ਫ਼ਿਰੋਜ਼ਪੁਰ, 7 ਮਾਰਚ (ਗੁਰਿੰਦਰ ਸਿੰਘ)-ਸਥਾਨਕ ਹਾਰਮਨੀ ਆਯੁਰਵੈਦਿਕ ਮੈਡੀਕਲ ਕਾਲਜ ਅਤੇ ਹਸਪਤਾਲ ਵਿਚ ਤਿੰਨ ਦਿਨਾਂ 'ਗਊ ਮਾਤਾ ਕਥਾ' ਦਾ ਉਦਘਾਟਨ ਧਾਰਮਿਕ ਮਾਹੌਲ ਵਿਚ ਕੀਤਾ ਗਿਆ, ਜਿਸ ਵਿਚ ਪੰਡਿਤ ਲੇਖਰਾਜ ਤਿ੍ਪਾਠੀ ਨੇ ਵਿਧੀਵਤ ਪੂਜਾ ਕੀਤੀ | ਇਸ ਮੌਕੇ ਹਾਰਮਨੀ ਆਯੁਰਵੈਦਿਕ ਮੈਡੀਕਲ ਕਾਲਜ ਅਤੇ ਹਸਪਤਾਲ ਅਤੇ ਐਸ.ਬੀ.ਐਸ ਕਾਲਜ ਆਫ਼ ਨਰਸਿੰਗ ਦੇ ਡਾਇਰੈਕਟਰ ਭਗਤੀ ਭਜਨ ਸਮੂਹ ਦੇ ਸੰਸਥਾਪਕ ਧਰਮਪਾਲ ਬਾਂਸਲ ਨੇ ਕਿਹਾ ਕਿ ਕਥਾ ਦੇ ਪਹਿਲੇ ਦਿਨ ਵੱਡੀ ਗਿਣਤੀ ਵਿਚ ਸ਼ਰਧਾਲੂ ਪਹੁੰਚੇ ਅਤੇ ਗਊ ਮਾਤਾ ਦੀ ਮਹਿਮਾ ਸੁਣੀ ਅਤੇ ਧਰਮ ਦਾ ਲਾਭ ਪ੍ਰਾਪਤ ਕੀਤਾ | ਕਥਾ ਸਥਲ ਨੂੰ ਖ਼ੂਬਸੂਰਤੀ ਨਾਲ ਸਜਾਇਆ ਗਿਆ ਸੀ, ਜਿੱਥੇ ਭਜਨ-ਕੀਰਤਨ ਅਤੇ ਜਾਪ ਨਾਲ ਮਾਹੌਲ ਭਗਤੀ ਨਾਲ ਭਰਿਆ ਹੋਇਆ ਸੀ | ਸ਼੍ਰੀ ਚੰਦਰਕਾਂਤ ਨੇ ਅਖਿਲ ਭਾਰਤੀ ਗਊ ਕਥਾ ਵਾਚਕ ਦੁਆਰਾ ਗਊ ਮਾਤਾ ਬਾਰੇ ਵਿਸਤਾਰ ਨਾਲ ਜਾਣਕਾਰੀ ਦਿੱਤੀ | ਇਸ ਮੌਕੇ ਫ਼ਿਰੋਜ਼ਪੁਰ ਦੇ ਪਤਵੰਤਿਆਂ ਤੋਂ ਇਲਾਵਾ ਬਾਬਾ ਬਲਦੇਵ ਗਿਰੀ, ਡਾਇਰੈਕਟਰ ਬਾਬਾ ਬਾਲਕ ਨਾਥ ਫ਼ਿਰੋਜ਼ਪੁਰ, ਡਾ. ਅਨਿਲ ਸ਼ਰਮਾ (ਗੁਰੂ ਜੀ) ਪਰਮਿੰਦਰ ਸਿੰਘ ਪਿੰਕੀ ਸਾਬਕਾ ਵਿਧਾਇਕ, ਰਿੰਕੂ ਗਰੋਵਰ ਪ੍ਰਧਾਨ ਨਗਰ ਕੌਂਸਲ, ਅਨੁਮੀਤ ਸਿੰਘ ਹੀਰਾ ਸੋਢੀ ਅਤੇ ਵੱਡੀ ਗਿਣਤੀ ਵਿਚ ਗਊ ਪ੍ਰੇਮੀ ਹਾਜ਼ਰ ਸਨ |
