ਵਪਾਰੀ ਦੀਆਂ ਉਂਗਲਾਂ ਵੱਢਣ ਦੇ ਦੋਸ਼ ਵਿਚ ਦੋ ਨਿਹੰਗ ਸਿੰਘ ਗ੍ਰਿਫ਼ਤਾਰ

ਪਟਨਾ, 9 ਜੁਲਾਈ (ਪੀ.ਟੀ.ਆਈ.) ਪਟਨਾ ਵਿਚ ਇੱਕ ਵਪਾਰੀ ਦੀਆਂ ਦੋ ਉਂਗਲਾਂ ਤਲਵਾਰਾਂ ਨਾਲ ਕੱਟਣ ਦੇ ਦੋਸ਼ ’ਚ ਦੋ ਨਿਹੰਗ ਸਿੰਘਾ ਨੂੰ ਹਿਰਾਸਤ ਵਿਚ ਲਿਆ ਗਿਆ। ਇਹ ਘਟਨਾ, ਜੋ ਕਿ ਸੀਸੀਟੀਵੀ ਕੈਮਰੇ ਵਿੱਚ ਰਿਕਾਰਡ ਹੋਈ ਹੈ, ਬੁੱਧਵਾਰ ਦੇਰ ਸ਼ਾਮ ਰਾਜ ਦੀ ਰਾਜਧਾਨੀ ਦੇ ਪਟਨਾ ਸਾਹਿਬ ਇਲਾਕੇ ਵਿਚ ਹਰਿਮੰਦਰ ਗਲੀ ਨੇੜੇ ਵਾਪਰੀ । ਰਾਤ ਲਗਭਗ 9.30 ਵਜੇ, ਪੰਜਾਬ ਦੇ ਅੰਮ੍ਰਿਤਸਰ ਤੋਂ ਆਏ ਦੋ ਨਿਹੰਗਾਂ ਨੇ ਵਪਾਰੀ ਗੁਰੂਚਰਨ ਸਿੰਘ ਲਾਂਬਾ ’ਤੇ ਤਲਵਾਰਾਂ ਨਾਲ ਹਮਲਾ ਕੀਤਾ, ਜਿਸ ਨਾਲ ਉਸ ਦੀਆਂ ਦੋ ਉਂਗਲਾਂ ਵੱਢ ਹੋ ਗਈਆਂ। ਪਟਨਾ ਸ਼ਹਿਰ ਦੇ ਵਧੀਕ ਪੁਲਿਸ ਸੁਪਰਡੈਂਟ ਰਾਜ ਕਿਸ਼ੋਰ ਸਿੰਘ ਨੇ ਪੱਤਰਕਾਰਾਂ ਨੂੰ ਦੱਸਿਆ ਕਿ ਲਾਂਬਾ ਨੂੰ ਏਮਜ਼ ਪਟਨਾ ਲਿਜਾਇਆ ਗਿਆ ਅਤੇ ਹੁਣ ਉਹ ਖ਼ਤਰੇ ਤੋਂ ਬਾਹਰ ਹੈ। ਪੀੜਤ ਆਪਣੀ ਦੁਕਾਨ ਬੰਦ ਕਰਨ ਤੋਂ ਬਾਅਦ ਆਪਣੇ ਚਚੇਰੇ ਭਰਾ ਨਾਲ ਗੱਲ ਕਰ ਰਿਹਾ ਸੀ ਜਦੋਂ ਦੋ ਨਿਹੰਗ ਆਏ ਤੇ ਉਸਨੂੰ ਮੌਕੇ ਤੋਂ ਚਲੇ ਜਾਣ ਲਈ ਕਿਹਾ, ਇਹ ਪੁੱਛਦੇ ਹੋਏ ਕਿ ਉਹ ਉੱਥੇ ਕਿਉਂ ਖੜ੍ਹਾ ਹੈ। ਲਾਂਬਾ ਨੇ ਕਿਹਾ ਕਿ ਉਹ ਆਪਣੇ ਘਰ ਅਤੇ ਦੁਕਾਨ ਦੇ ਨੇੜੇ ਫ਼ੋਨ ’ਤੇ ਗੱਲ ਕਰ ਰਿਹਾ ਸੀ। ਦੋਵੇਂ ਕਥਿਤ ਤੌਰ ’ਤੇ ਗੁੱਸੇ ਵਿੱਚ ਆ ਗਏ ਅਤੇ ਆਪਣੀਆਂ ਤਲਵਾਰਾਂ ਨਾਲ ਉਸ ’ਤੇ ਹਮਲਾ ਕਰ ਦਿੱਤਾ।