ਫਰੀਦਕੋਟ

ਅਰਵਿੰਦ ਨਗਰ ਰੈਜ਼ੀਡੈਂਸ਼ੀਅਲ ਸੁਸਾਇਟੀ ਨੇ ਸੱਭਿਆਚਾਰਕ ਪ੍ਰੋਗਰਾਮ ਕਰਵਾਇਆ

ਅ

ਅਜੀਤ ਡੈਸਕ 05-01-2026

ਕੋਟਕਪੂਰਾ, 4 ਜਨਵਰੀ (ਮੋਹਰ ਸਿੰਘ ਗਿੱਲ, ਮੇਘਰਾਜ)- ਸਥਾਨਕ ਬਠਿੰਡਾ ਰੋਡ 'ਤੇ ਸਥਿਤ ਅਰਵਿੰਦ ਨਗਰ ਵਿਖੇ ਅਰਵਿੰਦ ਨਗਰ ਰੈਜੀਡੈਂਸ਼ੀਅਲ ਵੈਲਫੇਅਰ ਸੁਸਾਇਟੀ ਕੋਟਕਪੂਰਾ ਵਲੋਂ ਕਰਵਾਏ ਗਏ ਨਵੇਂ ਸਾਲ ਦੇ ਜਸ਼ਨਾਂ ਮੌਕੇ ਸਵੇਰ ਵੇਲੇ ਸ੍ਰੀ ਸੁਖਮਨੀ ਸਾਹਿਬ ਦੇ ਪਾਠ ਕਰਵਾਏ ਗਏ, ਉਪਰੰਤ ਰਸ ਭਿੰਨਾ ਕੀਰਤਨ ਸਰਵਣ ਕੀਤਾ ਗਿਆ | ਸ਼ਾਮ ਦੇ ਸਮੇਂ ਪਰਿਵਾਰਕ ਮਿਲਣੀ ਸਮਾਰੋਹ ਅਤੇ ਸੱਭਿਆਚਾਰਕ ਪ੍ਰੋਗਰਾਮ ਕੀਤਾ ਗਿਆ | ਪ੍ਰਧਾਨ ਨੰਦ ਕਿਸ਼ੋਰ ਗਰਗ ਅਤੇ ਕੋਰ ਕਮੇਟੀ ਦੇ ਅਹੁਦੇਦਾਰਾਂ ਹਰਪਾਲ ਸਿੰਘ ਸਰਪੰਚ, ਚਰਨਜੀਤ ਸਿੰਘ, ਵਿਜੇ ਭਾਰਦਵਾਜ, ਤਰਸੇਮ ਮੌਂਗਾ, ਪ੍ਰਕਾਸ਼ ਕਲਸੀ, ਗੁਰਲਾਲ ਸਿੰਘ ਮੱਤਾ, ਕੈਪਟਨ ਬੀ.ਐਸ ਬਰਾੜ, ਬਲਦੇਵ ਸਿੰਘ, ਸਰਬਜੀਤ ਸਿੰਘ, ਕੁਲਜੀਤ ਕੁਮਾਰ ਸਹਿਗਲ, ਰਾਜ ਕੁਮਾਰ ਜੋਸ਼ੀ, ਮਨਦੀਪ ਸਿੰਘ ਪੁਰਬਾ, ਮਨਜਿੰਦਰ ਸਿੰਘ ਪੱਪੂ, ਡਾਕਟਰ ਹਰੀ ਓਮ ਸ਼ਰਮਾ, ਰਜਨੀਸ਼ ਗੋਇਲ, ਡਾਕਟਰ ਹਰਜੀਤ ਸਿੰਘ ਦੁਆਰਾ ਨਵੇਂ ਆਏ ਹੋਏ ਪਰਿਵਾਰਾਂ ਨੂੰ ਮੋਮੈਂਟੋ ਦੇ ਕੇ ਸਨਮਾਨਿਤ ਕੀਤਾ | ਇਸ ਤੋਂ ਇਲਾਵਾ 80 ਸਾਲ ਤੋਂ ਉਪਰ ਸੀਨੀਅਰ ਸਿਟੀਜ਼ਨਾਂ ਅਤੇ ਸਥਾਨਕ ਪੱਤਰਕਾਰਾਂ ਨੂੰ ਵੀ ਸਨਮਾਨਿਤ ਕੀਤਾ ਗਿਆ | ਇਸ ਮੌਕੇ ਪ੍ਰਧਾਨ ਨੇ ਦੱਸਿਆ ਕਿ ਸਾਲ 2012 ਤੋਂ ਸੁਸਾਇਟੀ ਦੁਆਰਾ ਇਹ ਪ੍ਰੋਗਰਾਮ ਲਗਾਤਾਰ ਕਰਵਾਇਆ ਜਾ ਰਿਹਾ ਹੈ | ਉਨ੍ਹਾਂ ਸਾਰੇ ਹਾਜ਼ਰੀਨ ਨੂੰ ਜੀ ਆਇਆਂ ਕਹਿੰਦਿਆਂ ਸਾਰੇ ਵਸਨੀਕਾਂ ਵਲੋਂ ਦਿੱਤੇ ਗਏ ਸਹਿਯੋਗ ਲਈ ਧੰਨਵਾਦ ਕੀਤਾ ਅਤੇ ਨਵੇਂ ਸਾਲ ਦੀ ਸਭ ਨੂੰ ਵਧਾਈ ਦਿੱਤੀ | ਕਾਲੋਨੀ ਦੇ ਬੱਚਿਆਂ ਦੁਆਰਾ ਰੰਗਾ-ਰੰਗ ਪ੍ਰੋਗਰਾਮ ਪੇਸ਼ ਕੀਤਾ ਗਿਆ | ਮੰਚ ਸੰਚਾਲਨ ਹਰਵਿੰਦਰ ਕੌਰ, ਜਸਵਿੰਦਰ ਸਿੰਘ, ਤਰਸੇਮ ਮੌਂਗਾ ਅਤੇ ਸੁਮਿਤ ਸ਼ਰਮਾ ਨੇ ਕੀਤਾ | ਰਾਤ ਸਮੇਂ ਨਵਾਂ ਸਾਲ 2026 ਚੜ੍ਹਨ 'ਤੇ ਰੰਗੀਨ ਆਤਿਸ਼ਬਾਜ਼ੀ ਵੀ ਕੀਤੀ ਗਈ | ਇਸ ਮੌਕੇ ਸੁਸਾਈਟੀ ਦੇ ਮੈਂਬਰ ਪਿਆਰੇ ਲਾਲ ਮੌਂਗਾ, ਪੰਨਾ ਲਾਲ, ਅਮਨਦੀਪ ਗਰੋਵਰ, ਸੰਜੀਵ ਗਰੋਵਰ, ਪਿਸ਼ੌਰ ਸਿੰਘ ਭੁੱਲਰ, ਹਾਕਮ ਸਿੰਘ, ਐਸ.ਪੀ ਗੱਖੜ, ਪਵਨ ਕਟਾਰੀਆ, ਗੁਰਸੇਵਕ ਸਿੰਘ, ਕਿ੍ਪਾ ਸ਼ੰਕਰ ਅਹੂਜਾ, ਹਰਨੇਕ ਸਿੰਘ ਮਹਿਲ, ਡਾਕਟਰ ਸੁਖਪਾਲ ਢਿੱਲੋਂ, ਗੁਰਦੇਵ ਸਿੰਘ, ਜਸਵੰਤ ਸਿੰਘ, ਗੌਰਵ ਸਿੰਗਲਾ, ਸੁਰਿੰਦਰ ਪਾਲ ਕੱਕੜੀਆ, ਜਗਤਾਰ ਕੁਮਾਰ ਸ਼ਰਮਾ, ਸੋਨੂ ਛਾਬੜਾ, ਵਿੱਕੀ ਛਾਬੜਾ, ਵਿਸ਼ਾਲ ਗਰਗ, ਗੁਰਜੀਤ ਸਿੰਘ, ਮਨਜੀਤ ਕੁਮਾਰ, ਨਰੇਸ਼ ਕੁਮਾਰ ਆਦਿ ਹਾਜ਼ਰ ਸਨ |
ਗੁਰੂ ਰਵਿਦਾਸ ਦੇ ਜਨਮ ਦਿਹਾੜੇ ਸਬੰਧੀ ਪ੍ਰਭਾਤ ਫ਼ੇਰੀਆਂ ਸ਼ੁਰੂ
ਫ਼ਰੀਦਕੋਟ, 4 ਜਨਵਰੀ (ਸਤੀਸ਼ ਬਾਗ਼ੀ)-ਗੁਰੂ ਰਵਿਦਾਸ ਸੁਸਾਇਟੀ ਦੇ ਅਹੁਦੇਦਾਰਾਂ ਨੇ ਦੱਸਿਆ ਕਿ ਗੁਰੂ ਰਵਿਦਾਸ ਦੇ ਜਨਮ ਦਿਹਾੜੇ ਸਬੰਧੀ ਪ੍ਰਭਾਤ ਫ਼ੇਰੀਆਂ ਸ਼ੁਰੂ ਹੋ ਚੁੱਕੀਆਂ ਹਨ ਜੋ ਕਿ 29 ਜਨਵਰੀ ਤੱਕ ਲਗਾਤਾਰ ਚੱਲਣਗੀਆਂ | ਉਨ੍ਹਾਂ ਦੱਸਿਆ ਕਿ 30 ਜਨਵਰੀ ਦਿਨ ਸ਼ੁੱਕਰਵਾਰ ਗੁਰੂ ਰਵਿਦਾਸ ਅੰਮਿ੍ਤ ਬਾਣੀ ਦੇ ਪਾਠ ਆਰੰਭ ਕੀਤੇ ਜਾਣਗੇ ਅਤੇ ਸ਼ਾਮ ਨੂੰ ਇਕ ਵਿਸ਼ਾਲ ਜਾਗੋ ਗੁਰੂ ਰਵਿਦਾਸ ਦੇ ਸਬੰਧ 'ਚ ਜੀਵਨ ਨਗਰ, ਬਲਵੀਰ ਐਵੇਨਿਊ ਦੀਆਂ ਗਲੀਆਂ 'ਚ ਕੱਢੀ ਜਾਵੇਗੀ | 31 ਜਨਵਰੀ ਦਿਨ ਸ਼ਨੀਵਾਰ ਨੂੰ ਇਕ ਵਿਸ਼ਾਲ ਨਗਰ ਕੀਰਤਨ ਸ਼ਹਿਰ ਦੇ ਵੱਖ-ਵੱਖ ਹਿੱਸਿਆਂ ਵਿਚ ਹੁੰਦਾ ਹੋਇਆ ਵਾਪਸ ਗੁਰੂ ਰਵਿਦਾਸ ਮੰਦਰ ਵਿਚ ਸਮਾਪਤੀ ਹੋਵੇਗੀ | 1 ਫ਼ਰਵਰੀ ਦਿਨ ਐਤਵਾਰ ਨੂੰ ਸਵੇਰੇ 10 ਵਜੇ ਸ੍ਰੀ ਗੁਰੂ ਰਵਿਦਾਸ ਦਾਸ ਅੰਮਿ੍ਤ ਬਾਣੀ ਦੇ ਪਾਠ ਦੇ ਭੋਗ ਪੈਣਗੇ |

ਪਿਛਲੀ ਖ਼ਬਰ ਸੰਯੁਕਤ ਕਿਸਾਨ ਮੋਰਚੇ ਦੇ ਆਗੂਆਂ ਨੇ ਕੇਂਦਰ ਸਰਕਾਰ ਦੀਆਂ ਨੀਤੀਆਂ ਵਿਰੁੱਧ ਲਾਮਬੰਦ ਕੀਤਾ • ਪਿੰਡਾਂ 'ਚ ਝੰਡਾ ਮਾਰਚ ਕ... ਅਗਲੀ ਖ਼ਬਰ ਅੱਖਾਂ ਦੀ ਜਾਂਚ ਸੰਬੰਧੀ ਮੁਫ਼ਤ ਕੈਂਪ ਭਲਕੇ

ਅਰਵਿੰਦ ਨਗਰ ਰੈਜ਼ੀਡੈਂਸ਼ੀਅਲ ਸੁਸਾਇਟੀ ਨੇ ਸੱਭਿਆਚਾਰਕ ਪ੍ਰੋਗਰਾਮ ਕਰਵਾਇਆ

ਸੰਬੰਧਿਤ ਖ਼ਬਰਾਂ