ਰਈਆ, 16 ਅਪ੍ਰੈਲ (ਸ਼ਰਨਬੀਰ ਸਿੰਘ ਕੰਗ)-ਏਥੋਂ ਨੇੜਲੇ ਪਿੰਡ ਕਾਲੇਕੇ ਦੇ ਵਾਸੀ ਉਘੇ ਸਮਾਜ ਸੇਵਕ ਮਾ: ਪ੍ਰੀਤਮਹਿੰਦਰ ਸਿੰਘ ਪੁੱਤਰ ਮੱਖਣ ਸਿੰਘ ਜੋ ਸਰਕਾਰੀ ਐਲੀਮੈਂਟਰੀ ਸਕੂਲ ਖਿਲਚੀਆਂ ਵਿਖੇ ਬਤੌਰ ਸੈਂਟਰ ਹੈੱਡ ਟੀਚਰ ਨੌਕਰੀ ਕਰਦੇ ਹਨ, ਨੇ ਨੈਸ਼ਨਲ ਆਈ ਕੇਅਰ ਤੇ ਲੇਸਿਕ ਹੱਬ ਵਲੋਂ ਜਲੰਧਰ ਵਿਖੇ ਬੀਤੇ ਦਿਨ ਕਰਵਾਈ ਗਈ 21 ਕਿਲੋਮੀਟਰ ਦੀ ਮੈਰਾਥਨ ਦੌੜ ਜੋ ਸਪੋਰਟਸ ਕਾਲਜ ਤੋਂ ਚੱਲ ਕੇ ਬਿਧੀਪੁਰ ਫਾਟਕ ਤੋਂ ਵਾਪਸ ਸਪੋਰਟਸ ਕਾਲਜ ਵਿਖੇ ਸਮਾਪਤ ਹੋਈ ਸੀ ਜਿਸ ਵਿਚ ਉਨ੍ਹਾਂ ਦਾ ਰਜਿਸਟਰਡ ਨੰ : 2414 ਸੀ ਭਾਗ ਲੈ ਕੇ ਆਪਣੇ ਪਿੰਡ ਕਾਲੇਕੇ, ਖਿਲਚੀਆਂ ਸਕੂਲ, ਇਲਾਕੇ ਅਤੇ ਆਪਣੇ ਸੂਬੇ ਪੰਜਾਬ ਦਾ ਨਾਂ ਰੌਸ਼ਨ ਕੀਤਾ ਹੈ | ਜਿਨ੍ਹਾਂ ਨੂੰ ਮੈਡਲ ਦੇ ਕੇ ਸਨਮਾਨਿਤ ਕੀਤਾ ਗਿਆ | ਇਸ ਦੌੜ ਵਿਚ 1800 ਤੋਂ ਵੱਧ ਦੌੜਾਕਾਂ ਨੇ ਭਾਗ ਲਿਆ ਸੀ | ਇਸ ਦੌੜ ਵਿਚ ਵੱਖ-2 ਕਾਲਜਾਂ, ਐੱਨ. ਸੀ. ਸੀ. ਕੈਡਿਟਾਂ, ਡੀ. ਏ. ਵੀ. ਯੂਨੀਵਰਸਿਟੀ ਦੇ ਵਲੰਟੀਅਰਾਂ ਨੇ ਟ੍ਰੈਫਿਕ ਨੂੰ ਕੰਟਰੋਲ ਕਰਨ, ਐਸੋਸੀਏਸ਼ਨ ਸਾਈਨ ਗਰੁੱਪਾਂ ਦੇ ਵਿਸ਼ੇਸ਼ ਦੌੜਾਕਾਂ ਨੇ ਭਾਗ ਲਿਆ ਸੀ | ਏਥੇ ਇਹ ਵੀ ਜ਼ਿਕਰਯੋਗ ਹੈ ਕਿ ਮਾ: ਪ੍ਰੀਤਮਹਿੰਦਰ ਸਿੰਘ ਦੇ ਸੈਂਟਰ ਹੈੱਡ ਟੀਚਰ ਦੀਆਂ ਸੇਵਾਵਾਂ ਨਿਭਾਉਂਦੇ ਹੋਣ ਕਰਕੇ ਮੈਰਾਥਨ ਦੌੜ ਵਿਚ ਭਾਗ ਲੈਣ ਕਰਕੇ ਉਨ੍ਹਾਂ ਨੂੰ ਬਹੁਤ ਮਾਣ-ਸਤਿਕਾਰ ਦਿੱਤਾ |
