ਕਠਮੰਡੂ ਵਿਖੇ ਨਿਪਾਲ ਦੇ ਰਾਸ਼ਟਰਪਤੀ ਰਾਮ ਚੰਦਰ ਪੁਡੇਲ (ਸੱਜੇ) ਭਾਰਤੀ ਫੌਜ ਦੇ ਚੀਫ਼ ਜਨਰਲ ਧੀਰਜ ਸੇਠ ਨੂੰ ਨਿਪਾਲੀ ਫ਼ੌਜ ਦੇ ਜਨਰਲ ਦਾ ਆਨਰੇਰੀ ਰੁਤਬਾ ਪ੍ਰਦਾਨ ਕਰਦੇ ਹੋਏ।
ਭਾਰਤੀ ਫ਼ੌਜ ਮੁਖੀ ਧੀਰਜ ਸੇਠ ਨਿਪਾਲੀ ਫ਼ੌਜ ਦੇ ‘ ਆਨਰੇਰੀ ਜਨਰਲ ’ ਬਣੇ
ਕਾਠਮੰਡੂ, 17 ਅਗਸਤ (ਪੀ. ਟੀ.
ਕਾਠਮੰਡੂ, 17 ਅਗਸਤ (ਪੀ.ਟੀ.ਆਈ.)-ਭਾਰਤੀ ਫ਼ੌਜ ਦੇ ਮੁਖੀ ਜਨਰਲ ਧੀਰਜ ਸੇਠ ਨੂੰ ਸੋਮਵਾਰ ਨੂੰ ਇੱਥੇ ਸ਼ੀਤਲ ਨਿਵਾਸ ਵਿਖੇ ਕਰਵਾਏ ਇਕ ਸਮਾਰੋਹ ਦੌਰਾਨ ਨਿਪਾਲ ਦੇ ਰਾਸ਼ਟਰਪਤੀ ਰਾਮਚੰਦਰ ਪੌਡੇਲ ਵਲੋਂ ਨਿਪਾਲੀ ਫ਼ੌਜ ਦੇ ‘ਆਨਰੇਰੀ ਜਨਰਲ’ ਦੇ ਅਹੁਦੇ ਨਾਲ ਸਨਮਾਨਿਤ ਕੀਤਾ ਗਿਆ। ਇਹ ਸਨਮਾਨ ਨਿਪਾਲ ਦੇ ਰਾਸ਼ਟਰਪਤੀ ਰਾਮ ਚੰਦਰ ਪੌਡੇਲ ਨੇ ਦਿੱਤਾ। ਇਸ ਮੌਕੇ ’ਤੇ ਬੋਲਦੇ ਹੋਏ ਨਿਪਾਲ ਵਿਚ ਭਾਰਤ ਦੇ ਰਾਜਦੂਤ ਨਵੀਨ ਸ਼੍ਰੀਵਾਸਤਵ ਨੇ ਕਿਹਾ ਕਿ ਇਹ ਸਨਮਾਨ ਭਾਰਤੀ ਅਤੇ ਨਿਪਾਲੀ ਫ਼ੌਜਾਂ ਵਿਚਕਾਰ ਸਾਂਝੀ ਵਿਲੱਖਣ ਪਰੰਪਰਾ ਨੂੰ ਮਾਨਤਾ ਦੇਣ ਲਈ ਦਿੱਤਾ ਗਿਆ ਹੈ। ਇਕ ਦੂਜੇ ਦੇ ਫੌਜ ਮੁਖੀਆਂ ਨੂੰ ਜਨਰਲ ਦਾ ਆਨਰੇਰੀ ਰੈਂਕ ਦੇਣ ਦੀ ਪਰੰਪਰਾ ਪਿਛਲੇ 76 ਸਾਲਾਂ ਤੋਂ ਭਾਰਤ ਅਤੇ ਨਿਪਾਲ ਵਿਚਕਾਰ ਨਿਰਵਿਘਨ ਜਾਰੀ ਹੈ। ਵਰਨਣਯੋਗ ਹੈ ਕਿ ਭਾਰਤ ਅਤੇ ਨਿਪਾਲ ਵਿਚਕਾਰ ਇਕ ਦੂਜੇ ਦੇ ਸੈਨਾ ਮੁਖੀਆਂ ਨੂੰ ਸੰਬੰਧਿਤ ਸੈਨਾਵਾਂ ਦੇ ਆਨਰੇਰੀ ਮੁਖੀ ਦਾ ਖਿਤਾਬ ਦੇਣ ਦੀ ਇਕ ਮਹੱਤਵਪੂਰਨ ਪਰੰਪਰਾ ਹੈ। ਇਹ ਪਰੰਪਰਾ ਦੋਵਾਂ ਦੇਸ਼ਾਂ ਦੀਆਂ ਹਥਿਆਰਬੰਦ ਸੈਨਾਵਾਂ ਵਿਚਕਾਰ ਵਿਸ਼ੇਸ਼ ਸੰਬੰਧਾਂ ਅਤੇ ਇਤਿਹਾਸਕ ਫੌਜੀ ਸਹਿਯੋਗ ਦਾ ਪ੍ਰਤੀਕ ਹੈ। ਜਨਰਲ ਸੇਠ ਦੀ ਫੇਰੀ ਦੌਰਾਨ ਰੱਖਿਆ ਅਤੇ ਸੁਰੱਖਿਆ ਸਹਿਯੋਗ ਨੂੰ ਹੋਰ ਮਜ਼ਬੂਤ ਕਰਨ ’ਤੇ ਵਿਸ਼ੇਸ਼ ਜ਼ੋਰ ਦਿੱਤੇ ਜਾਣ ਦੀ ਸੰਭਾਵਨਾ ਹੈ। ਇਹ ਸਨਮਾਨ ਸਿਰਫ਼ ਇਕ ਰਸਮੀ ਸੰਕੇਤ ਨਹੀਂ ਹੈ, ਸਗੋਂ ਦੋਵਾਂ ਫ਼ੌਜਾਂ ਵਿਚਕਾਰ ਸਾਂਝੇ ਆਪਸੀ ਵਿਸ਼ਵਾਸ, ਪੇਸ਼ੇਵਰ ਸਤਿਕਾਰ ਅਤੇ ਫ਼ੌਜੀ ਦੋਸਤੀ ਦਾ ਸੰਸਥਾਗਤ ਪ੍ਰਤੀਕ ਹੈ। ਇਹ ਇਕ ਪਰੰਪਰਾ ਅਤੇ ਰਣਨੀਤਕ ਨਿਰੰਤਰਤਾ ਨੂੰ ਦਰਸਾਉਂਦਾ ਹੈ ਜੋ ਫ਼ੌਜੀ ਲੀਡਰਸ਼ਿਪ ਦੀਆਂ ਪੀੜ੍ਹੀਆਂ ਤੋਂ ਚੱਲੀ ਆ ਰਹੀ ਹੈ। ਇਹ ਭਾਰਤੀ ਅਤੇ ਨਿਪਾਲੀ ਫ਼ੌਜਾਂ ਦੋਵਾਂ ਦੀ ਆਪਣੇ ਵਿਲੱਖਣ ਫ਼ੌਜੀ ਸੰਬੰਧਾਂ ਨੂੰ ਕਾਇਮ ਰੱਖਣ ਅਤੇ ਆਪਸੀ ਹਿੱਤ ਦੇ ਖੇਤਰਾਂ ਵਿਚ ਸਹਿਯੋਗ ਨੂੰ ਮਜ਼ਬੂਤ ਕਰਨ ਦੀ ਵਚਨਬੱਧਤਾ ਨੂੰ ਦਰਸਾਉਂਦਾ ਹੈ।
