ਮੋਗਾ

ਸੰਤ ਕੌਲ ਦਾਸ ਤੇ ਸੰਤ ਰਾਮ ਸਰੂਪ ਦੀ ਬਰਸੀ ’ਤੇ ਸਮਾਗਮ-ਖੂਨ ਦਾਨ ਕੈਂਪ ਵੀ ਲਾਇਆ

ਸ

ਸੰਤ ਬਾਬਾ ਰਾਮ ਸਰੂਪ ਅਤੇ ਸੰਤ ਬਾਬਾ ਕੌਲ ਦਾਸ ਦੀ ਯਾਦ ਵਿਚ ਲਗਾਏ ਗਏ ਖੂਨਦਾਨ ਕੈਂਪ ਦਾ ਉਦਘਾਟਨ ਕਰਦੇ ਹੋਏ ਦਿਵਿਆਂਗ ਸੰਸਥਾ ਦੇ ਖੂਨਦਾਨੀ। ਤਸਵੀਰ : ਗੁਰਜੰਟ ਕਲਸੀ ਲੰਡੇ 19-10-2026

ਸਮਾਲਸਰ, 18 ਅਕਤੂਬਰ (ਗੁਰਜੰਟ ਕਲਸੀ ਲੰਡੇ)-ਸੰਤ ਬਾਬਾ ਕੌਲ ਦਾਸ ਅਤੇ ਸੰਤ ਬਾਬਾ ਰਾਮ ਸਰੂਪ ਦੀ 31ਵੀਂ ਬਰਸੀ ’ਤੇ ਸ੍ਰੀ ਅਖੰਡ ਪਾਠ ਦੇ ਭੋਗ ਪਾਏ ਗਏ। ਇਸ ਮੌਕੇ ਗ੍ਰੰਥੀ ਸਿੰਘਾਂ ਨੇ ਸੰਤ ਬਾਬਾ ਕੌਲ ਦਾਸ ਅਤੇ ਸੰਤ ਬਾਬਾ ਰਾਮ ਸਰੂਪ ਦੀ ਜੀਵਨੀ ਬਾਰੇ ਚਾਨਣਾ ਪਾਇਆ। ਇਸ ਉਪਰੰਤ ਲੰਗਰ, ਖੀਰ, ਜਲੇਬੀਆਂ ਆਦਿ ਦਾ ਭੰਡਾਰਾ ਖੂਬ ਵਰਤਾਇਆ ਗਿਆ। ਡੇਰੇ ਦੇ ਬਾਹਰ ਬੱਚਿਆਂ ਦੇ ਖਿਡੌਣਿਆਂ ਲਈ ਦੁਕਾਨਾਂ ਸਜੀਆਂ ਹੋਈਆਂ ਸਨ| ਇਸ ਮੌਕੇ ਸਮੂਹ ਗਰਾਮ ਪੰਚਾਇਤਾਂ, ਐਨ.ਆਰ.ਆਈ. ਵੀਰਾਂ, ਸਮੂਹ ਕਲੱਬਾਂ ਦੇ ਸਹਿਯੋਗ ਨਾਲ ਖੂਨਦਾਨ ਕੈਂਪ ਲਾਇਆ ਗਿਆ। ਇਸ ਖੂਨਦਾਨ ਕੈਂਪ ਵਿਚ 70 ਦੇ ਕਰੀਬ ਯੂਨਿਟ ਖੂਨ ਇਕੱਤਰ ਹੋਇਆ। ਇਸ ਖੂਨਦਾਨ ਕੈਂਪ ਦੀ ਅਗਵਾਈ ਗੁਰੂ ਗੋਬਿੰਦ ਸਿੰਘ ਮੈਡੀਕਲ ਕਾਲਜ ਅਤੇ ਹਸਪਤਾਲ ਦੇ ਡਾਕਟਰਾਂ ਨੇ ਕੀਤੀ। ਸਮਾਲਸਰ ਸਮਾਜ ਸੇਵਾ ਸੰਮਤੀ ਦੇ ਬੁਲਾਰੇ ਡਾਕਟਰ ਬਲਰਾਜ ਸਿੰਘ ਰਾਜੂ ਨੇ ਦੱਸਿਆ ਕਿ ਖੂਨਦਾਨੀਆਂ ਨੂੰ ਟਾਈਮਪੀਸਾਂ ਨਾਲ ਸਨਮਾਨਿਤ ਕੀਤਾ ਗਿਆ ਅਤੇ ਸਰਟੀਫਿਕੇਟ ਦਿੱਤੇ ਗਏ। ਇਸੇ ਤਰ੍ਹਾਂ ਹੀ ਕੈਨੇਡਾ ਵਿਖੇ ਰਹਿੰਦੇ ਸਮਾਲਸਰ ਵਾਸੀਆਂ ਵਲੋਂ ਵੀ ਐਬਸਫੋਰਡ ਦੇ ਖਾਲਸਾ ਦੀਵਾਨ ਸੁਸਾਇਟੀ ਵਿਚ ਸੱਚਖੰਡ ਵਾਸੀ ਸੰਤ ਬਾਬਾ ਕੌਲ ਦਾਸ ਦੀ ਯਾਦ ਵਿਚ ਸੁਖਮਨੀ ਸਾਹਿਬ ਦੇ ਪਾਠ ਦੇ ਭੋਗ ਪਾਏ ਗਏ ਅਤੇ ਲੰਗਰ ਦੀ ਸੇਵਾ ਚਲਾਈ ਗਈ।

ਪਿਛਲੀ ਖ਼ਬਰ ਨਵਰਾਤਰਿਆਂ ਮੌਕੇ ਅਸ਼ਟਮੀ ਤੇ ਭਾਵਾਧਸ ਦੇ ਪ੍ਰਧਾਨ ਨਰੇਸ਼ ਬੋਹਤ ਨੇ ਕੀਤਾ ਕੰਜਕ ਪੂਜਨ ਅਗਲੀ ਖ਼ਬਰ ਬਾਬਾ ਜਸਵੰਤ ਪਬਲਿਕ ਸਕੂਲ ਵਿਖੇ ਨਸ਼ਾ ਮੁਕਤੀ ਸੰਬੰਧੀ ਸਹੁੰ ਚੁੱਕ ਸਮਾਗਮ ਕਰਵਾਇਆ

ਸੰਤ ਕੌਲ ਦਾਸ ਤੇ ਸੰਤ ਰਾਮ ਸਰੂਪ ਦੀ ਬਰਸੀ ’ਤੇ ਸਮਾਗਮ-ਖੂਨ ਦਾਨ ਕੈਂਪ ਵੀ ਲਾਇਆ

ਸੰਬੰਧਿਤ ਖ਼ਬਰਾਂ