ਰਮਦਾਸ, 28 ਜਨਵਰੀ (ਜਸਵੰਤ ਸਿੰਘ ਵਾਹਲਾ)-ਇਤਿਹਾਸਕ ਕਸਬਾ ਰਮਦਾਸ ਦੀ ਨੁਹਾਰ ਬਦਲਣ ਲਈ ਵਿਧਾਇਕ ਕੁਲਦੀਪ ਸਿੰਘ ਧਾਲੀਵਾਲ ਵਲੋਂ 7 ਕਰੋੜ ਰੁਪਏ ਦੀ ਲਾਗਤ ਨਾਲ ਹੋਣ ਵਾਲੇ ਵਿਕਾਸ ਕਾਰਜਾਂ ਦਾ ਬੀਤੇ ਦਿਨੀ ਨੀਂਹ ਪੱਥਰ ਰੱਖਿਆ ਗਿਆ ਸੀ ਅੱਜ ਉਸ ਨੂੰ ਅਮਲੀ ਜਾਮਾ ਪਹਿਨਾਉਂਦਿਆਂ ਹੋਇਆਂ ਉਨ੍ਹਾਂ ਕਾਰਜਾਂ ਦੀ ਸ਼ੁਰੂਆਤ ਰਮਦਾਸ ਦੇ ਵਾਰਡ ਨੰ: 2 'ਚ ਪਿੱਪਲੀ ਮੰਦਿਰ ਵਾਲੀ ਸੜਕ ਬਣਾਉਣ ਲਈ ਜੇ. ਸੀ. ਬੀ. ਲਗਾ ਕੇ ਕੰਮ ਨੂੰ ਸ਼ੁਰੂ ਕਰ ਦਿੱਤਾ ਗਿਆ ਹੈ | ਇਸ ਸਮੇਂ ਬਲਾਕ ਪ੍ਰਧਾਨ ਸੰਦੀਪ ਸਿੰਘ ਖਹਿਰਾ ਨੇ ਕਿਹਾ ਕਿ ਸ਼ਹਿਰ ਦੀਆਂ ਸੜਕਾਂ, ਗਲੀਆਂ ਆਦਿ ਦੇ ਸਾਰੇ ਵਿਕਾਸ ਕਾਰਜ ਵਿਧਾਇਕ ਕੁਲਦੀਪ ਸਿੰਘ ਧਾਲੀਵਾਲ ਦੀ ਅਗਵਾਈ ਹੇਠ ਕਰਵਾਏ ਜਾਣਗੇ ਅਤੇ ਇਸ ਪਵਿੱਤਰ ਕਸਬੇ ਦੀ ਦਿੱੱਖ ਸੰਵਾਰਨ 'ਚ ਕੋਈ ਕਸਰ ਬਾਕੀ ਨਹੀਂ ਛੱਡੀ ਜਾਵੇਗੀ | ਇਸ ਮੌਕੇ ਨਗਰ ਕੌਂਸਲ ਵਾਈਸ ਪ੍ਰਧਾਨ ਦਿਨੇਸ਼ ਸੋਨੀ, ਕੋਆਰਡੀਨੇਟਰ ਗੁਰਪ੍ਰੀਤ ਸਿੰਘ ਸਾਬੀ, ਕੌਂਸਲਰ ਗੁਰਮੀਤ ਕੌਰ, ਆਪ ਆਗੂ ਡਿੰਪਲ ਕੁਮਾਰ ਰਮਦਾਸ, ਰਣਜੀਤ ਸਿੰਘ ਬੱਗੂ, ਗੁਰਦੀਪ ਸਿੰਘ ਵਾਹਲਾ , ਕਰਨਜੀਤ ਸਿੰਘ ਬਿੱਟੂ, ਬੰਟੀ ਰਮਦਾਸ, ਕਲਰਕ ਧਰਮਵੀਰ, ਵਿੱਕੀ ਰਮਦਾਸ ਆਦਿ ਹਾਜ਼ਰ ਸਨ |
