ਸਾਦਿਕ, 3 ਮਾਰਚ (ਆਰ. ਐਸ. ਧੁੰਨਾ)-ਥਾਣਾ ਸਾਦਿਕ ਦੇ ਮੁੱਖ ਅਫ਼ਸਰ ਗੁਰਲਾਲ ਸਿੰਘ ਗਿੱਲ ਨੇ ਪੱਤਰਕਾਰਾਂ ਨਾਲ ਪਲੇਠੀ ਮੀਟਿੰਗ ਦੌਰਾਨ ਗੱਲਬਾਤ ਕਰਦਿਆਂ ਕਿਹਾ ਕਿ ਜੁਰਮਾਂ ਨੂੰ ਰੋਕਣ ਲਈ ਲੋਕਾਂ ਦਾ ਸਹਿਯੋਗ ਬਹੁਤ ਜ਼ਰੁੁਰੀ ਹੈ | ਉਨ੍ਹਾਂ ਲੋਕਾਂ ਨੂੰ ਅਪੀਲ ਕੀਤੀ ਕਿ ਉਹ ਪੁਲਿਸ ਨੂੰ ਹਮੇਸ਼ਾ ਸੱਚੀ ਇਤਲਾਹ ਹੀ ਦੇਣ ਕਿਉਂਕਿ ਪੁਲਿਸ ਆਮ ਲੋਕਾਂ ਦੀ ਰਖਵਾਲੀ ਹੈ ਤੇ ਇਸ ਲਈ ਬਿਨ੍ਹਾਂ ਕਿਸੇ ਝਿਜਕ ਦੇ ਉਨ੍ਹਾਂ ਨਾਲ ਕਿਸੇ ਵੀ ਸਮੇਂ ਕਦੇ ਵੀ ਫੋਨ ਤੇ ਜਾਂ ਮਿਲ ਕੇ ਤੁਸੀ ਆਪਣੀ ਗੱਲ ਦੱਸ ਸਕਦੇ ਹੋਏ | ਇਸ ਮੌਕੇ ਥਾਣਾ ਮੁਖੀ ਨੇ ਭਰੋਸਾ ਦਿਵਾਇਆ ਕਿ ਸ਼ਹਿਰ ਅਤੇ ਆਸ-ਪਾਸ ਦੇ ਪਿੰਡਾਂ ਦੀ ਸੁਰੱਖਿਆ ਲਈ ਸਾਦਿਕ ਪੁਲਿਸ ਦਿਨ-ਰਾਤ ਮੁਸਤੈਦੀ ਨਾਲ ਕੰਮ ਕਰ ਰਹੀ ਅਤੇ ਟਰੈਫ਼ਿਕ ਸਮੱਸਿਆ ਦੇ ਹੱਲ ਲਈ ਜਲਦ ਹੀ ਸਖ਼ਤ ਕਦਮ ਚੁੱਕੇ ਜਾਣਗੇ ਅਤੇ ਜੰਡ ਸਾਹਿਬ ਰੋਡ ਅਤੇ ਗੁਰੂ ਹਰਸਹਾਏ ਵਾਲੀ ਸੜਕ ਤੇ ਜੋ ਟਰੈਫਿਕ ਦੀ ਮੁਸ਼ਕਿਲ ਆ ਰਹੀ ਹੈ ਨੂੰ ਵੀ ਆਪਸ 'ਚ ਮਿਲ ਬੈਠ ਕੇ ਜਲਦ ਹੱਲ ਕਰ ਲਿਆ ਜਾਵੇਗਾ |
