ਘਨੌਲੀ, 2 ਅਪ੍ਰੈਲ (ਜਸਵੀਰ ਸਿੰਘ ਸੈਣੀ)-ਤਾਰਾ ਸਿੰਘ ਦੀ ਯਾਦ 'ਚ ਨੌਜਵਾਨ ਸਪੋਰਟਸ ਕਲੱਬ ਚੱਕ ਕਰਮਾਂ ਵਲੋਂ ਚਾਰ ਰੋਜ਼ਾ ਫੁੱਟਬਾਲ ਟੂਰਨਾਮੈਂਟ ਚੱਕ ਕਰਮਾਂ ਦੇ ਖੇਡ ਮੈਦਾਨ ਵਿਖੇ ਸ਼ੁਰੂ ਹੋ ਗਿਆ ਹੈ | ਇਸ ਸੰਬੰਧੀ ਮੁੱਖ ਪ੍ਰਬੰਧਕ ਵਿਜੇ ਕੁਮਾਰ ਅਤੇ ਹਰਨੇਕ ਚੱਕ ਕਰਮਾਂ, ਪਵਨ ਕੁਮਾਰ ਸਰਪੰਚ ਚੱਕ ਕਰਮਾ ਦੱਸਿਆ ਕਿ ਚਾਰ ਰੋਜ਼ਾ ਫੁੱਟਬਾਲ ਟੂਰਨਾਮੈਂਟ ਦੌਰਾਨ ਇਲਾਕੇ ਦੀਆਂ 35 ਟੀਮਾਂ ਹਿੱਸਾ ਲੈ ਰਹੀਆਂ ਹਨ | ਇਸ ਟੂਰਨਾਮੈਂਟ ਦੇ ਸੈਮੀ ਫਾਈਨਲ 'ਤੇ ਫਾਈਨਲ ਮੁਕਾਬਲੇ ਪੰਜ ਅਪ੍ਰੈਲ ਦੀ ਐਤਵਾਰ ਨੂੰ ਖੇਡੇ ਜਾਣਗੇ | ਇਸ ਫਾਈਨਲ ਵਾਲੇ ਦਿਨ ਉਚੇਚੇ ਤੌਰ 'ਤੇ ਹਲਕਾ ਵਿਧਾਇਕ ਐਡਵੋਕੇਟ ਦਿਨੇਸ਼ ਚੱਢਾ ਉਚੇਚੇ ਤੌਰ 'ਤੇ ਖਿਡਾਰੀਆ ਦੀ ਹੌਸਲਾ ਅਫਜ਼ਾਈ ਕਰਨ ਲਈ ਪਹੁੰਚ ਰਹੇ ਹਨ | ਅੱਜ ਦੇ ਹੋਏ ਮੈਚਾਂ ਵਿਚ ਘਨੌਲੀ, ਮਨਸਾਲੀ, ਸ਼ਾਮਪੁਰਾ, ਮੱਧੋ ਮਾਜਰਾ, ਟੀਮਾਂ ਜੇਤੂ ਰਹਿ ਕੇ ਅਗਲੇ ਮੈਚਾਂ ਲਈ ਆਪਣੀ ਥਾਂ ਬਣਾਈ |
