ਫਰੀਦਕੋਟ

ਨੌਜਵਾਨ ਦੀ ਨਹਿਰ ’ਚ ਨਹਾਉਂਦੇ ਸਮੇਂ ਡੁੱਬਣ ਨਾਲ ਮੌਤ

ਅ

ਅਜੀਤ ਡੈਸਕ 30-06-2026

ਜੈਤੋ, 29 ਜੂਨ (ਗੁਰਚਰਨ ਸਿੰਘ ਗਾਬੜੀਆ, ਗੁਰਮੀਤਪਾਲ ਰੋੜੀਕਪੂਰਾ)-ਕੱਲ੍ਹ ਸ਼ਾਮ ਪਿੰਡ ਮੱਤਾ ਦੇ ਨੌਜਵਾਨ ਦੀ ਨਹਿਰ ਵਿਚ ਨਹਾਉਂਦਿਆ ਸਮੇਂ ਪਾਣੀ ਵਿਚ ਡੁੱਬਣ ਕਾਰਨ ਮੌਤ ਹੋ ਜਾਣ ਦਾ ਪਤਾ ਲੱਗਿਆ ਹੈ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਸਤਜਿੰਦਰ ਸਿੰਘ (21) ਪੁੱਤਰ ਬਲਜਿੰਦਰ ਸਿੰਘ ਵਾਸੀ ਮੱਤਾ ਢੈਪਈ ਵਾਲੀ ਨਹਿਰ ਕੋਲ ਝੋਨਾ ਲਗਾ ਰਿਹਾ ਸੀ ਤਾਂ ਅੱਤ ਦੀ ਗਰਮੀ ਦੇ ਚੱਲਦਿਆ ਉਹ ਆਪਣੇ 4-5 ਸਾਥੀਆਂ ਸਮੇਤ ਢੈਪਈ ਵਾਲੀ ਨਹਿਰ ਵਿਚ ਨਹਾਉਂਦੇ ਸਮੇਂ ਪਾਣੀ ਵਿਚ ਡੁੱਬਣ ਕਾਰਨ ਮੌਤ ਹੋ ਗਈ। ਜਿਸ ਦੀ ਮਿ੍ਰਤਕ ਦੇਹ ਅੱਜ ਪਿੰਡ ਕਾਸਮਭੱਟੀ ਦੇ ਸੂਏ ਵਿਚੋਂ ਮਿਲੀ ਹੈ। ਨੌਜਵਾਨ ਸਤਜਿੰਦਰ ਸਿੰਘ ਦੇ ਨਹਿਰ ਵਿਚ ਡੁੱਬਣ ਦੀ ਸੂਚਿਨਾ ਮਿਲਦਿਆਂ ਚੜ੍ਹਦੀ ਕਲਾ ਵੈੱਲਫੇਅਰ ਸੇਵਾ ਸੁਸਾਇਟੀ ਗੰਗਸਰ ਰਜਿ: ਜੈਤੋ ਦੇ ਸੇਵਾਦਾਰ ਮੀਤ ਸਿੰਘ ਮੀਤਾ ਆਪਣੀ ਐਬੂਲੈਂਸ ਮੌਕੇ ’ਤੇ ਪਹੁੰਚੇ। ਪਿੰਡ ਦੇ ਵਿਅਕਤੀਆਂ ਅਤੇ ਸਮਾਜ ਸੇਵੀ ਸੰਸਥਾ ਦੇ ਆਗੂਆਂ ਦੀ ਕਾਫੀ ਕੋਸ਼ਿਸ਼ ਉਪਰੰਤ ਹੀ ਨੌਜਵਾਨ ਦੀ ਲਾਸ਼ ਅੱਜ ਮਿਲ ਗਈ।

ਪਿਛਲੀ ਖ਼ਬਰ ਚੰਨੀ ਨੂੰ ਲੋਕ ਮੁੜ ਸੂਬੇ ਦਾ ਮੁੱਖ ਮੰਤਰੀ ਵੇਖਣਾ ਚਾਹੁੰਦੇ ਹਨ- ਰੰਗਰੇਟਾ ਦਲ ਅਗਲੀ ਖ਼ਬਰ ਮੁਲਾਜ਼ਮ ਤੇ ਪੈਨਸ਼ਨਰ ਸਾਂਝਾ ਫਰੰਟ ਵਲੋਂ ਪੰਜਾਬ ਸਰਕਾਰ ਖ਼ਿਲਾਫ਼ ਐਕਸ਼ਨ ਪ੍ਰੋਗਰਾਮ ਉਲੀਕਿਆ

ਨੌਜਵਾਨ ਦੀ ਨਹਿਰ ’ਚ ਨਹਾਉਂਦੇ ਸਮੇਂ ਡੁੱਬਣ ਨਾਲ ਮੌਤ

ਸੰਬੰਧਿਤ ਖ਼ਬਰਾਂ