ਨੌਜਵਾਨ ਦੀ ਗੋਲੀਆਂ ਮਾਰ ਕੇ ਹੱਤਿਆ, ਇਕ ਗ੍ਰਿਫਤਾਰ, ਬਾਕੀ ਫਰਾਰ

ਗ

ਗੁਰਸੇਵਕ ਸਿੰਘ ਦੀ ਪੁਰਾਣੀ ਤਸਵੀਰ। 25-09-2026

ਅੰਮ੍ਰਿਤਸਰ, 24 ਸਤੰਬਰ (ਰੇਸ਼ਮ ਸਿੰਘ)-ਦਾਣਾ ਮੰਡੀ ਭਗਤਾਂ ਵਾਲਾ ਵਿਖੇ ਇਕ ਨੌਜਵਾਨ ਦੀ ਗੋਲੀਆਂ ਮਾਰ ਕੇ ਹੱਤਿਆ ਕਰ ਦਿੱਤੀ। ਮ੍ਰਿਤਕ ਨੌਜਵਾਨ ਦੀ ਸ਼ਨਾਖਤ ਗੁਰਸੇਵਕ ਸਿੰਘ (19) ਵਾਸੀ ਪਿੰਡ ਲੋਧੀ ਗੁਜ਼ਰ ਲੋਪੋਕੇ ਜਿਲ੍ਹਾ ਅੰਮ੍ਰਿਤਸਰ ਵਜੋਂ ਹੋਈ ਹੈ। ਥਾਣਾ ਗੇਟ ਹਕੀਮਾਂ ਦੀ ਪੁਲਿਸ ਅਨੁਸਾਰ ਗੁਰਸਿਮਰਨ ਸਿੰਘ ਨੇ ਦੱਸਿਆ ਕਿ ਬੀਤੀ ਰਾਤ ਉਸਦੇ ਚਾਚੇ ਗੁਰਸੇਵਕ ਸਿਘ ਨੂੰ ਫੋਨ ਆਇਆ ਕਿ ਝੋਨਾ ਲੈ ਕੇ ਭਗਤਾਂਵਾਲਾ ਮੰਡੀ ਜਾਣਾ ਹੈ। ਉਹ ਆਪਣੇ ਨਾਲ ਚਾਚੇ ਨੂੰ ਮੰਡੀ ਲੈ ਗਏ ਤੇ ਉੱਥੇ ਜਾ ਕੇ ਉਨ੍ਹਾਂ ਗੋਲੀਆਂ ਮਾਰ ਦਿੱਤੀਆਂ ਤੇ ਲਾਸ਼ ਨੂੰ ਖੁਰਦ ਬੁਰਦ ਕਰਨ ਤੇ ਸਬੂਤ ਮਿਟਾਉਣ ਦੀ ਕੋਸ਼ਿਸ਼ ਵੀ ਕੀਤੀ। ਥਾਣਾ ਗੇਟ ਹਕੀਮਾਂ ਦੀ ਮੁਖੀ ਇੰਸ: ਮਨਜੀਤ ਕੌਰ ਨੇ ਇਸ ਮਾਮਲੇ ’ਚ ਪਾਲਮਬੀਰ ਸਿੰਘ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ ਜਦੋਂ ਕਿ ਬਾਕੀ ਸੁਰਜੀਤ ਸਿੰਘ, ਦਲਜੀਤ ਸਿੰਘ, ਕੁਲਜੀਤ ਸਿੰਘ ਵਾਸੀਆ ਪਿੰਡ ਰਾਣੀਆਂ, ਭਗਵਾਨ ਸਿੰਘ ਵਾਸੀ ਨੌਸ਼ਿਹਰਾ ਤਰਨ ਤਾਰਨ, ਹੁਸਨਦੀਪ ਸਿੰਘ ਕੋਹਾਲੀ ਲੋਪੋਕੇ, ਦਪਿੰਦਰ ਸਿੰਘ ਵਾਸੀ ਰੋਜ਼ ਐਵੀਨਿਊ ਤੇ 5-6 ਹੋਰ ਨਾਮਾਲੂਮ ਵਿਅਕਤੀਆਂ ਖਿਲਾਫ ਮਾਮਲਾ ਦਰਜ ਕਰਕੇ ਅਗੇਲਰੀ ਕਾਰਵਾਈ ਕੀਤੀ ਜਾ ਰਹੀ ਹੈ।