ਐੱਚ. ਡੀ. ਐਫ. ਸੀ. ਬੈਂਕ ਮੋਰਿੰਡਾ ਦਾ ਏ. ਟੀ. ਐਮ. ਉਖਾੜ ਕੇ ਲੈ ਗਏ ਚੋਰ
ਮੋਰਿੰਡਾ, 25 ਅਗਸਤ (ਤਰਲੋਚਨ ਸਿੰਘ ਕੰਗ)- ਮੋਰਿੰਡਾ ਰੋਪੜ ਰੋਡ ’ਤੇ ਐੱਚ. ਡੀ.
ਮੋਰਿੰਡਾ, 25 ਅਗਸਤ (ਤਰਲੋਚਨ ਸਿੰਘ ਕੰਗ)- ਮੋਰਿੰਡਾ ਰੋਪੜ ਰੋਡ ’ਤੇ ਐੱਚ. ਡੀ. ਐਫ. ਸੀ. ਬੈਂਕ ਮੋਰਿੰਡਾ ਦੇ ਏ. ਟੀ. ਐਮ. ਨੂੰ ਪਹਿਲਾਂ ਤੋੜਨ ਦੀ ਕੋਸ਼ਿਸ਼ ਕੀਤੀ, ਫਿਰ ਜਦੋਂ ਏ. ਟੀ. ਐਮ. ਦਾ ਲੋਕ ਨਹੀਂ ਟੁੱਟਿਆ ਤਾਂ ਉਹ ਸਵਿਫ਼ਟ ਕਾਰ ਨੰਬਰ ਪੀ.ਬੀ. 46 ਏ.ਏ. 3868 ਦੇ ਪਿੱਛੇ ਬੰਨ੍ਹ ਕੇ ਰੋਪੜ ਸਾਈਡ ਨੂੰ ਲੈ ਗਏ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਏ. ਐਸ. ਆਈ. ਅੰਗਰੇਜ਼ ਸਿੰਘ ਨੇ ਦੱਸਿਆ ਕਿ ਬੈਂਕ ਦੇ ਬਾਹਰ ਲੱਗੇ ਕੈਮਰਿਆਂ ਵਿਚ ਇਹ ਸਾਰੀ ਵਾਰਦਾਤ ਕੈਦ ਹੋ ਗਈ। ਉਨ੍ਹਾਂ ਦੱਸਿਆ ਕਿ ਉਨ੍ਹਾਂ ਨੂੰ ਪਿੰਡ ਕਾਈਨੌਰ ਤੋਂ ਸੂਚਨਾ ਮਿਲੀ ਕਿ ਕੋਈ ਵਾਹਨ ਸੜਕ ਤੇ ਖੜੇ ਵਾਹਨਾਂ ਨਾਲ ਟਕਰਾ ਕੇ ਜਾ ਰਿਹਾ ਹੈ ਤੇ ਵਾਹਨਾਂ ਨੂੰ ਨੁਕਸਾਨ ਪਹੁੰਚਾ ਰਿਹਾ ਹੈ ਤਾਂ ਪੁਲਿਸ ਨੇ ਕਾਰ ਦਾ ਪਿੱਛਾ ਕੀਤਾ ਤਾਂ ਮੋਰਿੰਡਾ ਰੋਪੜ ਰੋਡ ਤੇ ਪੁਲਿਸ ਨੂੰ ਸਹੇੜੀ ਲਾਗੇ ਏ.ਟੀ.ਐਮ. ਚੈਂਬਰ ਮਿਲ ਗਿਆ। ਪਿੰਡ ਕਾਈਨੌਰ ਦੇ ਵਸਨੀਕਾਂ ਵਲੋਂ ਮਿਲੀ ਸੂਚਨਾ ਦੇ ਆਧਾਰ ‘ਤੇ ਮੋਰਿੰਡਾ ਪੁਲਿਸ ਨੂੰ ਪਿੰਡ ਸਮਾਣਾ ਲਾਗੇ ਨਵੇਂ ਬਣ ਰਹੇ ਭਾਰਤ ਮਾਲਾ ਨੈਸ਼ਨਲ ਹਾਈਵੇ ਤੇ ਪੈਂਚਰ ਹੋਈ ਸਵਿਫ਼ਟ ਕਾਰ ਖੜੀ ਮਿਲੀ। ਜਿਸਨੂੰ ਕਬਜ਼ੇ ਵਿਚ ਲੈ ਲਿਆ। ਇਸੇ ਸਬੰਧ ਵਿਚ ਬੈਂਕ ਮੈਨੇਜਰ ਨਰੇਸ਼ ਕੁਮਾਰ ਰਾਣਾ ਨੇ ਦੱਸਿਆ ਕਿ ਏ. ਟੀ. ਐਮ. ਵਿਚ ਪੰਜ ਲੱਖ ਪਝੱਤਰ ਹਜ਼ਾਰ ਸੱਤ ਸੌ ਰੁਪਏ ਸਨ, ਜੋ ਕਿ ਏ. ਟੀ. ਐਮ. ਦਾ ਲੌਕ ਨਾ ਟੁੱਟਣ ਕਾਰਨ ਬਚ ਗਏ। ਪੁਲਿਸ ਨੇ ਮਾਮਲਾ ਦਰਜ ਕਰਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
