ਮੋਰਿੰਡਾ, 13 ਅਪ੍ਰੈਲ (ਤਰਲੋਚਨ ਸਿੰਘ ਕੰਗ)-ਸ਼ਬਦ ਸੰਚਾਰ ਸਾਹਿਤਕ ਸੁਸਾਇਟੀ ਰਜਿ. ਮੋਰਿੰਡਾ ਵਲੋਂ ਖਾਲਸਾ ਕੰਨਿਆ ਹਾਈ ਸੈਕੰਡਰੀ ਸਕੂਲ ਮੋਰਿੰਡਾ ਵਿਖੇ ਸਾਹਿਤਕ ਸਮਾਗਮ ਕੀਤਾ ਗਿਆ | ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਗੁਰਨਾਮ ਸਿੰਘ ਬਿਜਲੀ ਨੇ ਦੱਸਿਆ ਕਿ ਸਮਾਗਮ ਦੀ ਸ਼ੁਰੂਆਤ ਹਰਜਿੰਦਰ ਸਿੰਘ ਗੁਪਾਲੋਂ ਨੇ ਆਪਣੇ ਗੀਤ ਨਾਲ ਕੀਤੀ | ਇਸ ਤੋਂ ਇਲਾਵਾ ਪਰਮਿੰਦਰ ਪ੍ਰੇਮ, ਕੁਲਵਿੰਦਰ ਖੈਰਾਬਾਦ, ਹਰਦੀਪ ਸਿੰਘ ਪ੍ਰਧਾਨ, ਅਮਰਜੀਤ ਕੌਰ ਮੋਰਿੰਡਾ, ਸੁਰਿੰਦਰ ਸਿੰਘ ਰਸੂਲਪੁਰ, ਛਿੱਬਰ ਸਹੇੜੀ, ਸਿਮਰਨਜੀਤ ਸਿੰਘ, ਮੋਹਨ ਸਿੰਘ ਪਪਰਾਲਾ, ਮੈਡਮ ਮਨਦੀਪ ਰਿੰਪੀ, ਸੰਤੋਖ ਸਿੰਘ ਕੰਧੋਲਾ, ਰਾਬਿੰਦਰ ਸਿੰਘ ਰੱਬੀ, ਪਲਵਿੰਦਰ ਸਿੰਘ ਨਥਲਪੁਰੀ ਨੇ ਆਪਣੀਆਂ ਰਚਨਾਵਾਂ ਪੇਸ਼ ਕੀਤੀਆਂ | ਸਾਹਿਤਕ ਸਮਾਗਮ ਦੌਰਾਨ ਡਾ. ਰਾਜਿੰਦਰ ਸਿੰਘ ਕੁਰਾਲੀ ਨੇ ਵਿਸਾਖੀ 'ਤੇ ਆਪਣਾ ਲੈਕਚਰ ਦਿੱਤਾ | ਇਸ ਦੌਰਾਨ ਜਲੌਰ ਸਿੰਘ ਖੀਵਾ ਨੇ ਵਿਸਥਾਰ ਸਹਿਤ ਸੱਭਿਆਚਾਰ ਬਾਰੇ ਜਾਣਕਾਰੀ ਦਿੱਤੀ | ਗੁਰਨਾਮ ਸਿੰਘ ਬਿਜਲੀ ਨੇ ਵੀ ਆਪਣੀਆਂ ਗਜ਼ਲਾਂ ਪੇਸ਼ ਕੀਤੀਆਂ | ਸਮਾਗਮ ਦੌਰਾਨ ਸਟੇਜ ਸੰਚਾਲਨ ਦੀ ਭੂਮਿਕਾ ਗੁਰਿੰਦਰ ਕਲਸੀ ਨੇ ਨਿਭਾਈ |
