ਰਈਆ, 27 ਮਾਰਚ (ਸ਼ਰਨਬੀਰ ਸਿੰਘ ਕੰਗ)-ਦਾਣਾ ਮੰਡੀ ਰਈਆ ਵਿਖੇ ਆੜ੍ਹਤੀਆਂ ਦੀ ਜਨਰਲ ਹਾਊਸ ਦੀ ਮੀਟਿੰਗ ਹੋਈ | ਜਿਸ ਵਿਚ ਪੁਰਾਣੇ ਪ੍ਰਧਾਨ ਗੁਰਦੇਵ ਸਿੰਘ ਖਾਲਸਾ ਦਾ ਕਾਰਜਕਾਲ ਪੂਰਾ ਹੋਣ 'ਤੇ ਨਵੇਂ ਪ੍ਰਧਾਨ ਦੀ ਚੋਣ ਕਰਨ ਲਈ ਕਾਰਵਾਈ ਆਰੰਭੀ ਗਈ | ਜਿਸ ਵਿਚ ਮਨੋਜ ਕੁਮਾਰ ਉੱਪਲ ਨੇ ਨਵੇਂ ਪ੍ਰਧਾਨ ਲਈ ਰਜੀਵ ਭੰਡਾਰੀ ਦਾ ਨਾਂਅ ਪੇਸ਼ ਕੀਤਾ | ਰਜੇਸ਼ ਟਾਂਗਰੀ, ਸੁਖਜਿੰਦਰ ਸਿੰਘ ਲਵਲੀ ਨੇ ਇਨ੍ਹਾਂ ਦੇ ਨਾਂਅ ਦੀ ਤਾਈਦ ਕੀਤੀ | ਸਮੂਹ ਹਾਊਸ ਨੇ ਸਰਬਸੰਮਤੀ ਨਾਲ ਰਜੀਵ ਭੰਡਾਰੀ ਨੂੰ ਆਉਣ ਵਾਲੇ ਦੋ ਸਾਲਾਂ ਲਈ ਮੰਡੀ ਦੀ ਆੜ੍ਹਤੀ ਐਸੋਸੀਏਸ਼ਨ ਦਾ ਪ੍ਰਧਾਨ ਚੁਣ ਲਿਆ | ਇਸ ਮੌਕੇ ਵਿਸ਼ੇਸ਼ ਤੌਰ 'ਤੇ ਪਹੁੰਚੇ ਹਲਕਾ ਵਿਧਾਇਕ ਦਲਬੀਰ ਸਿੰਘ ਟੌਂਗ ਨੇ ਰਜੀਵ ਭੰਡਾਰੀ ਨੂੰ ਚੌਥੀ ਵਾਰ ਪ੍ਰਧਾਨ ਬਣਨ 'ਤੇ ਸਨਮਾਨਿਤ ਕੀਤਾ ਤੇ ਵਧਾਈ ਦਿੱਤੀ | ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਵਿਧਾਇਕ ਟੌਂਗ ਨੇ ਕਿਹਾ ਕਿ ਰਜੀਵ ਭੰਡਾਰੀ ਮੰਡੀ ਵਿਚ ਬਹੁਤ ਹੀ ਵਧੀਆ ਤਰੀਕੇ ਨਾਲ ਕੰਮ ਕਰ ਰਹੇ ਹਨ ਉਨ੍ਹਾਂ ਦੇ ਇਸ ਕੰਮ ਨੂੰ ਵੇਖਦੇ ਹੋਏ ਉਨ੍ਹਾਂ ਨੂੰ ਦੁਬਾਰਾ ਮੰਡੀ ਆੜਤੀ ਐਸੋਸੀਏਸ਼ਨ ਰਈਆ ਦਾ ਚੌਥੀ ਵਾਰ ਪ੍ਰਧਾਨ ਚੁਣਿਆ ਗਿਆ ਹੈ | ਇਸ ਮੌਕੇ ਰਜੀਵ ਭੰਡਾਰੀ ਨੇ ਵਿਧਾਇਕ ਦਲਬੀਰ ਸਿੰਘ ਟੌਂਗ ਦਾ ਵੀ ਵਿਸ਼ੇਸ਼ ਤੌਰ 'ਤੇ ਧੰਨਵਾਦ ਕੀਤਾ ਤੇ ਕਿਹਾ ਕਿ ਵਿਧਾਇਕ ਟੌਂਗ ਨੇ ਇੱਥੇ ਪਹੁੰਚ ਕੇ ਸਾਡਾ ਮਾਣ ਵਧਾਇਆ | ਇਸ ਮੌਕੇ ਹਲਕਾ ਬਾਬਾ ਬਕਾਲਾ ਸਾਹਿਬ ਦੇ ਸੰਗਠਨ ਇੰਚਾਰਜ ਸੰਜੀਵ ਭੰਡਾਰੀ, ਮਨੋਜ ਕੁਮਾਰ ਉੱਪਲ, ਰਜੇਸ਼ ਟਾਂਗਰੀ, ਹਰਸ਼ੰਕਰ ਉੱਪਲ, ਮਨੀਸ਼ ਨਈਅਰ, ਰਾਹੁਲ ਰਿਖੀ, ਸੁਨੀਲ ਰਿਖੀ, ਮਾਸਟਰ ਸੰਤੋਖ ਸਿੰਘ ਚੀਮਾ, ਗੁਰਦੇਵ ਸਿੰਘ ਵਜ਼ੀਰ, ਪ੍ਰਗਟ ਸਿੰਘ ਮਾਨ, ਦਰਸ਼ਨ ਸਿੰਘ, ਸੋਨੀ ਭਿੰਡਰ, ਜੁਗਰਾਜ ਸਿੰਘ ਰਜਧਾਨ, ਤਿਲਕ ਰਾਜ ਛਾਬੜਾ, ਚਰਨਜੀਤ ਚੰਨੀ, ਸੁਖਵੰਤ ਸਿੰਘ, ਭੁਪਿੰਦਰ ਸਿੰਘ, ਰਮਨ ਕਾਲੀਆ, ਕਰਨ ਕਾਲੀਆ, ਅਭਿਨਵ ਜੋਸ਼ੀ, ਕਰਨ ਤਰੇਹਨ, ਕਮਲਜੀਤ ਭੁੱਲਰ, ਕਰਨਵੀਰ ਸਿੰਘ, ਗੁਰਦੇਵ ਸਿੰਘ ਖਾਲਸਾ ਅਤੇ ਹੋਰ ਬਹੁਤ ਸਾਰੇ ਆੜਤੀ ਆਦਿ ਹਾਜ਼ਰ ਸਨ |
