ਮੋਗਾ

ਅਜੀਤਵਾਲ ਕਾਲਜ ਵਿਖੇ ਬਸੰਤ ਦੇ ਸਵਾਗਤ 'ਤੇ ਸਮਾਗਮ <br/>

ਬਸੰਤ ਪੰਚਮੀ ਮਨਾਉਂਦਿਆਂ ਕਾਲਜ ਡਾਇਰੈਕਟਰ ਡਾ. ਚਮਨ ਲਾਲ ਸਚਦੇਵਾ ਸਟਾਫ਼ ਸਮੇਤ ਪਤੰਗ ਉਡਾਉਣ ਸਮੇਂ | ਤਸਵੀਰ: ਹਰਦੇਵ ਸਿੰਘ ਮਾਨ <br/> 25-01-2026

ਅਜੀਤਵਾਲ, 24 ਜਨਵਰੀ (ਹਰਦੇਵ ਸਿੰਘ ਮਾਨ)-ਲਾਲਾ ਲਾਜਪਤ ਰਾਏ ਮੈਮੋਰੀਅਲ ਗਰੁੱਪ ਆਫ਼ ਕਾਲਜਿਜ ਅਜੀਤਵਾਲ (ਮੋਗਾ) ਵਿਖੇ ਵਿਦਿਆਰਥੀਆਂ ਨੇ ਬਸੰਤ ਰੁੱਤ ਦਾ ਸਵਾਗਤ ਖੁੱਲ੍ਹੇ ਅਸਮਾਨ ਵਿਚ ਪਤੰਗ ਉਡਾ ਕੇ ਰੌਣਕਾਂ ਲਗਾਉਂਦਿਆਂ ਕੀਤਾ | ਇਸ ਮੌਕੇ ਕਾਲਜ ਦੇ ਡਾਇਰੈਕਟਰ ਡਾ. ਚਮਨ ਲਾਲ ਸਚਦੇਵਾ ਨੇ ਕਿਹਾ ਕਿ ਇਸ ਦਿਨ ਬਹਾਰ ਦੇ ਮੌਸਮ ਦੀ ਸ਼ੁਰੂਆਤ ਹੁੰਦੀ ਹੈ ਅਤੇ ਇਸੇ ਦਿਨ ਮਾਂ ਸਰਸਵਤੀ ਦੀ ਪੂਜਾ ਕਰ ਕੇ ਗਿਆਨ ਦੇ ਵਾਧੇ ਅਤੇ ਚੰਗੇ ਅੰਕ ਪ੍ਰਾਪਤ ਕਰਨ ਲਈ ਵਿਦਿਆਰਥੀਆਂ ਵਲੋਂ ਅਰਦਾਸ ਕੀਤੀ ਜਾਂਦੀ ਹੈ | ਕਾਲਜ ਵਿਚ ਕੁੜੀਆਂ ਅਤੇ ਮੁੰਡਿਆਂ ਦੇ ਪਤੰਗ ਉਡਾਉਣ ਦੇ ਮੁਕਾਬਲੇ ਕਰਾਏ ਗਏ | ਵਿਦਿਆਰਥੀਆਂ ਵਲੋਂ ਮਾੜੀਆਂ ਆਦਤਾਂ ਜਿਵੇਂ ਦੇਰ ਨਾਲ ਉੱਠਣਾ, ਕੰਮ ਚੋਰ ਹੋਣਾ, ਵਿਹਲੇ ਰਹਿਣਾ ਆਦਿ ਨੂੰ ਤਿਆਗਣ ਦਾ ਪ੍ਰਣ ਵੀ ਲਿਆ ਗਿਆ | ਲੈਕਚਰਾਰ ਤੇਜਪ੍ਰੀਤ ਸਿੰਘ ਨੇ ਦੱਸਿਆ ਕਿ ਬਸੰਤ ਰੁੱਤ ਦੇ ਆਉਣ ਨਾਲ ਹਰ ਪਾਸੇ ਹਰਿਆਵਲ ਹੋਣੀ ਸ਼ੁਰੂ ਹੋ ਜਾਂਦੀ ਹੈ, ਕਣਕ ਨੂੰ ਸਿੱਟੇ ਲੱਗਣੇ ਸ਼ੁਰੂ ਹੋ ਜਾਂਦੇ ਹਨ, ਫੁੱਲਾਂ ਉੱਪਰ ਤਿਤਲੀਆਂ ਮੰਡਰਾਉਣ ਲੱਗ ਜਾਂਦੀਆਂ ਹਨ | ਇਸ ਮੌਕੇ ਸਮੂਹ ਸਟਾਫ਼ ਅਤੇ ਵਿਦਿਆਰਥੀ ਹਾਜ਼ਰ ਹੋਏ |

ਪਿਛਲੀ ਖ਼ਬਰ ਦਰਜਾ-ਚਾਰ ਕਰਮਚਾਰੀਆਂ ਦਾ ਵਫਦ ਡੀ.ਪੀ.ਆਈ. ਸੈਕੰਡਰੀ ਨੂੰ ਮਿਲਿਆ <br/> ਅਗਲੀ ਖ਼ਬਰ ਸਿਹਤ ਬੀਮਾ ਯੋਜਨਾ ਦੇਣਾ ਮਾਨ ਸਰਕਾਰ ਦਾ ਸ਼ਲਾਘਾਯੋਗ ਕਦਮ- ਕੁਲਵੰਤ ਪੱਤੋ, ਬੱਬੂ ਮਾਛੀਕੇ <br/>

ਅਜੀਤਵਾਲ ਕਾਲਜ ਵਿਖੇ ਬਸੰਤ ਦੇ ਸਵਾਗਤ 'ਤੇ ਸਮਾਗਮ <br/>

ਸੰਬੰਧਿਤ ਖ਼ਬਰਾਂ