ਜ਼ੀਰਾ, 2 ਅਪ੍ਰੈਲ (ਪ੍ਰਤਾਪ ਸਿੰਘ ਹੀਰਾ)-?ਜ਼ੀਰਾ ਸ਼ਹਿਰ ਦੀ ਦਿਨੋ-ਦਿਨ ਵਧ ਰਹੀ ਟਰੈਫ਼ਿਕ ਦੀ ਸਮੱਸਿਆ ਅਤੇ ਬਾਜ਼ਾਰ ਵਿਚ ਲੱਗਦੇ ਜਾਮ ਤੋਂ ਲੋਕਾਂ ਨੂੰ ਨਿਜਾਤ ਦਿਵਾਉਣ ਲਈ ਅੱਜ ਨਗਰ ਕੌਂਸਲ ਜ਼ੀਰਾ ਦੀ ਪ੍ਰਧਾਨ ਬੀਬੀ ਸਰਬਜੀਤ ਕੌਰ ਅਤੇ ਉਹਨਾਂ ਦੇ ਪਤੀ ਮਾਸਟਰ ਗੁਰਪ੍ਰੀਤ ਸਿੰਘ ਜੱਜ ਨੇ ਗੁਰਜੰਟ ਸਿੰਘ ਐਸ.ਐੱਚ.ਓ ਸਿਟੀ ਅਤੇ ਟਰੈਫ਼ਿਕ ਇੰਚਾਰਜ ਸਵਰਨ ਸਿੰਘ ਨਾਲ ਇਕ ਵਿਸ਼ੇਸ਼ ਮੀਟਿੰਗ ਕੀਤੀ | ਇਸ ਮੀਟਿੰਗ ਵਿਚ ਟਰੈਫ਼ਿਕ ਵਿਵਸਥਾ ਨੂੰ ਸੁਧਾਰਨ ਲਈ ਕਈ ਅਹਿਮ ਫ਼ੈਸਲੇ ਲਏ ਗਏ | ਜਿਸ ਵਿਚ ਸਭ ਤੋਂ ਮੁੱਖ ਫ਼ੈਸਲਾ ਸ਼ਹਿਰ ਵਿਚ ਨਵੀਂ ਕਾਰ ਪਾਰਕਿੰਗ ਦੀ ਸਥਾਪਨਾ ਕਰਨਾ ਰਿਹਾ | ਇਸ ਮੌਕੇ ਮਾਸਟਰ ਗੁਰਪ੍ਰੀਤ ਸਿੰਘ ਜੱਜ ਨੇ ਦੱਸਿਆ ਕਿ ਜ਼ੀਰਾ ਵਿਚ ਦੋ ਕਾਰ ਪਾਰਕਿੰਗ ਬਣਾਏ ਗਏ ਹਨ | ਇਹ ਕਾਰ ਪਾਰਕਿੰਗ ਸੇਵਾ ਕੇਂਦਰ ਦੇ ਨਾਲ ਅਤੇ ਦੂਸਰਾ ਸਿਟੀ ਥਾਣਾ ਜ਼ੀਰਾ ਦੇ ਨਾਲ ਬਣਾਇਆ ਗਿਆ ਹੈ | ਉਹਨਾਂ ਸ਼ਹਿਰ ਅਤੇ ਇਲਾਕਾ ਨਿਵਾਸੀਆਂ ਨੂੰ ਅਪੀਲ ਕੀਤੀ ਗਈ | ਉਹ ਆਪਣੀਆਂ ਗੱਡੀਆਂ ਇਹਨਾਂ ਪਾਰਕਿੰਗਾਂ ਵਿਚ ਖੜੀਆਂ ਕਰਕੇ ਆਪਣੇ ਬਾਜ਼ਾਰ ਦੇ ਕੰਮ ਧੰਦੇ ਕਰਨ ਤਾਂ ਜੋ ਟਰੈਫਿਕ ਜਾਮ ਤੋਂ ਨਿਜਾਤ ਮਿਲ ਸਕੇ |
