ਨੂਰਪੁਰ ਬੇਦੀ, 12 ਜੁਲਾਈ (ਹਰਦੀਪ ਸਿੰਘ ਢੀਂਡਸਾ)-ਚੋਣ ਕਮਿਸ਼ਨ ਪੰਜਾਬ ਦੇ ਹੁਕਮਾਂ ਅਤੇ ਡਿਪਟੀ ਕਮਿਸ਼ਨਰ ਰੂਪਨਗਰ ਦੇ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਪੂਰੇ ਬਲਾਕ ਵਿਚ ਬੀ. ਐੱਲ. ਓ. ਵਲੋਂ ਐੱਸ. ਆਈ. ਆਰ. ਵਿਸ਼ੇਸ਼ ਸੋਧ ਸਬੰਧੀ ਫਾਰਮ ਭਰ ਰਹੇ ਹਨ। ਨੂਰਪੁਰ ਬੇਦੀ ਦੇ ਬੂਥ ਨੰਬਰ 79 ਤੋਂ ਬੀ. ਐੱਲ. ਓ. ਜਸਵੰਤ ਕੁਮਾਰ ਦੋ ਦਿਨ ਤੋਂ ਸਰਕਾਰੀ ਪ੍ਰਾਇਮਰੀ ਸਕੂਲ ਲੈਹੜੀਆਂ ਬੂਥ ‘ਤੇ ਬੈਠ ਕੇ ਕੰਮ ਕਰ ਰਹੇ ਹਨ। ਉਨ੍ਹਾਂ ਦੱਸਿਆ ਕਿ ਵਿਭਾਗ ਦੀਆਂ ਹਦਾਇਤਾਂ ਮੁਤਾਬਿਕ ਲੋਕਾਂ ਨੂੰ ਐੱਸ.ਆਈ.ਆਰ. ਸਬੰਧੀ ਜਾਗਰੂਕ ਕੀਤਾ ਗਿਆ ਅਤੇ ਫਾਰਮ ਭਰੇ ਗਏ। ਉਨ੍ਹਾਂ ਕਿਹਾ ਕਿ ਹਰ ਇੱਕ ਵੋਟਰ ਨੂੰ ਫਾਰਮ ਭਰਨਾ ਜ਼ਰੂਰੀ ਹੈ ਅਤੇ ਲੋਕਾਂ ਵਲੋਂ ਵੀ ਸਹਿਯੋਗ ਮਿਲ ਰਿਹਾ ਹੈ ਤਾਂ ਜੋ ਭਵਿੱਖ ਵਿਚ ਵੋਟਰ ਸੂਚੀ ਵਿਚੋਂ ਨਾਂਅ ਨਾ ਕੱਟਿਆ ਜਾਵੇ। ਇਸ ਮੌਕੇ ਸੁਪਰਵਾਈਜ਼ਰ ਅਨਿਲ ਕੁਮਾਰ, ਮੈਡਮ ਨੇਹਾ ਤੇ ਐੱਮ. ਪੀ. ਸ਼ਰਮਾ ਵੀ ਹਾਜ਼ਰ ਸਨ।
