ਮਲੋਟ, 8 ਮਈ (ਪਾਟਿਲ)-ਡੀ.ਏ.ਵੀ ਐਡਵਰਡ ਗੰਜ ਸੀਨੀਅਰ ਸੈਕੰਡਰੀ ਪਬਲਿਕ ਸਕੂਲ ਮਲੋਟ ਨੇ ਸਕੂਲ ਦੇ ਵਿਹੜੇ 'ਚ ਮਾਂ ਦਿਵਸ ਪ੍ਰੋਗਰਾਮ ਵੱਖ-ਵੱਖ ਜਮਾਤਾਂ ਦੇ ਵਿਦਿਆਰਥੀਆਂ ਨੇ ਆਪਣੀ ਕਵਿਤਾ, ਅਦਾਕਾਰੀ, ਗਾਇਨ ਅਤੇ ਨਿ੍ਤ ਨਾਲ ਮਨਾਇਆ | ਸਕੂਲ ਦੇ ਪਿ੍ੰਸੀਪਲ ਰਾਕੇਸ਼ ਕੁਮਾਰ ਸ਼ਰਮਾ ਨੇ ਕਿਹਾ ਕਿ ਇਕ ਮਾਂ ਦਾ ਜੀਵਨ ਕੀਮਤੀ ਹੁੰਦਾ ਹੈ ਅਤੇ ਸ਼ਰਧਾ ਵਿਚ ਡੂੰਘਾਈ ਨਾਲ ਜੜਿਆ ਹੁੰਦਾ ਹੈ | ਇਕ ਮਾਂ ਆਪਣੇ ਬੱਚੇ ਦੀ ਸਿਰਜਣਹਾਰ ਹੁੰਦੀ ਹੈ, ਭਾਵ ਉਹ ਇਕ ਬੱਚੇ ਦੀ ਪਹਿਲੀ ਅਧਿਆਪਕ ਹੁੰਦੀ ਹੈ | ਬੱਚਾ ਜੋ ਵੀ ਸਿੱਖਦਾ ਹੈ, ਉਹ ਸਭ ਤੋਂ ਪਹਿਲਾਂ ਆਪਣੀ ਮਾਂ ਤੋਂ ਸਿੱਖਦਾ ਹੈ | ਇਸ ਪ੍ਰੋਗਰਾਮ ਵਿਚ ਸਕੂਲ ਸਟਾਫ਼ ਅਤੇ ਬੱਚੇ ਮੌਜੂਦ ਸਨ |
