ਨਿਪਾਲ ਤ੍ਰਾਸਦੀ-ਮਰਨ ਵਾਲਿਆਂ ਦੀ ਗਿਣਤੀ 1,050 ਹੋਈ, 4,000 ਅਜੇ ਵੀ ਲਾਪਤਾ

ਕਾਠਮੰਡੂ , 1 ਸਤੰਬਰ ( ਪੀ . ਟੀ .

ਅ

ਅਜੀਤ ਡੈਸਕ 02-09-2026

ਕਾਠਮੰਡੂ , 1 ਸਤੰਬਰ ( ਪੀ . ਟੀ . ਆਈ .)- ਨਿਪਾਲ ’ ਚ ਭਿਆਨਕ ਹੜ੍ਹਾਂ ਕਾਰਨ ਮਰਨ ਵਾਲਿਆਂ ਦੀ ਗਿਣਤੀ ਮੰਗਲਵਾਰ ਨੂੰ 8 ਜ਼ਿਲ੍ਹਿਆਂ ਤੋਂ ਹੋਰ ਲਾਸ਼ਾਂ ਬਰਾਮਦ ਹੋਣ ਤੋਂ ਬਾਅਦ 1,050 ਹੋ ਗਈ । ਰਾਸ਼ਟਰੀ ਆਫ਼ਤ ਜੋਖਮ ਘਟਾਉਣ ਤੇ ਪ੍ਰਬੰਧਨ ਅਥਾਰਟੀ ( ਐਨ . ਡੀ . ਆਰ . ਆਰ . ਐਮ . ਏ .) ਨੇ ਰਿਪੋਰਟ ਦਿੱਤੀ ਕਿ ਲਗਭਗ 4,000 ਲੋਕ ਅਜੇ ਵੀ ਲਾਪਤਾ ਹਨ , ਜਿਨ੍ਹਾਂ ’ ਚ 583 ਵਿਦੇਸ਼ੀ ਨਾਗਰਿਕ ਤੇ 83 ਸੁਰੱਖਿਆ ਕਰਮਚਾਰੀ ਵੀ ਸ਼ਾਮਿਲ ਹਨ । ਜਦੋਂ ਕਿ ਲਗਭਗ 12,000 ਨੂੰ ਬਚਾਇਆ ਗਿਆ ਹੈ । ਇਸ ਦੌਰਾਨ ਨਿਪਾਲੀ ਅਧਿਕਾਰੀਆਂ ਨੇ ਮੰਗਲਵਾਰ ਨੂੰ ਦੇਸ਼ ਦੇ ਪੂਰਬੀ , ਮੱਧ ਤੇ ਪੱਛਮੀ ਹਿੱਸਿਆਂ ਦੇ ਕਈ ਜ਼ਿਲ੍ਹਿਆਂ ’ ਚ ਹੜ੍ਹਾਂ ਦੇ ਖ਼ਤਰੇ ਨੂੰ ਲੈ ਕੇ ਇਕ ਤਾਜ਼ਾ ਚੇਤਾਵਨੀ ਜਾਰੀ ਕੀਤੀ , ਨਦੀਆਂ ਦੇ ਨੇੜੇ ਰਹਿਣ ਵਾਲੇ ਲੋਕਾਂ ਨੂੰ ਚੌਕਸ ਰਹਿਣ ਤੇ ਸਾਵਧਾਨੀ ਵਰਤਣ ਦੀ ਵੀ ਅਪੀਲ ਕੀਤੀ ਗਈ । 163 ਭਾਰਤੀ ਬਚਾਏ ਭਾਰਤੀ ਵਿਦੇਸ਼ ਮੰਤਰਾਲੇ ਨੇ ਕਿਹਾ ਕਿ ਹੜ੍ਹ ਪ੍ਰਭਾਵਿਤ ਇਲਾਕਿਆਂ ਤੋਂ ਬਚਾਏ ਗਏ ਭਾਰਤੀ ਨਾਗਰਿਕਾਂ ਦੀ ਗਿਣਤੀ 163 ਹੋ ਗਈ ਹੈ । ਐਮ . ਈ . ਏ . ਦੇ ਬੁਲਾਰੇ ਰਣਧੀਰ ਜੈਸਵਾਲ ਨੇ ਐਕਸ ’ ਤੇ ਇਕ ਪੋਸਟ ’ ਚ ਅਪਡੇਟ ਸਾਂਝਾ ਕਰਦੇ ਹੋਏ ਕਿਹਾ ਕਿ ਭਾਰਤ ਨੇ ਨਿਪਾਲੀ ਅਧਿਕਾਰੀਆਂ ਨਾਲ ਤਾਲਮੇਲ ਕਰਕੇ ਆਪਣੇ ਰਾਹਤ ਅਤੇ ਬਚਾਅ ਯਤਨਾਂ ਨੂੰ ਜਾਰੀ ਰੱਖਿਆ ਹੈ ।