ਨਿਪਾਲ ’ਚ 1344 ’ਤੇ ਪੁੱਜਾ ਮੌਤਾਂ ਦਾ ਅੰਕੜਾ-ਮ੍ਰਿਤਕਾਂ ਦੀ ਪਛਾਣ ਕਰਨਾ ਬਣਿਆ ਚੁਣੌਤੀ

ਕਠਮੰਡੂ, 6 ਸਤੰਬਰ (ਪੀ. ਟੀ.

ਅ

ਅਜੀਤ ਡੈਸਕ 07-09-2026

ਕਠਮੰਡੂ, 6 ਸਤੰਬਰ (ਪੀ.ਟੀ.ਆਈ.)-ਨਿਪਾਲ ’ਚ ਬਚਾਅਕਰਮੀ ਲਾਪਤਾ ਲੋਕਾਂ ਦੀ ਭਾਲ ਜਾਰੀ ਰੱਖ ਰਹੇ ਹਨ। ਦੇਸ਼ ਦੇ ਵੱਡੇ ਹਿੱਸਿਆਂ ਵਿੱਚ ਤਬਾਹਕੁਨ ਹੜ੍ਹ ਆਉਣ ਤੋਂ 11 ਦਿਨ ਬਾਅਦ ਅਧਿਕਾਰੀਆਂ ਨੂੰ ਮ੍ਰਿਤਕਾਂ ਦੀ ਪਛਾਣ ਕਰਨ ਵਿੱਚ ਲਗਾਤਾਰ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।ਨਿਪਾਲ ਪੁਲਿਸ ਮੁਤਾਬਕ ਮੌਤਾਂ ਦੀ ਗਿਣਤੀ 1,344 ਹੋ ਗਈ ਹੈ, ਜਦਕਿ ਲਗਭਗ 5,000 ਲੋਕ ਅਜੇ ਵੀ ਲਾਪਤਾ ਹਨ। ਹੁਣ ਤੱਕ 13,100 ਤੋਂ ਵੱਧ ਲੋਕਾਂ ਨੂੰ ਬਚਾਇਆ ਜਾ ਚੁੱਕਾ ਹੈ। ਇਹ ਆਫ਼ਤ 26 ਅਗਸਤ ਨੂੰ ਨਿਪਾਲ-ਤਿੱਬਤ ਸਰਹੱਦ ਨੇੜੇ ਬਰਫ਼-ਚੱਟਾਨਾਂ ਦੇ ਖਿਸਕਣ ਕਾਰਨ ਵਾਪਰੀ, ਜਿਸ ਨਾਲ ਭੋਟੇਕੋਸ਼ੀ ਦਰਿਆ ਰਾਹੀਂ ਹੇਠਾਂ ਵੱਲ ਪਾਣੀ ਅਤੇ ਮਲਬੇ ਦਾ ਵਿਸ਼ਾਲ ਹੜ੍ਹ ਆ ਗਿਆ ਅਤੇ ਉੱਤਰੀ ਤੇ ਕੇਂਦਰੀ ਨਿਪਾਲ ਦੀਆਂ ਬਸਤੀਆਂ ਤਬਾਹ ਹੋ ਗਈਆਂ। ਘਰ, ਵਾਹਨ, ਸੜਕਾਂ, ਪੁਲ ਅਤੇ ਜਲ-ਬਿਜਲੀ ਢਾਂਚੇ ਰੁੜ੍ਹ ਗਏ ਜਾਂ ਨੁਕਸਾਨੇ ਗਏ।