7,000 ਤੋਂ ਵੱਧ ਪੁਲਿਸ ਥਾਣੇ ਅਪਰਾਧ, ਅਪਰਾਧਿਕ ਟਰੈਕਿੰਗ ਨੈੱਟਵਰਕ ਅਤੇ ਪ੍ਰਣਾਲੀਆਂ ਦੀ ਵਰਤੋਂ ਕਰ ਰਹੇ ਹਨ - ਗ੍ਰਹਿ ਮੰਤਰਾਲਾ

ਨਵੀਂ ਦਿੱਲੀ, 6 ਅਗਸਤ - ਗ੍ਰਹਿ ਮੰਤਰਾਲੇ ਨੇ ਸੰਸਦ ਨੂੰ ਦੱਸਿਆ ਕਿ ਦੇਸ਼ ਭਰ ਵਿਚ ਕੁੱਲ 17,762 ਪੁਲਿਸ ਥਾਣੇ ਅਪਰਾਧ, ਅਪਰਾਧਿਕ ਟਰੈਕਿੰਗ ਨੈੱਟਵਰਕ ਅਤੇ ਪ੍ਰਣਾਲੀਆਂ (ਸੀਸੀਟੀਐਨਐਸ) ਦੀ ਵਰਤੋਂ ਕਰ ਰਹੇ ਹਨ, ਜੋ ਕਿ ਲਗਭਗ ਅਸਲ-ਸਮੇਂ ਦੇ ਆਧਾਰ 'ਤੇ ਅਪਰਾਧ ਅਤੇ ਅਪਰਾਧਿਕ-ਸੰਬੰਧਿਤ ਡੇਟਾ ਦੇ ਸੰਗ੍ਰਹਿ, ਅੱਪਡੇਟ ਅਤੇ ਵਿਸ਼ਲੇਸ਼ਣ ਦੀ ਸਹੂਲਤ ਪ੍ਰਦਾਨ ਕਰਦੇ ਹਨ।ਮੰਤਰਾਲੇ ਦੁਆਰਾ ਸਾਂਝੇ ਕੀਤੇ ਗਏ ਅੰਕੜੇ 1 ਜੂਨ, 2026 ਨੂੰ ਪ੍ਰਾਪਤ ਹੋਈਆਂ ਰਿਪੋਰਟਾਂ 'ਤੇ ਅਧਾਰਤ ਹਨ।
ਪੁਲਿਸ ਖੋਜ ਅਤੇ ਵਿਕਾਸ ਬਿਊਰੋ ਦੁਆਰਾ ਪ੍ਰਕਾਸ਼ਿਤ ਪੁਲਿਸ ਸੰਗਠਨਾਂ 2024 ਦੇ ਡੇਟਾ ਦੇ ਅਨੁਸਾਰ, 1 ਜਨਵਰੀ, 2024 ਤੱਕ ਦੇਸ਼ ਵਿਚ 18,284 ਮਨਜ਼ੂਰ ਪੁਲਿਸ ਥਾਣੇ ਹਨ। ਇਨ੍ਹਾਂ ਵਿਚ ਪੇਂਡੂ, ਸ਼ਹਿਰੀ ਅਤੇ ਵਿਸ਼ੇਸ਼-ਉਦੇਸ਼ ਵਾਲੇ ਪੁਲਿਸ ਸਟੇਸ਼ਨ ਜਿਵੇਂ ਕਿ ਮਹਿਲਾ ਪੁਲਿਸ ਸਟੇਸ਼ਨ, ਸਾਈਬਰ ਕ੍ਰਾਈਮ ਸੈੱਲ ਅਤੇ ਕਮਜ਼ੋਰ ਸਮੂਹਾਂ ਵਿਰੁੱਧ ਅਪਰਾਧਾਂ ਨੂੰ ਸਮਰਪਿਤ ਪੁਲਿਸ ਥਾੲਣੇ ਸ਼ਾਮਿਲ ਹਨ। ਕੁੱਲ ਵਿਚੋਂ, 9,127 ਪੇਂਡੂ ਖੇਤਰਾਂ ਵਿਚ, 5,492 ਸ਼ਹਿਰੀ ਖੇਤਰਾਂ ਵਿਚ ਅਤੇ 3,665 ਵਿਸ਼ੇਸ਼-ਉਦੇਸ਼ ਵਾਲੇ ਪੁਲਿਸ ਥਾਣੇਹਨ।