ਸਾਦਿਕ, 20 ਅਪ੍ਰੈਲ (ਆਰ. ਐਸ. ਧੁੰਨਾ)-ਸੰਤ ਨਿਰੰਕਾਰੀ ਸਤਿਸੰਗ ਭਵਨ ਸਾਦਿਕ ਵਿਖੇ ਸਤਿਗੁਰੂ ਮਾਤਾ ਸੁਦਿਕਸ਼ਾ ਦੀ ਅਪਾਰ ਕਿ੍ਪਾ ਸਦਕਾ 24 ਅਪ੍ਰੈਲ ਦਿਨ ਸ਼ੁੱਕਰਵਾਰ ਨੂੰ ਮਨਾਏ ਜਾ ਰਹੇ ਮਾਨਵ ਏਕਤਾ ਦਿਵਸ 'ਤੇ ਸਵੇਰੇ 9 ਵਜੇ ਤੋਂ ਬਾਅਦ ਦੁਪਹਿਰ ਤੱਕ ਵਿਸ਼ਾਲ ਖੂਨਦਾਨ ਕੈਂਪ ਲਗਾਇਆ ਜਾ ਰਿਹਾ ਹੈ | ਚਰਨਜੀਤ ਨਰੂਲਾ ਤੇ ਉਮ ਪ੍ਰਕਾਸ਼ ਹੈਪੀ ਸੇਠੀ ਨੇ ਦੱਸਿਆ ਕਿ ਕੈਂਪ 'ਚ ਸੰਤ ਮਹਾਂਪੁਰਸ਼ਾਂ ਤੋਂ ਇਲਾਵਾ ਨਿਰੰਕਾਰੀ ਮੰਡਲ ਦੇ ਸੇਵਾਦਾਰ ਤੇ ਸਮਾਜ ਸੇਵੀ ਉਤਸ਼ਾਹ ਨਾਲ ਭਾਗ ਲੈਣਗੇ | ਗੁਰੂ ਜੀ ਦੇ ਬਚਨ ਸਨ ਕਿ 'ਖੂਨ ਨਾਲੀਆਂ 'ਚ ਨਹੀਂ ਨਾੜੀਆਂ 'ਚ ਵਗਣਾ ਚਾਹੀਦਾ ਹੈ' ਤੇ ਮਾਨਵਤਾ ਦੀ ਭਲਾਈ ਲਈ ਕੀਤੇ ਕਾਰਜ ਹਮੇਸ਼ਾ ਸੁਖਦਾਈ ਹੁੰਦੇ ਹਨ ਤੇ ਅਮਲ ਕਰਦੇ ਹੋਏ ਹਰ ਸਾਲ ਹੀ ਖੂਨਦਾਨ ਕੈਂਪ ਲਾਇਆ ਜਾਂਦਾ ਹੈ | ਇਸ ਮੌਕੇ ਰਵੀ ਸੇਠੀ, ਦੇਵਰਾਜ ਸਿੰਘ ਕਾਉਣੀ ਤੇ ਸ਼ਿੰਦਰਪਾਲ ਨਰੂਲਾ ਆਦਿ ਹਾਜ਼ਰ ਸਨ |
