ਕੋਟ ਈਸੇ ਖਾਂ, 5 ਮਈ (ਗੁਰਮੀਤ ਸਿੰਘ ਖਾਲਸਾ)-ਸਹਿਕਾਰੀ ਸਭਾ ਮਹਿਲ ਨੌਂਅਬਾਦ 'ਚ ਬਤੌਰ ਸਕੱਤਰ ਆਪਣੀਆਂ ਸੇਵਾਵਾਂ ਨਿਭਾਅ ਰਹੇ ਟਹਿਲ ਸਿੰਘ ਦੀ ਨੌਕਰੀ ਦਾ ਕਾਰਜਕਾਲ ਸਮਾਪਤ ਹੋਣ 'ਤੇ ਕੋਆਪਰੇਟਿਵ ਬੈਂਕ ਕੋਟ ਈਸੇ ਖਾਂ 'ਚ ਸਾਥੀਆਂ ਦੀ ਹੋਈ ਇਕੱਤਰਤਾ ਦੌਰਾਨ ਹੀ ਉਨ੍ਹਾਂ ਦਾ ਵਿਸ਼ੇਸ਼ ਸਨਮਾਨ ਕਰਦਿਆਂ ਵਿਦਾਇਗੀ ਪਾਰਟੀ ਦਿੱਤੀ ਗਈ¢ ਇਸ ਮੌਕੇ ਬੋਲਦਿਆਂ ਪੰਜਾਬ ਰਾਜ ਸਹਿਕਾਰੀ ਸਭਾਵਾਂ ਦੇ ਜ਼ਿਲ੍ਹਾ ਸਰਪ੍ਰਸਤ ਗੁਰਮੀਤ ਸਿੰਘ ਦਾਤੇਵਾਲ, ਸੀਨੀਅਰ ਆਗੂ ਇਕਬਾਲ ਸਿੰਘ ਢੋਲੇਵਾਲ ਸਰਪੰਚ ਆਦਿ ਨੇ ਕਿਹਾ ਕਿ ਇਮਾਨਦਾਰੀ ਨਿਮਰਤਾ ਤੇ ਸਹਿਜ ਨਾਲ ਟਹਿਲ ਸਿੰਘ ਨੇ ਬਤੌਰ ਸਕੱਤਰ ਸਹਿਕਾਰੀ ਸਭਾ ਆਪਣੀਆਂ ਸੇਵਾਵਾਂ ਕਰੀਬ 34 ਸਾਲ 3 ਮਹੀਨੇ ਨਿਭਾਈਆਂ ਜਿਸ ਲਈ ਸਾਨੂੰ ਆਪਣੇ ਸਾਥੀ 'ਤੇ ਫਖਰ ਮਹਿਸੂਸ ਹੁੰਦਾ ਹੈ¢ ਇਸ ਮੌਕੇ ਟਹਿਲ ਸਿੰਘ ਨੇ ਕਿਹਾ ਕਿ ਉਨ੍ਹਾਂ ਨੇ ਜਿੰਨਾ ਸਮਾਂ ਵੀ ਆਪਣੀਆਂ ਸੇਵਾਵਾਂ ਨਿਭਾਈਆਂ ਉਸ ਸਮੇਂ ਦੌਰਾਨ ਸਾਥੀਆਂ ਦਾ ਹਮੇਸ਼ਾ ਵਧੀਆ ਪਿਆਰ ਤੇ ਸਾਥ ਮਿਲਦਾ ਰਿਹਾ ਜਿਸ ਨੂੰ ਉਹ ਕਦੇ ਨਹੀਂ ਭੁਲਾਉਣਗੇ¢ ਇਸ ਮੌਕੇ ਉਨ੍ਹਾਂ ਨੇ ਆਪਣੇ ਮਾਣ ਸਨਮਾਨ ਲਈ ਸਾਥੀਆਂ ਦਾ ਤਹਿ ਦਿਲੋਂ ਧੰਨਵਾਦ ਕੀਤਾ¢ ਇਸ ਮੌਕੇ ਗੁਰਮੀਤ ਸਿੰਘ ਦਾਤੇਵਾਲ ਸਰਪ੍ਰਸਤ ਸਹਿਕਾਰੀ ਸਭਾਵਾਂ ਕਰਮਚਾਰੀ ਯੂਨੀਅਨ ਜ਼ਿਲ੍ਹਾ ਮੋਗਾ, ਇਕਬਾਲ ਸਿੰਘ ਢੋਲੇਵਾਲ ਸੀਨੀਅਰ ਆਗੂ, ਸਵਰਨ ਸਿੰਘ ਕੈਲਾ ਬਲਾਕ ਪ੍ਰਧਾਨ, ਮੇਹਰ ਸਿੰਘ ਢੋਲੇਵਾਲ, ਨਿਰਵੈਰ ਸਿੰਘ ਸਕੱਤਰ ਕੋਟ ਮੁਹੰਮਦ ਖਾਂ, ਗੁਰਪ੍ਰੀਤ ਸਿੰਘ ਸਕੱਤਰ ਕੋਟ ਸਦਰ ਖਾਂ ਬਲਾਕ ਖਜ਼ਾਨਚੀ, ਸਵਰਨ ਸਿੰਘ ਸਕੱਤਰ ਮੰਦਰ, ਯਾਦਵਿੰਦਰ ਸਿੰਘ ਸਕੱਤਰ ਮਨਾਵਾਂ, ਗਗਨਦੀਪ ਸਿੰਘ ਮੈਨੇਜਰ, ਜਸਪਾਲ ਸਿੰਘ ਸਕੱਤਰ ਬਲਖੰਡੀ, ਅਰਵਿੰਦਰਪਾਲ ਸਿੰਘ ਸਕੱਤਰ ਜਨੇਰ, ਸਤਿੰਦਰਪਾਲ ਗਗੜਾ ਸਾਬਕਾ ਪ੍ਰਧਾਨ, ਬੂਟਾ ਸਿੰਘ ਮੰਦਰ, ਗੁਰਮੁਖ ਸਿੰਘ ਮਸੀਤਾਂ ਹਾਜ਼ਰ ਸਨ¢
