ਨਗਰ ਨਿਗਮ ਚੋਣਾਂ : ਸੀਨੀਅਰ ਡਿਪਟੀ ਮੇਅਰ, ਡਿਪਟੀ ਮੇਅਰ ਤੇ ਸਿਹਤ ਮੰਤਰੀ ਦਾ ਪੀ.ਏ. ਦੁਬਾਰਾ ਚੋਣ ਮੈਦਾਨ ’ਚ
‘ ਆਪ’ ਵਲੋਂ 9 ਵਾਰਡਾਂ ਦੇ ਉਮੀਦਵਾਰਾਂ ਦੀ ਸੂਚੀ ਕੀਤੀ ਜਾਰੀ
ਪਟਿਆਲਾ, 16 ਨਵੰਬਰ (ਮਨਦੀਪ ਸਿੰਘ ਖਰੌੜ)-ਮਾਨਯੋਗ ਸੁਪਰੀਮ ਕੋਰਟ ਦੇ ਹੁਕਮਾਂ ਤਹਿਤ ਮੁੜ ਤੋਂ ਨਗਰ ਨਿਗਮ ਦੇ 30 ਵਾਰਡਾਂ ਦੀ ਚੋਣ 28 ਨਵੰਬਰ ਨੂੰ ਹੋਵੇਗੀ। ਜਿਸ ’ਚ ਆਮ ਆਦਮੀ ਪਾਰਟੀ ਨੇ ਬਾਜ਼ੀ ਮਾਰਦਿਆਂ 9 ਵਾਰਡਾਂ ਦੇ ਉਮੀਦਵਾਰਾਂ ਦੀ ਸੂਚੀ ਜਾਰੀ ਕਰ ਦਿੱਤੀ ਹੈ।
ਪਟਿਆਲਾ, 16 ਨਵੰਬਰ (ਮਨਦੀਪ ਸਿੰਘ ਖਰੌੜ)-ਮਾਨਯੋਗ ਸੁਪਰੀਮ ਕੋਰਟ ਦੇ ਹੁਕਮਾਂ ਤਹਿਤ ਮੁੜ ਤੋਂ ਨਗਰ ਨਿਗਮ ਦੇ 30 ਵਾਰਡਾਂ ਦੀ ਚੋਣ 28 ਨਵੰਬਰ ਨੂੰ ਹੋਵੇਗੀ। ਜਿਸ ’ਚ ਆਮ ਆਦਮੀ ਪਾਰਟੀ ਨੇ ਬਾਜ਼ੀ ਮਾਰਦਿਆਂ 9 ਵਾਰਡਾਂ ਦੇ ਉਮੀਦਵਾਰਾਂ ਦੀ ਸੂਚੀ ਜਾਰੀ ਕਰ ਦਿੱਤੀ ਹੈ। ਇਨ੍ਹਾਂ ’ਚੋਂ 8 ਵਾਰਡ ਸਿਹਤ ਮੰਤਰੀ ਡਾ. ਬਲਬੀਰ ਸਿੰਘ ਦੇ ਹਲਕਾ ਪਟਿਆਲਾ ਦਿਹਾਤੀ ’ਚ ਸ਼ਾਮਲ ਹਨ ਇਕ ਵਾਰਡ ਹਲਕਾ ਸਨੌਰ ’ਚ ਪੈਂਦਾ ਹੈ। ਜਾਰੀ ਕੀਤੀ ਸੂਚੀ ਅਨੁਸਾਰ ਵਾਰਡ ਨੰ. 28 ਤੋਂ ਸੀਨੀਅਰ ਡਿਪਟੀ ਮੇਅਰ ਹਰਿੰਦਰ ਕੋਹਲੀ, ਵਾਰਡ ਨੰ: 12 ਤੋਂ ਡਿਪਟੀ ਮੇਅਰ ਜਗਦੀਪ ਜੱਗਾ ਅਤੇ 6 ਨੰਬਰ ਵਾਰਡ ਤੋਂ ਸਿਹਤ ਮੰਤਰੀ ਦੇ ਪੀ.ਏ. ਜਸਬੀਰ ਗਾਂਧੀ ਚੋਣ ਲੜਨਗੇ। ਆਮ ਆਦਮੀ ਪਾਰਟੀ ਨੇ 8 ਪੁਰਾਣੇ ਉਮੀਦਵਾਰਾਂ ’ਤੇ ਮੁੜ ਤੋਂ ਦਾਅ ਖੇਡਿਆ ਹੈ ਸਿਰਫ਼ 15 ਨੰਬਰ ਵਾਰਡ ਦੀ ਟਿਕਟ ’ਤੇ ਨਵੇਂ ਉਮੀਦਵਾਰ ਪਰਵਿੰਦਰ ਕੌਰ ਨੂੰ ਮੈਦਾਨ ’ਚ ਉਤਾਰਿਆ ਗਿਆ ਹੈ ਜਦਕਿ ‘ਆਪ’ ਪਾਰਟੀ ਵਲੋਂ ਪਹਿਲਾਂ 15 ਨੰਬਰ ਵਾਰਡ ’ਚੋਂ ਚੋਣ ਲੜਨ ਵਾਲੀ ਤੇਜਿੰਦਰ ਕੌਰ ਹੁਣ ਬੀਜੇਪੀ ਤੋਂ ਚੋਣ ਲੜਨ ਦੀ ਇੱਛਾ ਜਤਾਈ ਹੈ। ਇਸੇ ਤਰ੍ਹਾਂ ਵਾਰਡ ਨੰ. 14 ਤੋਂ ਗੁਰਕਿਰਪਾਲ ਸਿੰਘ, ਵਾਰਡ ਨੰ. 16 ਤੋਂ ਜਸਵੰਤ ਸਿੰਘ, ਵਾਰਡ ਨੰ. 22 ਤੋਂ ਗੀਤਿਕਾ ਰਾਜਿੰਦਰ ਰਾਜੂ, ਵਾਰਡ ਨੰ. 26 ਤੋਂ ਕੁਲਵੰਤ ਲਾਲਕਾ ਅਤੇ ਵਾਰਡ ਨੰ. 4 ਤੋਂ ਮਨਦੀਪ ਵਿਰਦੀ ਨੂੰ ਆਮ ਆਦਮੀ ਪਾਰਟੀ ਨੇ ਉਮੀਦਵਾਰ ਬਣਾਇਆ ਹੈ।