ਪੁਲਿਸ ਨੇ ਗੁੰਮ ਹੋਏ 10 ਮੋਬਾਈਲ ਲੱਭ ਕੇ ਅਸਲ ਮਾਲਕਾਂ ਦੇ ਸਪੁਰਦ ਕੀਤੇ <br/>

ਮੂਨਕ, 20 ਅਪ੍ਰੈਲ (ਵਰਿੰਦਰ ਭਾਰਦਵਾਜ) - ਜ਼ਿਲ੍ਹਾ ਪੁਲਿਸ ਮੁਖੀ ਸਰਤਾਜ ਸਿੰਘ ਚਹਿਲ ਵੱਲੋਂ ਲੋਕਾਂ ਦੀ ਮਦਦ ਕਰਨ ਲਈ ਵਿੱਢੀ ਮੁਹਿੰਮ ਤਹਿਤ ਪੁਲਿਸ ਸਬ ਡਵੀਜ਼ਨ ਮੂਨਕ ਦੇ ਆਈ ਟੀ ਏ ਬਲਦੀਪ ਸਿੰਘ ਦੀ ਮਦਦ ਨਾਲ ਸ਼੍ਰੀ ਰਜੇਸ਼ ਸਨੇਹੀ ਡੀ.ਐਸ.ਪੀ. ਮੂਨਕ ਵੱਲੋਂ ਲੋਕਾਂ ਦੇ ਗੁੰਮ ਹੋਏ 10 ਮੋਬਾਈਲ ਅਸਲ ਮਾਲਕਾਂ ਦੇ ਸਪੁਰਦ ਕੀਤੇ | ਜਾਣਕਾਰੀ ਦਿੰਦਿਆਂ ਸ਼੍ਰੀ ਰਜੇਸ਼ ਸਨੇਹੀ ਡੀ.ਐਸ.ਪੀ. ਮੂਨਕ ਨੇ ਦੱਸਿਆ ਕਿ ਆਮ ਰੁਟੀਨ ਵਿੱਚ ਲੋਕਾਂ ਦੇ ਮੋਬਾਈਲ ਐਚਕਨ ਕਿਤੇ ਨਾ ਕਿਤੇ ਡਿਗ ਜਾਂਦੇ ਹਨ ਤਾਂ ਮੋਬਾਈਲ 'ਚ ਜ਼ਰੂਰੀ ਡਾਟਾ ਚਲੇ ਜਾਣ ਕਾਰਨ ਉਨ੍ਹਾਂ ਨੂੰ ਆਰਥਿਕ ਅਤੇ ਮਾਨਸਿਕ ਪੱਖੋਂ ਕਾਫ਼ੀ ਪਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈਂਦਾ ਹੈ | ਆਈ ਟੀ ਏ ਬਲਦੀਪ ਸਿੰਘ ਨੇ ਦੱਸਿਆ ਕਿ ਅਗਰ ਕਿਸੇ ਵੀ ਵਿਅਕਤੀ ਦਾ ਮੋਬਾਈਲ ਫ਼ੋਨ ਗੁੰਮ ਹੋ ਜਾਂਦਾ ਹੈ ਤਾਂ ਮੋਬਾਈਲ ਫ਼ੋਨ ਦੀ ਗੁੰਮਸ਼ੁਦਗੀ ਦੀ ਰਿਪੋਰਟ ਸਬੰਧਿਤ ਥਾਣੇ ਵਿਖੇ ਜ਼ਰੂਰ ਦਰਜ ਕਰਵਾਉਣ ਤਾਂ ਜੋ ਕੋਈ ਕਿ੍ਮਿਨਲ ਦਿਮਾਗ਼ ਦਾ ਵਿਅਕਤੀ ਕੋਈ ਸਾਈਬਰ ਕ੍ਰਾਈਮ ਜਾਂ ਉਸ ਫ਼ੋਨ ਦੀ ਦੁਰਵਰਤੋਂ ਕਰਕੇ ਤੁਹਾਡੇ ਲਈ ਕੋਈ ਵੱਡੀ ਮੁਸੀਬਤ ਨਾ ਖੜ੍ਹੀ ਕਰ ਸਕੇ |