ਅਨਿਲ ਮੈਨਨ 8 ਮਹੀਨਿਆਂ ਦੇ ਪੁਲਾੜ ਮਿਸ਼ਨ ਲਈ ਹੋਏ ਰਵਾਨਾ

ਮਨੁੱਖੀ ਸਰੀਰ ’ਤੇ ਸੂਖ਼ਮ ਗੁਰੂਤਾ ਦਾ ਅਧਿਐਨ ਕਰਨਗੇ
ਵਾਸ਼ਿੰਗਟਨ, 14 ਜੁਲਾਈ (ਏਜੰਸੀ)-ਭਾਰਤੀ-ਅਮਰੀਕੀ ਪੁਲਾੜ ਯਾਤਰੀ ਅਨਿਲ ਮੈਨਨ ਮੰਗਲਵਾਰ ਨੂੰ 8 ਮਹੀਨਿਆਂ ਦੇ ਪੁਲਾੜ ਮਿਸ਼ਨ ’ਤੇ ਰਵਾਨਾ ਹੋਏ। ਅਨਿਲ ਮੈਨਨ, 2 ਹੋਰ ਰੂਸੀ ਪੁਲਾੜ ਯਾਤਰੀਆਂ ਦੇ ਨਾਲ, ਕਜ਼ਾਕਿਸਤਾਨ ਤੋਂ ਸੋਯੂਜ਼ ਐਮ.ਐਸ.-29 ਪੁਲਾੜ ਵਾਹਨ ’ਤੇ ਰਵਾਨਾ ਹੋਏ। ਰੋਸਕੋਸਮੌਸ ਪੁਲਾੜ ਵਾਹਨ ਮੈਨਨ ਅਤੇ ਰੂਸੀ ਪੁਲਾੜ ਯਾਤਰੀ ਪਯੋਟਰ ਡੁਬਰੋਵ ਤੇ ਅੰਨਾ ਕਿਕੀਨਾ ਨੂੰ 8:17 ਵਜੇ ਭਾਰਤੀ ਸਮੇਂ ਅਨੁਸਾਰ ਬਾਈਕੋਨੂਰ ਕੋਸਮੋਡ੍ਰੋਮ ਤੋਂ ਲੈ ਕੇ ਰਵਾਨਾ ਹੋਇਆ। 2 ਚੱਕਰ ਲਗਾਉਣ ਤੇ ਸਟੇਸ਼ਨ ਤੱਕ ਤਿੰਨ ਘੰਟੇ ਦੀ ਯਾਤਰਾ ਤੋਂ ਬਾਅਦ, ਪੁਲਾੜ ਵਾਹਨ ਆਪਣੇ ਆਪ ਹੀ 11:56 ਵਜੇ ਭਾਰਤੀ ਸਮੇਂ ਅਨੁਸਾਰ ਪ੍ਰਿਚਲ ਮਾਡਿਊਲ ਨਾਲ ਡੌਕ ਹੋ ਜਾਵੇਗਾ। ਨਾਸਾ ਦੇ ਅਨੁਸਾਰ, ਇਹ ਮੈਨਨ ਦੀ ਪਹਿਲੀ ਪੁਲਾੜ ਉਡਾਣ ਹੈ ਅਤੇ ਰੂਸੀ ਪੁਲਾੜ ਯਾਤਰੀਆਂ ਲਈ ਦੂਜੀ ਹੈ।