ਨਗੀਨਾ ਐਵੇਨਿਊ ਮਜੀਠਾ ਰੋਡ ’ਚ ਘਰ ’ਚ ਹੋਈ ਲੱਖਾਂ ਦੀ ਚੋਰੀ
ਅੰਮ੍ਰਿਤਸਰ, 21 ਅਗਸਤ (ਰੇਸ਼ਮ ਸਿੰਘ)-ਨਗੀਨਾ ਐਵੱਨਿਊ ਮਜੀਠਾ ਰੋਡ ਦੇ ਇਕ ਘਰ ਨੂੰ ਚੋਰਾਂ ਵਲੋਂ ਨਿਸ਼ਾਨਾ ਬਣਾਇਆ ਗਿਆ ਹੈ, ਜਿਸ ਤਹਿਤ ਘਰ ’ਚ ਗਰਿਲ ਤੋੜ ਕੇ ਦਾਖਲ ਹੋਏ ਚੋਰਾਂ ਨੇ ਸੋਨੇ ਦੇ ਗਹਿਣੇ, ਨਕਦੀ ਤੇ ਹੋਰ ਕੀਮਤੀ ਸਾਮਾਨ ਚੁਰਾ ਲਿਆ। ਜਿਨ੍ਹਾਂ ਦੀ ਸੀ.
ਅੰਮ੍ਰਿਤਸਰ, 21 ਅਗਸਤ (ਰੇਸ਼ਮ ਸਿੰਘ)-ਨਗੀਨਾ ਐਵੱਨਿਊ ਮਜੀਠਾ ਰੋਡ ਦੇ ਇਕ ਘਰ ਨੂੰ ਚੋਰਾਂ ਵਲੋਂ ਨਿਸ਼ਾਨਾ ਬਣਾਇਆ ਗਿਆ ਹੈ, ਜਿਸ ਤਹਿਤ ਘਰ ’ਚ ਗਰਿਲ ਤੋੜ ਕੇ ਦਾਖਲ ਹੋਏ ਚੋਰਾਂ ਨੇ ਸੋਨੇ ਦੇ ਗਹਿਣੇ, ਨਕਦੀ ਤੇ ਹੋਰ ਕੀਮਤੀ ਸਾਮਾਨ ਚੁਰਾ ਲਿਆ। ਜਿਨ੍ਹਾਂ ਦੀ ਸੀ. ਸੀ. ਟੀ. ਵੀ. ਕੈਮਰੇ ’ਚ ਰਿਕਾਰਡ ਹੋ ਗਈ ਜਿਸ ’ ਚ ਚੋਰ ਐਕਟਿਵਾ ਸਕੂਟਰੀ ’ਤੇ ਸਾਮਾਨ ਚੋਰੀ ਕਰਕੇ ਫਰਾਰ ਹੋ ਰਹੇ ਹਨ। ਥਾਣਾ ਸਦਰ ਦੀ ਪੁਲਿਸ ਨੂੰ ਕੀਤੀ ਸ਼ਿਕਾਇਤ ’ਚ ਸ਼ਿਵਮ ਦੁੱਗਲ ਵਾਸੀ ਨਗੀਨਾ ਐਵੇਨਿਊ ਮਜੀਠਾ ਰੋਡ ਨੇ ਦੱਸਿਆ ਕਿ ਉਨ੍ਹਾਂ ਦੀ ਮਾਤਾ ਨੂੰ ਉਹ ਅੰਮ੍ਰਿਤਸਰ ਦੇ ਅਮਨਦੀਪ ਹਸਪਤਾਲ ’ਚ ਚਲ ਰਹੇ ਇਲਾਜ ਲਈ ਡਾਕਟਰ ਕੋਲ ਦਿਖਾਉਣ ਲਈ ਗਏ ਸਨ ਜਦਕਿ ਚੈੱਕ ਕਰਵਾ ਕੇ ਉਹ ਆਪਣੇ ਨਾਨਕੇ ਚਲੇ ਗਏ ਤੇ ਅਗਲੇ ਦਿਨ ਜਦੋਂ ਘਰ ਵਾਪਸ ਆਏ ਤਾਂ ਘਰ ਦਾ ਮੇਨ ਦਰਵਾਜ਼ਾ ਖੋਲਿਆ ਤਾਂ ਘਰ ਦੇ ਅੰਦਰ ਹੀ ਰਸੋਈ ਦੀ ਬਾਰੀ ਟੁੱਟੀ ਹੋਈ ਸੀ ਤੇ ਲੋਹੇ ਦੀ ਗਰਿਲ ਦੇ ਪੇਚ ਖੁੱਲ੍ਹੇ ਹੋਏ ਸਨ। ਜਦੋਂ ਅੰਦਰ ਜਾ ਕੇ ਦੇਖਿਆ ਤਾਂ ਸਾਰੇ ਘਰ ਦੇ ਕਮਰਿਆਂ ’ਚ ਸਾਮਾਨ ਖਿਲਰਿਆ ਪਿਆ ਸੀ। ਚੋਰਾਂ ਨੇ ਕਾਫੀ ਸਾਮਾਨ ਚੋਰੀ ਕਰ ਲਿਆ ਜਿਵੇਂ ਕਿ ਸੋਨੀ ਤੇ ਸੈਮਸੰਗ ਦੀ ਐੱਲ. ਈ. ਡੀ., ਹੋਮ ਥਿਏਟਰ ਸਿਸਟਮ, ਡਿਸਕ ਕੈਮਰਾ, ਸੈਮਸੰਗ ਕਲਾਸਿਕ 4 ਜਨਾਨਾ ਘੜੀਆਂ, 4 ਪਸ਼ਮੀਨਾ ਸ਼ਾਲ, ਸੋਨੇ ਦਾ ਕੜ੍ਹਾ 10 ਗ੍ਰਾਮ, ਸੋਨੇ ਦੀਆਂ ਵਾਲੀਆਂ 8 ਗ੍ਰਾਮ, ਸੋਨੇ ਦੀ ਚੇਨ 10 ਗ੍ਰਾਮ, 2 ਚਾਂਦੀ ਦੇ ਗਲਾਸ, 4 ਸਿੱਕੇ ਚਾਂਦੀ ਦੇ, ਰੈੱਡ ਸੂਟਕੇਸ, ਬਲਿਊ ਬੈਗ ਤੇ 90 ਹਜ਼ਾਰ ਨਕਦੀ ਚੁਰਾ ਲਈ ਗਈ। ਜਦੋਂ ਉਨ੍ਹਾਂ ਗੁਆਂਢ ਦੇ ਸੀ. ਸੀ. ਟੀ. ਵੀ. ਕੈਮਰੇ ਚੈੱਕ ਕੀਤੇ ਤਾਂ ਦਰਮਿਆਨੀ ਰਾਤ ਨੂੰ ਚੋਰ ਦੋ ਵਾਰੀ ਸਾਮਾਨ ਚੋਰੀ ਕਰਕੇ ਲੈ ਗਏ ਤੇ ਐਕਟਿਵਾ ‘ਤੇ ਜਾਂਦੇ ਦਿਖਾਈ ਦਿੱਤੇ। ਪੁਲਿਸ ਵਲੋਂ ਪਰਚਾ ਦਰਜ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਗਈ ਹੈ ।
