ਭਾਦਸੋਂ, 21 ਜੁਲਾਈ (ਗੁਰਬਖਸ ਸਿੰਘ ਵੜੈਚ)-ਕਾਂਗਰਸ ਪਾਰਟੀ ਦੇ ਕਾਰਜਕਾਲ ’ਚ ਮੰਤਰੀ ਰਹੇ ਸਾਧੂ ਸਿੰਘ ਧਰਮਸੋਤ ਨੇ ਭਾਦਸੋਂ ਸਰਹੰਦ ਚੋਅ ਦਾ ਦੌਰਾ ਕਰਦਿਆਂ ਕਿਹਾ ਕਿ ਬਰਸਾਤ ਦਾ ਮੌਸਮ ਸਿਰ ’ਤੇ ਹੈ ਪਰ ਅਜੇ ਤੱਕ ਸਫ਼ਾਈ ਨਾ ਹੋਣ ਕਰਕੇ ਜੰਗਲੀ ਬੂਟੀ ਨੇ ਪਾਣੀ ਦਾ ਰਸਤਾ ਰੋਕ ਰੱਖਿਆ ਹੈ। ਉਨਾ ਕਿਹਾ ਕਿ ‘ਆਪ’ ਸਰਕਾਰ ਹਰੇਕ ਫਰੰਟ ’ਤੇ ਫੇਲ੍ਹ ਸਾਬਤ ਹੋਈ ਹੈ। ਸਰਕਾਰ ਦਾ ਕੰਮ ਸਿਰਫ ਇਸ਼ਤਿਹਾਰਬਾਜੀ ਜੋਗਾ ਹੀ ਰਹਿ ਗਿਆ ਹੈ ਜਦਕਿ ਵਿਕਾਸ ਕੋਹਾਂ ਦੂਰ ਹੈ। ਉਨ੍ਹਾਂ ਕਿਹਾ ਕਿ ਕਾਂਗਰਸ ਪਾਰਟੀ ਦੇ ਕਾਰਜਕਾਲ ਦੌਰਾਨ ਇਲਾਕਾ ਵਾਸੀਆਂ ਨੂੰ ਕਦੀ ਵੀ ਕੋਈ ਸਮੱਸਿਆ ਨਹੀਂ ਆਉਣ ਦਿੱਤੀ ਗਈ। ਇਸ ਮੌਕੇ ਉਨ੍ਹਾਂ ਨਾਲ ਨਗਰ ਪੰਚਾਇਤ ਭਾਦਸੋਂ ਦੇ ਸਾਬਕਾ ਪ੍ਰਧਾਨ ਚੂਨੀ ਲਾਲ, ਆਸ਼ੀਸ ਸਿੰਗਲਾ, ਸ਼ਹਿਰੀ ਪ੍ਰਧਾਨ ਸੁਖਜੀਵਨ ਭੋਲਾ, ਸੰਜੀਵ ਕਾਕਾ, ਅਜਮੀਲ਼ ਖਾਂ ਵੀ ਹਾਜ਼ਰ ਸਨ।
