ਚੇਤਨਪੁਰਾ ਤੇ ਆਸ ਪਾਸ ਦੇ ਪਿੰਡਾਂ ’ਚ ਚੋਰੀਆਂ ਦੀ ਭਰਮਾਰ
ਸੋਹੀਆਂ ਕਲਾਂ ਵਿਖੇ ਦਿਨ ਦਿਹਾੜੇ ਚੋਰੀ ਕਰਦੇ ਦੋ ਚੋਰ ਲੋਕਾਂ ਨੇ ਕੀਤੇ ਕਾਬੂ
ਚੇਤਨਪੁਰਾ, 5 ਅਗਸਤ (ਮਹਾਂਬੀਰ ਸਿੰਘ ਗਿੱਲ)-ਚੇਤਨਪੁਰਾ ਤੇ ਆਸ ਪਾਸ ਦੇ ਪਿੰਡਾਂ ਵਿਚ ਲੁੱਟਾਂ ਖੋਹਾਂ ਦੇ ਦਿਨ ਦਿਹਾੜੇ ਚੋਰੀਆਂ ਦੀ ਭਰਮਾਰ ਪਾਈ ਜਾ ਰਹੀ ਹੈ। ਅੱਜ ਫਿਰ ਪਿੰਡ ਸੋਹੀਆਂ ਕਲਾਂ ਦੇ ਕਿਸਾਨ ਚਰਨਜੀਤ ਸਿੰਘ ਤੇ ਸੰਦੀਪ ਸਿੰਘ ਸੋਹੀ ਨੇ ਦੱਸਿਆ ਕਿ ਅੱਜ ਦੁਪਹਿਰੇ ਦੋ ਚੋਰਾਂ ਵਲੋਂ ਉਨ੍ਹਾਂ ਦੇ ਘਰ ਦੇ ਬਾਹਰ ਪਿਆ ਹੋਇਆ ਲੋਹੇ ਦਾ ਖੰਭਾ ਚੋਰੀ ਕੀਤਾ ਤੇ ਚੋਰੀ ਕਰਕੇ ਲਿਜਾ ਰਹੇ ਚੋਰਾਂ ਨੂੰ ਰਸਤੇ ਵਿਚ ਕਾਬੂ ਕਰ ਲਿਆ ਤੇ ਛਿੱਤਰ ਪਰੇਡ ਕਰਕੇ ਪੁਲਿਸ ਥਾਣਾ ਮਜੀਠਾ ਵਿਖੇ ਭੇਜ ਦਿੱਤਾ ਤੇ ਉਨ੍ਹਾਂ ਕੋਲੋਂ ਬਿਜਲੀ ਦਾ ਖੰਭਾ ਵਾਪਸ ਲੈ ਲਿਆ ।
ਚੇਤਨਪੁਰਾ, 5 ਅਗਸਤ (ਮਹਾਂਬੀਰ ਸਿੰਘ ਗਿੱਲ)-ਚੇਤਨਪੁਰਾ ਤੇ ਆਸ ਪਾਸ ਦੇ ਪਿੰਡਾਂ ਵਿਚ ਲੁੱਟਾਂ ਖੋਹਾਂ ਦੇ ਦਿਨ ਦਿਹਾੜੇ ਚੋਰੀਆਂ ਦੀ ਭਰਮਾਰ ਪਾਈ ਜਾ ਰਹੀ ਹੈ। ਅੱਜ ਫਿਰ ਪਿੰਡ ਸੋਹੀਆਂ ਕਲਾਂ ਦੇ ਕਿਸਾਨ ਚਰਨਜੀਤ ਸਿੰਘ ਤੇ ਸੰਦੀਪ ਸਿੰਘ ਸੋਹੀ ਨੇ ਦੱਸਿਆ ਕਿ ਅੱਜ ਦੁਪਹਿਰੇ ਦੋ ਚੋਰਾਂ ਵਲੋਂ ਉਨ੍ਹਾਂ ਦੇ ਘਰ ਦੇ ਬਾਹਰ ਪਿਆ ਹੋਇਆ ਲੋਹੇ ਦਾ ਖੰਭਾ ਚੋਰੀ ਕੀਤਾ ਤੇ ਚੋਰੀ ਕਰਕੇ ਲਿਜਾ ਰਹੇ ਚੋਰਾਂ ਨੂੰ ਰਸਤੇ ਵਿਚ ਕਾਬੂ ਕਰ ਲਿਆ ਤੇ ਛਿੱਤਰ ਪਰੇਡ ਕਰਕੇ ਪੁਲਿਸ ਥਾਣਾ ਮਜੀਠਾ ਵਿਖੇ ਭੇਜ ਦਿੱਤਾ ਤੇ ਉਨ੍ਹਾਂ ਕੋਲੋਂ ਬਿਜਲੀ ਦਾ ਖੰਭਾ ਵਾਪਸ ਲੈ ਲਿਆ । ਉਕਤ ਚੋਰਾਂ ਦੀ ਪਹਿਚਾਣ ਅਜੈ ਕੁਮਾਰ ਸਪੁੱਤਰ ਤਾਰਾ ਚੰਦ ਵਾਸੀ ਗਾਲੋਵਾਲੀ ਕਾਲੋਨੀਆਂ ਤੇ ਲਾਡੀ ਪੁੱਤਰ ਇੰਦਰਜੀਤ ਵਾਸੀ ਕਰਨਾਲਾ ਟੱਪਰੀਆਂ ਨੇੜੇ ਕੱਥੂਨੰਗਲ ਵਜੋਂ ਹੋਈ। ਚੋਰਾਂ ਨੇ ਦੱਸਿਆ ਕਿ ਉਹ ਨਸ਼ੇ ਦੀ ਆਦੀ ਹਨ ਤੇ ਨਿਤ ਦਿਨ ਪੈਸਿਆਂ ਲਈ ਚੋਰੀ ਕਰਦੇ ਹਨ। ਇਸੇ ਤਰ੍ਹਾਂ ਬੀਤੀ ਰਾਤ ਪਿੰਡ ਸੰਤੂਨੰਗਲ ਵਿਖੇ ਕਿਸਾਨ ਹਰਪਾਲ ਸਿੰਘ ਤੇ ਕਿਸਾਨ ਬਲਵਿੰਦਰ ਸਿੰਘ ਦੀਆਂ ਪਾਣੀ ਵਾਲੀਆਂ ਮੋਟਰਾਂ ਦੀਆਂ ਡਿਲਵਰੀ ਵਾਲੀਆਂ ਤਾਰਾਂ ਅਣਪਛਾਤੇ ਚੋਰਾਂ ਵਲੋਂ ਚੋਰੀ ਕਰ ਲਈਆਂ ਗਈਆਂ। ਇਨ੍ਹਾਂ ਚੋਰੀਆਂ ਦੀ ਸੂਚਨਾ ਪੁਲਿਸ ਨੂੰ ਦਿੱਤੀ ਗਈ ਹੈ।
