ਧਰਮਕੋਟ, 25 ਅਪ੍ਰੈਲ (ਪਰਮਜੀਤ ਸਿੰਘ)-ਸਥਾਨਕ ਸ਼ਹਿਰ ਦੀ ਦਾਣਾ ਮੰਡੀ ਵਿਚ ਲੇਬਰ ਦਾ ਕੰਮ ਕਰਨ ਆਏ ਇਕ ਮਜ਼ਦੂਰ ਦੀ ਨਸ਼ੇ ਦਾ ਟੀਕਾ ਲਾਉਣ ਨਾਲ ਮੌਤ ਹੋ ਗਈ | ਜਾਣਕਾਰੀ ਅਨੁਸਾਰ ਨੌਜਵਾਨ ਗੁਰਸੇਵਕ ਸਿੰਘ ਹੈਪੀ ਦੌਧਰ ਤੋਂ ਧਰਮਕੋਟ ਵਿਖੇ ਲੇਬਰ ਕਰਨ ਲਈ ਪਹੁੰਚਿਆ ਸੀ | ਅੱਜ ਸਵੇਰੇ ਜਦੋਂ ਮਜ਼ਦੂਰ ਵਾਸ਼ਰੂਮ ਕਰਨ ਲਈ ਬਾਥਰੂਮ ਵਿਚ ਪਹੁੰਚੇ ਤਾਂ ਉੱਥੇ ਇਸ ਲੜਕੇ ਦੀ ਲਾਸ਼ ਪਈ ਸੀ | ਇਸ ਸਬੰਧੀ ਨਾਲ ਵਾਲੀ ਲੇਬਰ ਵਲੋਂ ਇਸ ਘਟਨਾ ਸਬੰਧੀ ਪੁਲਿਸ ਥਾਣਾ ਧਰਮਕੋਟ ਵਿਖੇ ਸੂਚਨਾ ਦਿੱਤੀ ਗਈ | ਪੁਲਿਸ ਵਲੋਂ ਉਨ੍ਹਾਂ ਦੇ ਘਰਦਿਆਂ ਦੇ ਬਿਆਨ ਦਰਜ ਕਰਨ ਉਪਰੰਤ ਲਾਸ਼ ਨੂੰ ਪੋਸਟਮਾਰਟਮ ਲਈ ਮੋਗਾ ਵਿਖੇ ਭੇਜਿਆ ਗਿਆ |
