ਗੁਰਸਿੱਖ ਫੌਜੀ ਨੇ ਆਪਣੇ ਛੋਟੇ ਦੋ ਪੁੱਤਰਾਂ ਸਮੇਤ ਮੈਰਾਥਨ ਦੌੜ 'ਚ ਲਿਆ ਭਾਗ <br/>

ਰਈਆ, 24 ਫਰਵਰੀ (ਸ਼ਰਨਬੀਰ ਸਿੰਘ ਕੰਗ)-ਏਥੋਂ ਨੇੜਲੇ ਪਿੰਡ ਰਮਾਣਾਚੱਕ ਦੇ ਵਾਸੀ ਅੰਮਿ੍ਤਧਾਰੀ ਗੁਰਸਿੱਖ ਫੌਜੀ ਲਖਬੀਰ ਸਿੰਘ ਪੁੱਤਰ ਕਸ਼ਮੀਰ ਸਿੰਘ ਜੋ ਕੋਲਕਤਾ ਵਿਖੇ ਭਾਰਤੀ ਫੌਜ ਵਿਚ ਨੌਕਰੀ ਕਰਦਾ ਹੈ | ਡੀ. ਐੱਸ. ਸੀ. ਕਵਾਟਰ ਮਾਸਟਰ ਹੈ, ਨੇ ਆਪਣੇ ਛੋਟੇ-ਛੋਟੇ ਦੋ ਪੁੱਤਰਾਂ ਪਵਨਜੋਤ ਸਿੰਘ ਉਮਰ 9 ਸਾਲ ਅਤੇ ਸਹਿਬਜੋਤ ਸਿੰਘ ਉਮਰ 7 ਸਾਲ ਜੋ ਦੋਵੇਂ ਕੇਸਾਧਾਰੀ ਹਨ ਸਮੇਤ ਬੀ. ਐੱਸ. ਐੱਫ. ਵਲੋਂ ਅੰਮਿ੍ਤਸਰ ਵਿਖੇ ਬੀਤੇ ਦਿਨ ਦੇਸ਼ ਪੱਧਰੀ ਕਰਵਾਈ ਗਈ 10 ਕਿਲੋਮੀਟਰ ਦੀ ਮੈਰਾਥਨ ਦੌੜ ਵਿਚ ਜਿਸ ਦਾ ਰਜਿਸਟਡ ਨੰ: 11366 ਸੀ ਭਾਗ ਲੈ ਕੇ ਆਪਣੇ ਪਿੰਡ, ਇਲਾਕੇ ਅਤੇ ਆਪਣੇ ਸੂਬੇ ਪੰਜਾਬ ਦਾ ਨਾਂ ਰੌਸ਼ਨ ਕੀਤਾ ਹੈ | ਜਿਨਾਂ ਨੂੰ ਉਚ ਅਧਿਕਾਰੀਆ ਵਲੋਂ ਮੈਡਲ ਦੇ ਕੇ ਸਨਮਾਨਿਤ ਕੀਤਾ ਗਿਆ | ਇਸ ਦੌੜ ਵਿਚ 7500 ਦੇ ਕਰੀਬ ਦੌੜਾਕਾਂ ਨੇ ਭਾਗ ਲਿਆ ਸੀ | ਏਥੇ ਇਹ ਵੀ ਜਿਕਰਯੋਗ ਹੈ ਕਿ ਫੌਜੀ ਲਖਬੀਰ ਸਿੰਘ ਅੰਮਿ੍ਤਧਾਰੀ ਸਿੰਘ ਸਜਿਆ ਹੋਣ ਕਰਕੇ ਅਤੇ ਆਪਣੇ ਛੋਟੇ ਕੇਸਾਧਾਰੀ ਬੱਚਿਆਂ ਨਾਲ ਮੈਰਾਥਨ ਦੌਣ ਵਿਚ ਭਾਗ ਲੈਣ ਕਰਕੇ ਉਚ ਅਫਸਰਾਂ ਨੇ ਉਨਾਂ ਨੂੰ ਬਹੁਤ ਮਾਣ-ਸਤਿਕਾਰ ਦਿੱਤਾ |