ਨੂਰਪੁਰ ਬੇਦੀ, 10 ਜੁਲਾਈ (ਰਾਜੇਸ਼ ਚੌਧਰੀ ਤਖਤਗੜ੍ਹ)-ਬਾਬਾ ਅਮਰਨਾਥ ਬਰਫ਼ਾਨੀ ਦੀ ਪਵਿੱਤਰ ਯਾਤਰਾ ਲਈ ਨੂਰਪੁਰ ਬੇਦੀ ਤੋਂ 26ਵਾਂ ਜਥਾ ਅੱਜ ਜਟੇਸ਼ਵਰ ਮਹਾਦੇਵ ਮੰਦਰ, ਜਟਵਾਹੜ ਤੋਂ ਭੋਲੇਨਾਥ ਦਾ ਅਸ਼ੀਰਵਾਦ ਪ੍ਰਾਪਤ ਕਰਕੇ ਸ਼ਰਧਾ ਅਤੇ ਉਤਸ਼ਾਹ ਨਾਲ ਰਵਾਨਾ ਹੋਇਆ। ਜਥੇ ਰਵਾਨਾ ਹੋਣ ਵਾਲੇ ਭਗਤਾਂ ਨੇ ‘’ਹਰ ਹਰ ਮਹਾਦੇਵ” ਦੇ ਜੈਕਾਰਿਆਂ ਨਾਲ ਯਾਤਰੀਆਂ ਨੂੰ ਵਿਦਾ ਕੀਤਾ। ਪਿੰਡ ਮੁਕਾਰੀ ਦੀ ਗਗਨਦੀਪ ਕੌਰ ਤੇ ਉਨਾਂ ਦੇ ਪਤੀ ਪ੍ਰਿੰਸ ਕੁਮਾਰ ਨੇ ਜਥੇ ਨੂੰ ਰਵਾਨਾ ਕਰਨ ਦੀ ਰਸਮ ਅਦਾ ਕੀਤੀ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਰਵਿੰਦਰ ਕੁਮਾਰ ਨੂਰਪੁਰ ਬੇਦੀ, ਪੰਜਾਬ ਮੋਰਚਾ ਦੇ ਕਨਵੀਨਰ ਗੌਰਵ ਰਾਣਾ, ਛਿੰਦਰਪਾਲ ਚੌਹਾਨ ਅਤੇ ਰੋਸ਼ਨ ਲਾਲ ਨੇ ਦੱਸਿਆ ਕਿ ਰਵਾਨਗੀ ਤੋਂ ਪਹਿਲਾਂ ਸਮੂਹ ਸ਼ਿਵ ਭਗਤਾਂ ਵਲੋਂ ਭੋਲੇਨਾਥ ਦੀ ਆਰਤੀ ਕੀਤੀ ਗਈ। ਇਸ ਦੌਰਾਨ ਪੰਡਿਤ ਸੰਜੀਵ ਸ਼ਰਮਾ ਨੇ ਧਾਰਮਿਕ ਰੀਤੀ-ਰਿਵਾਜਾਂ ਅਨੁਸਾਰ ਪੂਜਾ-ਅਰਚਨਾ ਕਰਵਾਈ ਅਤੇ ਯਾਤਰੀਆਂ ਦੀ ਸੁਖਮਈ ਯਾਤਰਾ ਲਈ ਅਰਦਾਸ ਕੀਤੀ। ਰਵਾਨਗੀ ਸਮੇਂ ਪੰਚ ਅਮਿੱਤ ਵਰਮਾ, ਪਵਨ ਕੁਮਾਰ, ਦਰਸ਼ਨ ਕੁਮਾਰ, ਅਸ਼ੋਕ ਕੁਮਾਰ, ਧਰਮਪਾਲ, ਪ੍ਰੇਮ ਚੰਦ, ਧਰਮਜੀਤ, ਹਰਭਜਨ, ਕਮਲਜੀਤ, ਕਾਲੂ ਕੁਮਾਰ, ਪੰਕਜ ਕੁਮਾਰ, ਬੋਬੀ ਬਾਵਾ, ਰਾਹੁਲ ਕੁਮਾਰ, ਬਰਮਨ ਟੇਲਰ, ਸੋਨੂ ਪਾਠਕ, ਜੋਤੀ ਟੇਲਰ, ਚੰਨਣ ਸਿੰਘ, ਰੋਕੀ ਕੁਮਾਰ, ਸੁਰਿੰਦਰ ਸਿੰਘ, ਰਾਹੁਲ ਕੌਸ਼ਲ, ਗੁਰਦੇਵ ਕਲਮਾ ਸਮੇਤ ਵੱਡੀ ਗਿਣਤੀ ਵਿਚ ਸ਼ਰਧਾਲੂ ਹਾਜ਼ਰ ਸਨ।
