ਬਿਜਲੀ ਦੇ ਲੰਬੇ ਕੱਟਾਂ ਦੇ ਵਿਰੁੱਧ ਕਿਸਾਨਾਂ ਵਲੋਂ ਪਾਵਰ ਗਰਿੱਡ ਡਗਰੂ ਦਾ ਘਿਰਾਓ

ਮੋਗਾ, 12 ਸਤੰਬਰ (ਸੁਰਿੰਦਰਪਾਲ ਸਿੰਘ)-ਮੋਗਾ ਦੇ ਬਲਾਕ-2 ਦੇ ਖੇਤਾਂ ਵਿਚ ਝੋਨੇ ਸੁੱਕਣੇ ਸ਼ੁਰੂ ਹੋ ਗਏ ਕਿਉਂਕਿ ਪਿਛਲੇ ਦਿਨਾਂ ਤੋਂ ਖੇਤਾਂ ਵਾਲੀ ਲਾਈਟ ਨੂੰ ਬਹੁਤ ਕੱਟ ਲੱਗਣ ਕਰ ਕੇ 2 ਘੰਟੇ ਹੀ ਲਾਈਟ ਆ ਰਹੀ ਹੈ ਜਿਸ ਕਰ ਕੇ ਇਲਾਕੇ ਵਿਚ ਸੋਕੇ ਵਰਗੇ ਹਾਲਾਤ ਹੋ ਗਏ ਹਨ। ਕੁਝ ਦਿਨ ਪਹਿਲਾਂ ਮੋਗਾ ਫ਼ਿਰੋਜ਼ਪੁਰ ਰੋਡ ਉੱਪਰ ਧਰਨਾ ਦਿੱਤਾ ਸੀ ਜੋ ਕਿ ਪ੍ਰਸ਼ਾਸਨ ਨੇ ਭਰੋਸਾ ਦੇ ਕੇ ਧਰਨਾ ਚੁਕਵਾਇਆ ਸੀ ਪਰ ਫਿਰ ਵੀ ਖੇਤਾਂ ਵਾਲੀ ਲਾਈਟ ਬਹਾਲ ਨਹੀਂ ਕੀਤੀ ਗਈ ਜੋ ਕਿ 7 ਦਿਨ ਦੇ ਵੱਡੇ ਸੋਕੇ ਤੋਂ ਬਾਅਦ ਝੋਨੇ ਖ਼ਰਾਬ ਹੋ ਰਹੇ ਹਨ ਜਿਸ ਤੋਂ ਮਜਬੂਰ ਹੋ ਕਿਸਾਨਾਂ ਮਜ਼ਦੂਰਾਂ ਨੇ ਡਗਰੂ ਗਰਿੱਡ ਦਾ ਘਿਰਾਓ ਕੀਤਾ ਅਤੇ ਕਿਸਾਨਾਂ ਨੇ ਕਿਰਤੀ ਕਿਸਾਨ ਯੂਨੀਅਨ, ਭਾਰਤੀ ਕਿਸਾਨ ਯੂਨੀਅਨ ਉਗਰਾਹਾਂ, ਭਾਰਤੀ ਕਿਸਾਨ ਯੂਨੀਅਨ ਸਿੱਧੂਪੁਰ ਦੀ ਅਗਵਾਈ ਵਿਚ ਧਰਨਾ ਲਾ ਦਿੱਤਾ।

Ad Position 21