ਨੱਥੂਵਾਲਾ ਗਰਬੀ, 21 ਅਪ੍ਰੈਲ (ਨਵਦੀਪ ਸਿੰਘ)-ਅੱਜ ਪਿੰਡ ਲੰਗੇਆਣਾ ਪੁਰਾਣਾ ਦੇ ਸਵ: ਜੱਸ ਬਰਾੜ ਕੈਨੇਡਾ ਦੀ ਨਿੱਘੀ ਯਾਦ ਨੂੰ ਸਮਰਪਿਤ ਪਿੰਡ ਵਾਸਤੇ ਫਾਇਰ ਬਿ੍ਗੇਡ ਟੈਂਕੀ ਦਿੱਤੀ ਗਈ | ਇਹ ਟੈਂਕੀ ਜਸ ਬਰਾੜ ਦੇ ਪਰਿਵਾਰ ਵਲੋਂ ਬਾਬਾ ਗੁਰਦਿਆਲ ਸਿੰਘ ਦੀ ਯੋਗ ਅਗਵਾਈ ਹੇਠ ਨਗਰ ਨਿਵਾਸੀਆਂ ਨੂੰ ਸਮਰਪਿਤ ਕੀਤੀ | ਬਾਬਾ ਗੁਰਦਿਆਲ ਸਿੰਘ ਵਲੋਂ ਦਾਨੀ ਪਰਿਵਾਰਕ ਮੈਂਬਰ ਪਲਵਿੰਦਰ ਕੌਰ ਪਤਨੀ ਸਵਰਗੀ ਜਸਪਾਲ ਸਿੰਘ ਨੂੰ ਸਿਰੋਪਾਓ ਦੇ ਕੇ ਸਨਮਾਨਿਤ ਕੀਤਾ ਤੇ ਪਰਿਵਾਰ ਦੇ ਬਾਕੀ ਮੈਂਬਰਾਂ ਕਰਨੈਲ ਸਿੰਘ ਬਰਾੜ ਕੈਨੇਡਾ, ਜਸਪਾਲ ਕੌਰ ਕੈਨੇਡਾ ਪਤਨੀ ਸਵ ਜਸਵੰਤ ਸਿੰਘ ਜੱਸ ਬਰਾੜ ਤੇ ਬਾਕੀ ਮੈਂਬਰਾਂ ਦਾ ਸ਼ੁਕਰਾਨਾ ਕੀਤਾ ਗਿਆ | ਇਸ ਮੌਕੇ ਨੰਬਰਦਾਰ ਸਾਧੂ ਰਾਮ ਤੇ ਹੋਰ ਬਹੁਤ ਸਾਰੇ ਨਗਰ ਨਿਵਾਸੀ ਹਾਜ਼ਰ ਸਨ |