟਰ ਪੀ.ਯੂ ਨੇ ਸੰਪਾਦਕੀ ਟੀਮ ਦੇ ਯਤਨਾਂ ਦੀ ਸ਼ਲਾਘਾ ਕੀਤੀ ਅਤੇ ਵਿਦਿਆਰਥੀਆਂ ਨੂੰ ਰਚਨਾਤਮਕ ਅਤੇ ਬੌਧਿਕ ਪ੍ਰਗਟਾਵੇ ਲਈ ਅਜਿਹੇ ਪਲੇਟਫ਼ਾਰਮਾਂ ਦੀ ਵਰਤੋਂ ਜਾਰੀ ਰੱਖਣ ਲਈ ਉਤਸ਼ਾਹਿਤ ਕੀਤਾ। ਇਹ ਮੈਗਜ਼ੀਨ, ਜਿਸ ਵਿਚ ਵਿਦਿਆਰਥੀ ਲਿਖਤਾਂ, ਅਕਾਦਮਿਕ ਪ੍ਰਤੀਬਿੰਬ, ਕਲਾਕ੍ਰਿਤੀਆਂ ਤੇ ਵਿਭਿੰਨ ਦ੍ਰਿਸ਼ਟੀਕੋਣ ਸ਼ਾਮਲ ਸਨ, ਨੂੰ ਮੁੱਖ ਸੰਪਾਦਕ ਡਾ. ਮਮਤਾ ਅਤੇ ਵਿਦਿਆਰਥੀ ਸੰਪਾਦਕ ਮਿਹੁਲ ਕੁਮਾਰ ਦੀ ਅਗਵਾਈ ਹੇਠ ਜਾਰੀ ਕਰਵਾਇਆ ਗਿਆ।
