ਸਮਾਜ ਸੇਵੀ ਕਰਨ ਗੋਇਲ ਨੇ ਆਰ. ਓ. ਲਵਾ ਕੇ ਮਨਾਇਆ ਜਨਮ ਦਿਨ

ਕੋਟਕਪੂਰਾ, 29 ਜੁਲਾਈ (ਮੋਹਰ ਸਿੰਘ ਗਿੱਲ)- ਸਮਾਜ ਸੇਵਾ ਦੀ ਅਨੋਖੀ ਮਿਸਾਲ ਪੇਸ਼ ਕਰਦਿਆਂ ਸ੍ਰੀ ਬਾਲਾ ਜੀ ਲੰਗਰ ਸੇਵਾ ਸੰਮਤੀ ਅਤੇ ਵੈਲਫੇਅਰ ਸੁਸਾਇਟੀ ਦੇ ਪ੍ਰਧਾਨ ਕਰਨ ਗੋਇਲ ਨੇ ਆਪਣਾ ਜਨਮ ਦਿਨ ਬੱਤੀਆਂ ਵਾਲਾ ਚੌਂਕ ’ਚ ਸਥਿਤ ਬੱਸ ਸਟੈਂਡ ’ਤੇ ਰਾਹਗੀਰਾਂ ਅਤੇ ਯਾਤਰੀਆਂ ਲਈ ਸ਼ੁੱਧ ਆਰ.ਓ. ਫਿਲਟਰ, ਠੰਢੇ ਪਾਣੀ ਦਾ ਕੈਂਪਰ ਲਗਵਾਇਆ। ਇਸ ਦਾ ਉਦਘਾਟਨ ਬੱਸ ਸਟੈਂਡ ’ਤੇ ਇਕ ਬਜ਼ੁਰਗ ਮਹਿਲਾ ਯਾਤਰੀ ਤੋਂ ਫ਼ੀਤਾ ਕਟਵਾ ਕੇ ਕਰਵਾਇਆ। ਇਸ ਮੌਕੇ ਕਰਨ ਗੋਇਲ ਠੇਕੇਦਾਰ ਨੇ ਦੱਸਿਆ ਕਿ ਇਨ੍ਹਾਂ ਸਖ਼ਤ ਗਰਮੀ ਦੇ ਦਿਨਾਂ ਵਿਚ ਆਉਣ-ਜਾਣ ਵਾਲੇ ਰਾਹਗੀਰਾਂ ਅਤੇ ਬੱਸ ਅੱਡੇ ਦੀਆਂ ਸਵਾਰੀਆਂ ਨੂੰ ਠੰਢਾ ਅਤੇ ਸਾਫ਼ ਪਾਣੀ ਪੀਣ ਦੀ ਲੋੜ ਮਹਿਸੂਸ ਹੁੰਦੀ ਹੈ। ਉਨ੍ਹਾਂ ਦੱਸਿਆ ਕਿ ਉਨ੍ਹਾਂ ਫ਼ਜੂਲ ਖ਼ਰਚੇ ਦੀ ਬਜਾਏ ਲੋਕਾਂ ਨੂੰ ਠੰਢਾ ਪਾਣੀ ਉਪਲਭਧ ਕਰਵਾਉਣ ਕਾਰਨ ਉਨ੍ਹਾਂ ਦੇ ਮਨ ਨੂੰ ਸਕੂਨ ਮਿਲਿਆ ਹੈ। ਸੀਨੀਅਰ ਕੌਂਸਲਰ ਰੋਮਾ ਬਰਾੜ ਤੇ ਸਥਾਨਕ ਲੋਕਾਂ ਨੇ ਕਰਨ ਗੋਇਲ ਦੇ ਇਸ ਯਤਨ ਦੀ ਭਰਵੀਂ ਸ਼ਲਾਘਾ ਕਰਦਿਆਂ ਉਨ੍ਹਾਂ ਨੂੰ ਜਨਮ ਦਿਨ ਵੀ ਵਧਾਈ ਦਿੱਤੀ।