ਰਾਜਪੁਰਾ,24 ਜੁਲਾਈ (ਰਣਜੀਤ ਸਿੰਘ)-ਸਥਾਨਕ ਸ਼ਹਿਰ ਵਿਚ ਸਾਂਝੇ ਧੜੇ ਦੇ ਸੱਦੇ ’ਤੇ ਪੀ. ਐਸ. ਈ. ਬੀ. ਇੰਪਲਾਈਜ ਫੈਡਰੇਸ਼ਨ ਏਟਕ ਐਡਹਾਕ ਕਮੇਟੀ ਪੰਜਾਬ ਡਵੀਜਨ ਰਾਜਪੁਰਾ ਤੇ ਪਾਵਰਕਾਮ ਪੰਜਾਬ ਡਵੀਜਨ ਰਾਜਪੁਰਾ ਵਲੋਂ ਮਾਸ ਲੀਵ ਭਰਨ ਉਪਰੰਤ ਰਾਜੁਪਰਾ ਡਵੀਜਨ ਦੇ ਮੇਨ ਗੇਟ ’ਤੇ ਚੌਥੇ ਦਿਨ ਰੋਸ ਰੈਲੀ ਕੀਤੀ ਗਈ। ਰੋਸ ਰੈਲੀ ਦੀ ਪ੍ਰਧਾਨਗੀ ਸਾਥੀ ਕੁਲਦੀਪ ਸਿੰਘ ਡਵੀਜਨ ਪ੍ਰਧਾਨ, ਪ੍ਰਧਾਨ ਜੀਵਨ ਸਿੰਘ ਨੇ ਕੀਤੀ। ਇਸ ਮੌਕੇ ਪ੍ਰਧਾਨ ਰਜਿੰਦਰ ਸਿੰਘ ਪ੍ਰਧਾਨ ਬਲਜੀਤ ਕੁਮਾਰ ਨੇ ਪੱਤਰਕਾਰਾਂ ਨੂੰ ਸਬੰਧਨ ਕਰਦਿਆਂ ਕਿਹਾ ਕਿ ਪੰਜਾਬ ਸਰਕਾਰ ਅਤੇ ਮੈਨੇਜਮੈਟ ਵਾਰ ਵਾਰ ਮੰਗਾਂ ਮੰਨ ਕੇ ਲਾਗੂ ਨਹੀਂ ਕਰ ਰਹੇ। ਉਨ੍ਹਾਂ ਨੇ ਕਿਹਾ ਕਿ ਕੱਚੇ ਮੁਲਾਜ਼ਮ ਪੱਕੇ ਕਰਨ, ਪੈਨਸ਼ਨਰਾਂ ਤੇ ਮੁਲਾਜ਼ਮਾਂ ਦਾ ਬਕਾਇਆ ਡੀ. ਏ., ਨਵੀਂ ਰੈਗੂਲਰ ਭਰਤੀ ਕਰਨ, ਤਰਸ ਦੇ ਆਧਾਰ ’ਤੇ ਨੌਕਰੀਆਂ ਤੇ ਹੋਰ ਵਾਜਬ ਮੰਗਾਂ ਤੋਂ ਟਾਲ ਮਟੋਲ ਕਰ ਰਹੀ ਹੈ। ਉਨ੍ਹਾੰ ਨੇ ਪੰਜਾਸ ਸਰਕਾਰ ਤੇ ਮੈਨੇਜਮੈਂਟ ਨੂੰ ਕਿਹਾ ਕਿ ਅੜੀਅਲ ਵਤੀਰਾ ਛੱਡ ਕੇ ਮਸਲਿਆਂ ਦਾ ਹੱਲ ਗੱਲਬਾਤ ਰਾਹੀਂ ਹੱਲ ਕੀਤਾ ਜਾਵੇ। ਉਨ੍ਹਾਂ ਨੇ ਅੱਗੇ ਦੱਸਿਆ ਕਿ ਜੇਕਰ ਪੰਜਾਬ ਸਰਕਾਰ ਤੇ ਮੈਨੇਜਮੈਂਟ ਨੇ ਮਸਲੇ ਦਾ ਹੱਲ ਨਾ ਕੀਤਾ ਤਾਂ ਮਾਸ ਲੀਵ ਦਾ ਸੰਘਰਸ਼ ਅੱਗੇ ਵਧਾਇਆ ਜਾਵੇਗਾ। ਉਨ੍ਹਾਂ ਨੇ ਦੱਸਿਆ ਕਿ ਕੱਲ੍ਹ ਵੀ ਮੇਨ ਗੇਟ ’ਤੇ ਰੋਸ ਰੈਲੀ ਕੀਤੀ ਜਾਵੇਗੀ। ਰੈਲੀ ਵਿਚ ਹਰਭਜਨ ਸਿੰਘ ਪਿਲਖਣੀ, ਬਲਬੀਰ ਸਿੰਘ, ਨਰਿੰਦਰ ਮੰਨੋਰੀ, ਦਿਨੇਸ਼ ਕੁਮਾਰ, ਸੁਰਮੁੱਖ ਸਿੰਘ, ਅਤਿੰਦਰ ਪਾਲ ਸਿੰਘ, ਤਰਸੇਮ ਸਿੰਘ, ਬਲਜੀਤ ਸਿੰਘ, ਕੰਵਲਜੀਤ ਸਿੰਘ, ਚਰਨ ਸਿੰਘ, ਮੰਗਤ ਸਿੰਘ, ਸ਼ਾਮ ਸੁੰਦਰ ਰਤਨ ਸਿੰਘ, ਰਾਮ ਤੇ ਹੋਰ ਸਾਥੀ ਵਿਸ਼ੇਸ਼ ਤੌਰ ’ਤੇ ਹਾਜ਼ਰ ਸਨ।
