ਸੰਗਰੂਰ, 26 ਫਰਵਰੀ (ਅਮਨਦੀਪ ਸਿੰਘ ਬਿੱਟਾ) - ਮੰਦਰ ਸ੍ਰੀ ਲਕਸ਼ਮੀ ਨਰਾਇਣ ਮੰਦਰ ਦਾਦਰੀ ਵਾਲਾ ਨਾਭਾ ਗੇਟ ਵਿਖੇ ਮਹਿਲਾ ਕੀਰਤਨ ਮੰਡਲੀ ਦੇ ਆਗੂ ਪਿ੍. ਮੰਜੂਲਾ ਸ਼ਰਮਾ ਨੇ ਦੱਸਿਆ ਕਿ ਮਾਨਵਤਾ ਦੀ ਭਲਾਈ ਹਿਤ ਅਤੇ ਸ਼ਹਿਰ ਦੀ ਸੁੱਖ ਸ਼ਾਂਤੀ ਲਈ ਸਾਲ 2001 ਤੋਂ ਆਰੰਭ ਕਰਵਾਏ ਸ੍ਰੀ ਰਮਾਇਣ ਦੇ ਪਾਠ ਹੁਣ ਤੱਕ 178 ਦੇ ਕਰੀਬ ਸੰਪੰਨ ਹੋ ਚੁੱਕੇ ਹਨ | ਉਨ੍ਹਾਂ ਕਿਹਾ ਕਿ ਹਰ ਵਰ੍ਹੇ ਦੀ ਤਰ੍ਹਾਂ 1 ਮਾਰਚ 2026 ਤੋਂ ਪਾਠ ਮੰਦਰ ਸ੍ਰੀ ਦਾਦਰੀ ਵਾਲਾ ਵਿਖੇ ਆਰੰਭ ਕਰਵਾਏ ਜਾ ਰਹੇ ਹਨ | ਉਨ੍ਹਾਂ ਸ੍ਰੀ ਰਮਾਇਣ ਦੇ ਪਾਠ ਦੇ ਭੋਗ ਆਰੰਭ ਕਰਵਾਉਣ ਲਈ 1 ਮਾਰਚ ਨੂੰ ਸਵੇਰੇ 10 ਵਜੇ ਪੁੱਜਣ ਦਾ ਖੁੱਲ੍ਹਾ ਸੱਦਾ ਦਿੰਦਿਆਂ ਕਿਹਾ ਕਿ ਚਾਹਵਾਨ ਸੱਜਣ ਇਸ ਧਾਰਮਿਕ ਅਤੇ ਅਧਿਆਤਮਕ ਕਾਰਜਾਂ ਵਿਚ ਆਪਣਾ ਯੋਗਦਾਨ ਪਾਉਣ | ਆਰੰਭ ਹੋਣ ਵਾਲੇ ਪਾਠਾਂ ਦੇ ਭੋਗ 26 ਮਾਰਚ ਨੂੰ ਪਾਏ ਜਾਣਗੇ |