ਮਾਣਹਾਨੀ ਦੇ ਮਾਮਲੇ 'ਚ ਮਜੀਠੀਆ ਅਦਾਲਤ 'ਚ ਪੁੱਜੇ-ਸੰਜੇ ਸਿੰਘ ਖ਼ਿਲਾਫ਼ ਅਗਲੀ ਪੇਸ਼ੀ 26 ਨੂੰ <br/>

ਅੰਮਿ੍ਤਸਰ, 12 ਮਈ (ਰੇਸ਼ਮ ਸਿੰਘ)-ਆਮ ਆਦਮੀ ਪਾਰਟੀ ਦੇ ਆਗੂ ਸੰਜੇ ਸਿੰਘ ਤੇ ਹੋਰਾਂ ਖਿਲਾਫ ਦਰਜ ਕਰਵਾਏ ਮਾਣਹਾਨੀ ਦੇ ਮਾਮਲੇ 'ਚ ਸਾਬਕਾ ਮੰਤਰੀ ਤੇ ਸੀਨੀਅਰ ਅਕਾਲੀ ਆਗੂ ਬਿਕਰਮ ਸਿੰਘ ਮਜੀਠੀਆ ਅੱਜ ਇਥੇ ਜ਼ਿਲ੍ਹਾ ਕਚਿਹਰੀਆ ਪੁੱਜੇ ਤੇ ਅਗਲੇਰੀ ਕਾਰਵਾਈ ਲਈ ਅਦਾਲਤ 'ਚ ਚਾਰਾਜ਼ੋਈ ਕੀਤੀ | ਅਦਾਲਤ ਵਲੋਂ ਇਸ ਮਾਮਲੇ ਦੀ ਅਗਲੇਰੀ ਪੇਸ਼ੀ 26 ਮਈ ਦੀ ਨਿਰਧਾਰਿਤ ਕੀਤੀ ਗਈ ਹੈ | ਉਨ੍ਹਾਂ ਸਰਕਾਰ ਦੇ ਵਿਭਾਗ ਵਿਜੀਲੈਂਸ ਬਿਊਰੋ ਤੇ ਸੀ.ਬੀ.ਆਈ. ਰੇਡ ਨੂੰ ਜਾਇਜ਼ ਠਹਿਰਾਉਂਦਿਆਂ ਕਿਹਾ ਕਿ ਰਾਜ 'ਚ ਭਿ੍ਸ਼ਟਾਚਾਰ ਸਿਖਰਾਂ 'ਤੇ ਹੈ ਜਿਸ ਲਈ ਰੋਜ਼ਾਨਾ ਹੀ ਸੌਦੇਬਾਜੀ ਹੁੰਦੀ | ਉਨ੍ਹਾਂ ਮੰਤਰੀਆਂ ਖਿਲਾਫ ਕਾਰਵਾਈ ਨੂੰ ਵੀ ਇਸੇ ਸੌਦੇਬਾਜ਼ੀ ਦਾ ਸਿਖਰ ਦੱਸਿਆ | 'ਆਪ' ਸਰਕਾਰ ਦਾ ਕੁਲੈਕਸ਼ਨ ਕੇਂਦਰ ਬਣ ਚੁੱਕੀ ਹੈ | ਇਸ ਲਈ ਮੁਖ ਮੰਤਰੀ ਤੇ ਡੀ.ਜੀ.ਪੀ. ਦੇ ਰੋਲ ਦੀ ਵੀ ਸੀ.ਬੀ.ਆਈ. ਨੂੰ ਜਾਂਚ ਕਰਨੀ ਚਾਹੀਦੀ ਹੈ |