ਪਟਿਆਲਾ, 24 ਅਪ੍ਰੈਲ (ਭਗਵਾਨ ਦਾਸ)-ਇੰਡੀਅਨ ਐਗਰੀਕਲਚਰਲ ਰਿਸਰਚ ਇਸੰਟੀਚਿਊਟ (ਆਈ.ਏ.ਆਰ.ਆਈ.) ਨੇ ਫਰਟੀਲਾਇਜ਼ਰ ਉਦਯੋਗ, ਸਿੰਜਾਈ ਉਦਯੋਗ, ਮਸ਼ੀਨਰੀਕਰਨ, ਮੌਸਮ ਤੇ ਵਾਤਾਵਰਨ ਉਦਯੋਗ ਸੰਬੰਧੀ ਡਾ. ਬੀ ਪੀ ਪਾਲ ਆਡੀਟੋਰੀਅਮ 'ਚ ਕੁਦਰਤੀ ਸੋਮਿਆਂ ਦੇ ਪ੍ਰਬੰਧਨ ਸੰਬੰਧੀ ਮੀਟਿੰਗ ਕੀਤੀ | ਜਿਸ ਵਿਚ 82 ਖੇਤੀ ਉਦਯੋਗ ਅਤੇ 105 ਉਦਯੋਗਪਤੀਆਂ ਨੇ ਹਿੱਸਾ ਲਿਆ | ਇਸ ਮੀਟਿੰਗ ਵਿਚ ਆਈ. ਏ. ਆਰ. ਆਈ. ਦੇ ਸਾਰੇ ਵਿਗਿਆਨੀ ਅਤੇ ਸੰਸਥਾਨ ਦੇ ਐਨ ਆਰ ਐਮ ਸਕੂਲ ਦੇ 160 ਪੋਸਟਗ੍ਰੈਜੂਏਟ (ਪੀ ਜੀ) ਤੇ ਪੀ ਐਚ ਡੀ ਵਿਦਿਆਰਥੀਆਂ ਨੇ ਵੀ ਹਿੱਸਾ ਲਿਆ | ਵਿਦਿਆਰਥੀਆਂ ਨੇ ਆਪਣੇ ਕੰਮ ਦਾ ਪ੍ਰਦਰਸ਼ਨ ਕੀਤਾ | ਆਈ. ਏ. ਆਰ. ਆਈ. ਜੋ ਖੇਤੀ ਤੇ ਜੰਗਲਾਤ ਖੇਤਰ 'ਚ ਸਭ ਤੋਂ ਉੱਤਮ ਯੂਨੀਵਰਸਿਟੀ ਹੈ ਅਤੇ ਕਿਊ ਅੇੈਸ ਵਿਸ਼ਵ ਯੂਨੀਵਰਸਿਟੀ ਰੈਂਕਿੰਗ 2026 'ਚ ਵਿਸ਼ਵ ਦੀ ਸਭ ਤੋਂ ਸੁਪਰੀਮ ਯੂਨੀਵਰਸਿਟੀ ਐਲਾਨੀ ਗਈ ਹੈ, ਵੱਲੋਂ ਜ਼ਮੀਨ ਸੰਬੰਧੀ ਖੇਤੀ ਉਦਯੋਗ ਨੂੰ ਪੋ੍ਰਮੋਟ ਕਰਨ ਲਈ ਪ੍ਰਭਾਵਸ਼ਾਲੀ ਮੀਟਿੰਗ ਕੀਤੀ ਗਈ | ਆਈ. ਏ. ਆਰ. ਆਈ. ਦੇ ਡਾਇਰੈਕਟਰ ਤੇ ਵਾਈਸ ਚਾਂਸਲਰ ਡਾ. ਸੀ ਐਚ ਸ਼੍ਰੀਨਿਵਾਸਾ ਰਾਓ ਨੇ ਕਿਹਾ ਕਿ ਜ਼ਮੀਨ ਸੰਬੰਧੀ ਖੇਤੀ ਉਦਯੋਗ 'ਖੇਤੀ ਖੋਜ ਤੇ ਵਿਕਾਸ' ਦਾ ਇੱਕ ਅਹਿਮ ਹਿੱਸਾ ਹੈ | ਪੰਜਾਬ 'ਚ ਬਾਸਮਤੀ ਦੀ ਕਾਸ਼ਤ ਥੱਲੇ 8090 ਪ੍ਰਤੀਸ਼ਤ ਤੋਂ ਵੱਧ ਰਕਬੇ 'ਤੇ ਆਈ. ਏ. ਆਰ. ਆਈ. ਵੱਲੋਂ ਵਿਕਸਿਤ ਕਿਸਮਾਂ ਬੀਜੀਆਂ ਜਾਂਦੀਆਂ ਹਨ |
