ਮੇਰੇ ਲਈ ‘ਥਾਪੀ’ ਸਿਰਫ਼ ਇਕ ਫ਼ਿਲਮ ਨਹੀਂ, ਇਕ ਮਕਸਦ ਵਾਲਾ ਮਿਸ਼ਨ ਹੈ-ਅਮਨਪ੍ਰੀਤ ਸਿੰਘ
ਇਕ ਸਮੇਂ ਦੇ ਮਸ਼ਹੂਰ ਕਬੱਡੀ ਖਿਡਾਰੀ ਦਲਵੀਰ ਸਿੰਘ ਦੀ ਕੀਤੀ ਮਦਦ ਜਲੰਧਰ, 10 ਅਕਤੂਬਰ (ਅ. ਬ.)
ਅਜੀਤ ਡੈਸਕ
11-10-2026
ਜਲੰਧਰ, 10 ਅਕਤੂਬਰ (ਅ.ਬ.)-‘ਥਾਪੀ’ ਦੇ ਨਿਰਮਾਤਾ ਅਮਨਪ੍ਰੀਤ ਸਿੰਘ ਨੇ ਪੰਜਾਬ ਦੇ ਇਕ ਸਮੇਂ ਦੇ ਮਸ਼ਹੂਰ ਕਬੱਡੀ ਖਿਡਾਰੀ ਦਲਵੀਰ ਸਿੰਘ (ਬੀਰੀ ਢੈਪਈ) ਦੇ ਘਰ ਜਾ ਕੇ ਉਨ੍ਹਾਂ ਦੀ ਮਦਦ ਕੀਤੀ। ਅਮਨਪ੍ਰੀਤ ਸਿੰਘ ਨੇ ਕਿਹਾ ਕਿ ਮੇਰੇ ਲਈ ‘ਥਾਪੀ’ ਸਿਨੇਮਾ ਤੋਂ ਕਿਤੇ ਵੱਧ ਕੇ ਹੈ। ਇਹ ਕਬੱਡੀ ਦੇ ਅਸਲ ਨਾਇਕਾਂ ਨਾਲ ਜੁੜਨ, ਉਨ੍ਹਾਂ ਦੇ ਸੰਘਰਸ਼ ਨੂੰ ਸਮਝਣ, ਮੁਸ਼ਕਿਲ ਸਮੇਂ ਵਿਚ ਉਨ੍ਹਾਂ ਦੇ ਨਾਲ ਖੜ੍ਹਨ ਅਤੇ ਉਨ੍ਹਾਂ ਦੀ ਮਦਦ ਲਈ ਜੋ ਵੀ ਮੈਂ ਕਰ ਸਕਦਾ ਹਾਂ, ਉਹ ਕਰਨ ਦਾ ਇਕ ਜ਼ਰੀਆ ਹੈ। ਪੰਜਾਬ ਪ੍ਰਤੀ ਮੇਰੀ ਵਚਨਬੱਧਤਾ ਸਪੱਸ਼ਟ ਹੈ ਕਿ ਜੇਕਰ ਮੈਂ ਉਨ੍ਹਾਂ ਕੁਝ ਖਿਡਾਰੀਆਂ ਦੀ ਜ਼ਿੰਦਗੀ ’ਚ ਵੀ ਕੋਈ ਬਦਲਾਅ ਲਿਆ ਸਕਾਂ ਜਿਨ੍ਹਾਂ ਨੇ ਆਪਣਾ ਜੀਵਨ ਇਸ ਖੇਡ ਨੂੰ ਸਮਰਪਿਤ ਕਰ ਦਿੱਤਾ ਹੈ, ਤਾਂ ਮੈਂ ਇਸ ਨੂੰ ਇਕ ਸਾਰਥਕ ਪ੍ਰਾਪਤੀ ਮੰਨਾਂਗਾ। ਮੈਂ ਉਨ੍ਹਾਂ ਹੋਰ ਖਿਡਾਰੀਆਂ ਦੀ ਮਦਦ ਕਰਨ ਲਈ ਆਪਣੀ ਪੂਰੀ ਕੋਸ਼ਿਸ਼ ਕਰਦਾ ਰਹਾਂਗਾ ਜਿਨ੍ਹਾਂ ਨੂੰ ਮਦਦ, ਸਤਿਕਾਰ ਅਤੇ ਮਾਨਤਾ ਦੀ ਲੋੜ ਹੈ, ਕਿਉਂਕਿ ਜਿਨ੍ਹਾਂ ਲੋਕਾਂ ਨੇ ਆਪਣਾ ਜੀਵਨ ਕਬੱਡੀ ਨੂੰ ਸਮਰਪਿਤ ਕੀਤਾ ਹੈ, ਉਹ ਸਿਰਫ਼ ਤਾੜੀਆਂ ਨਾਲੋਂ ਕਿਤੇ ਵੱਧ ਦੇ ਹੱਕਦਾਰ ਹਨ, ਉਹ ਸਾਡੇ ਸਮਰਥਨ, ਸਾਡੇ ਸਤਿਕਾਰ ਅਤੇ ਸਾਡੀ ਦੇਖਭਾਲ ਦੇ ਹੱਕਦਾਰ ਹਨ।
