ਚੇਨਈ/ਪੁਡੂਚੇਰੀ, 5 ਮਈ (ਯੂ.ਐੱਨ.ਆਈ.)-ਸ਼ਾਇਦ ਹੀ ਕਿਸੇ ਨੇ ਸੁਣਿਆ ਹੋਵੇ ਕਿ ਇਕੋ ਪਰਿਵਾਰ ਦੇ ਤਿੰਨ ਵਿਧਾਇਕ ਇਕੋ ਸਮੇਂ ਸੂਬਾ ਵਿਧਾਨ ਸਭਾਵਾਂ 'ਚ ਦਾਖਲ ਹੋਏ ਹੋਣ ਅਤੇ ਉਹ ਵੀ ਇਕੋ ਚੋਣ ਜਿੱਤਣ ਤੋਂ ਬਾਅਦ, ਭਾਵੇਂ ਉਹ ਵੱਖ-ਵੱਖ ਪਾਰਟੀ ਟਿਕਟਾਂ ਅਤੇ ਵੱਖ-ਵੱਖ ਸੂਬਿਆਂ ਤੋਂ ਜਿੱਤੇ ਹੋਣ¢ਇਹ ਬਹੁਤ ਹੀ ਦੁਰਲੱਭ ਘਟਨਾ 2026 ਦੀਆਂ ਤਾਮਿਲਨਾਡੂ ਅਤੇ ਪੁਡੂਚੇਰੀ ਵਿਧਾਨ ਸਭਾ ਚੋਣਾਂ ਵਿੱਚ ਵਾਪਰੀ ਅਤੇ ਇਹ ਸ਼ਾਇਦ ਪਹਿਲੀ ਵਾਰ ਹੈ ਜਦੋਂ 'ਲਾਟਰੀ ਕਿੰਗ' ਸੈਂਟੀਆਗੋ ਮਾਰਟਿਨ ਦੇ ਪਰਿਵਾਰ ਦੇ ਤਿੰਨ ਮੈਂਬਰ ਵਿਧਾਇਕ ਵਜੋਂ ਸਦਨ 'ਚ ਦਾਖਲ ਹੋਣਗੇ¢ਇਨ੍ਹਾਂ ਤਿੰਨ ਜੇਤੂਆਂ 'ਚੋਂ ਇਕ ਪੁਡੂਚੇਰੀ ਵਿਧਾਨ ਸਭਾ ਚੋਣਾਂ 'ਚ ਜਿੱਤਿਆ, ਜਦੋਂਕਿ ਦੋ ਤਾਮਿਲਨਾਡੂ ਚੋਣਾਂ ਵਿਚ ਜਿੱਤੇ | ਇਹ ਤਿੰਨੋਂ ਜੇਤੂ 'ਲਾਟਰੀ ਕਿੰਗ' ਸੈਂਟੀਆਗੋ ਮਾਰਟਿਨ ਦੇ ਅਮੀਰ ਪਰਿਵਾਰ ਨਾਲ ਸੰਬੰਧਿਤ ਹਨ; ਇਨ੍ਹਾਂ 'ਚ ਉਸ ਦਾ ਪੁੱਤਰ, ਜੋਸ ਚਾਰਲਸ ਮਾਰਟਿਨ ਸ਼ਾਮਲ ਹੈ¢ ਜੋਸ ਪੁਡੂਚੇਰੀ 'ਚ ਐੱਨ.ਡੀ.ਏ. ਦੀ ਟਿਕਟ 'ਤੇ 10 ਹਾਜ਼ਾਰ ਵੋਟਾਂ ਨਾਲ ਜਿੱਤਿਆ ਹੈ¢ ਬਾਕੀ ਦੋ ਮੈਂਬਰਾਂ 'ਚ ਲੀਮਾ ਰੋਜ਼ ਮਾਰਟਿਨ, ਜੋਸ ਚਾਰਲਸ ਮਾਰਟਿਨ ਦੀ ਮਾਂ ਨੇ ਤਾਮਿਲਨਾਡੂ ਦੇ ਤਿ੍ਚੀ ਜ਼ਿਲ੍ਹੇ ਦੇ ਲਾਲਗੁੜੀ ਹਲਕੇ ਤੋਂ ਏ.ਆਈ.ਏ.ਡੀ.ਐੱਮ.ਕੇੇ. ਉਮੀਦਵਾਰ ਵਜੋਂ ਚੋਣ ਲੜੀ ਤੇ ਆਪਣੇ ਡੀ.ਐੱਮ.ਕੇ. ਵਿਰੋਧੀ ਪਰੀਵੱਲਾਲ ਨੂੰ 5,230 ਵੋਟਾਂ ਦੇ ਫਰਕ ਨਾਲ ਹਰਾਇਆ¢ ਇਸ ਦÏਰਾਨ ਹੀ, ਚੇਨਈ ਸ਼ਹਿਰ ਦੇ ਵਿਲੀਵੱਕਮ ਹਲਕੇ ਵਿਚ ਅਦਾਕਾਰ-ਰਾਜਨੇਤਾ ਵਿਜੇ ਦੇ ਤਾਮਿਲਨਾਡੂ ਵੇਟੀ ਕਜ਼ਗਮ (ਟੀ.ਵੀ.ਕੇ.) ਦੇ ਉਮੀਦਵਾਰ ਅਤੇ ਪਾਰਟੀ ਦੇ ਪ੍ਰਚਾਰ ਪ੍ਰਬੰਧਨ ਜਨਰਲ ਸਕੱਤਰ ਆਧਵ ਅਰਜੁਨ ਜੋ ਕਿ ਲੀਮਾ ਰੋਜ਼ ਦੇ ਜਵਾਈ ਹਨ ਨੇ ਆਪਣੇ ਡੀ.ਐੱਮ.ਕੇ. ਵਿਰੋਧੀ ਅਤੇ ਮÏਜੂਦਾ ਵਿਧਾਇਕ ਕਾਰਤਿਕ ਮੋਹਨ ਨੂੰ 17,300 ਤੋਂ ਵੱਧ ਵੋਟਾਂ ਦੇ ਫਰਕ ਨਾਲ ਹਰਾਇਆ¢ ਇਹ ਇਕ ਦੁਰਲੱਭ ਉਦਾਹਰਣ ਹੈ ਕਿ ਇਕੋ ਪਰਿਵਾਰ ਦੇ ਤਿੰਨ ਮੈਂਬਰ ਇਕੋ ਚੋਣ ਜਿੱਤ ਕੇ ਵਿਧਾਨ ਸਭਾ (ਦੋ ਵੱਖ-ਵੱਖ ਸੂਬਿਆਂ ਵਿਚ) ਵਿਚ ਪਹੁੰਚੇ¢ਹੋਰ ਵੀ ਦਿਲਚਸਪ ਗੱਲ ਇਹ ਹੈ ਕਿ ਤਿੰਨੋਂ ਚੋਣ ਰਾਜਨੀਤੀ 'ਚ ਆਪਣੇ ਪਹਿਲੇ ਯਤਨਾਂ 'ਚ ਜਿੱਤੇ ਹਨ¢
