ਚੰਡੀਗੜ੍ਹ, 13 ਜੂਨ (ਕਪਿਲ ਵਧਵਾ)-ਚੰਡੀਗੜ੍ਹ ਦੇ ਪਾਸ ਵਾਲੇ ਇਲਾਕੇ ਸੈਕਟਰ-11 ਦੀ ਮਾਰਕੀਟ ਵਿਚ ਸਥਿਤ 'ਸ੍ਰੀ ਕੁਮਾਰ ਮੈਡੀਕਲ ਹਾਲ' ਨਾਮਕ ਦੁਕਾਨ ਅੰਦਰ ਜਾਣਕੀ ਦਾਸ (ਉਮਰ ਕਰੀਬ 50 ਸਾਲ) ਦੀ ਗੋਲੀਆਂ ਮਾਰ ਕੇ ਹੱਤਿਆ ਕਰ ਦਿੱਤੀ | ਜਾਣਕਾਰੀ ਅਨੁਸਾਰ ਸਨਿਚਰਵਾਰ ਦੁਪਹਿਰ 2.30 ਵਜੇ ਮਾਸਕ ਪਾਏ ਹੋਏ ਦੋ ਨੌਜਵਾਨ ਦੁਕਾਨ 'ਚ ਹੋਏ ਜਿਨ੍ਹਾਂ ਕਾਊਾਟਰ ਅੰਦਰਲੇ ਪਾਸੇ ਖੜ੍ਹੇ ਜਾਣਕੀ ਦਾਸ 'ਤੇ ਬਰਸਟ ਫਾਇਰ ਕਰ ਦਿੱਤੇ | ਜਿਸ ਤੋਂ ਬਾਅਦ ਉਹ ਦੋਨੋਂ ਨੌਜਵਾਨ ਮੌਕੇ ਤੋਂ ਆਪਣੇ ਤੀਜੇ ਸਾਥੀ ਸਮੇਤ ਦੁਕਾਨ ਬਾਹਰ ਫਾਇਰ ਕਰਕੇ ਐਕਟਿਵਾ 'ਤੇ ਫ਼ਰਾਰ ਹੋ ਜਾਂਦੇ ਹਨ | ਗੋਲੀਆਂ ਲੱਗਣ ਕਾਰਨ ਜ਼ਖਮੀ ਹੋਏ ਵਿਅਕਤੀ ਨੂੰ ਤੁਰੰਤ ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਡਾਕਟਰਾਂ ਨੇ ਉਸਨੂੰ ਮਿ੍ਤਕ ਐਲਾਨ ਦਿੱਤਾ | ਘਟਨਾ ਦੀ ਸੂਚਨਾ ਮਿਲਦਿਆਂ ਹੀ ਪੁਲਿਸ ਚੌਂਕੀ, ਥਾਣਾ ਸੈਕਟਰ-11, ਡੀ. ਐੱਸ. ਪੀ. ਦਲਬੀਰ ਸਿੰਘ ਤੇ ਹੋਰ ਪੁਲਿਸ ਅਧਿਕਾਰੀ ਮੌਕੇ 'ਤੇ ਪਹੁੰਚੇ, ਜਿਨ੍ਹਾਂ ਮਾਮਲਾ ਦਰਜ ਕਰ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ | ਉਕਤ ਵਾਰਦਾਤ ਦੇ ਕੁੱਝ ਹੀ ਘੰਟਿਆਂ ਦੇ ਅੰਦਰ ਹੀ ਸੋਸ਼ਲ ਮੀਡੀਆ 'ਤੇ 'ਗੋਲਡੀ ਢਿੱਲੋਂ ਗਰੁੱਪ' ਵਲੋਂ ਹੱਤਿਆ ਦੀ ਜ਼ਿੰਮੇਵਾਰੀ ਲੈਣ ਦੀ ਪੋਸਟ ਪਾਈ ਗਈ |
