ਗੁਰੂਹਰਸਹਾਏ ਦੇ ਮੇਨ ਬਾਜ਼ਾਰ ਵਿਚ ਦੁਕਾਨਦਾਰਾਂ ਨੇ ਮਨਾਈ ਜਨਮ ਅਸ਼ਟਮੀ
ਗੁਰੂਹਰਸਹਾਏ, 6 ਸਤੰਬਰ (ਕਪਿਲ ਕੰਧਾਰੀ)- ਸ੍ਰੀ ਕ੍ਰਿਸ਼ਨ ਜਨਮ ਅਸ਼ਟਮੀ ਦੇ ਪਵਿੱਤਰ ਤਿਉਹਾਰ ਮੌਕੇ ਗੁਰੂਹਰਸਹਾਏ ਦੇ ਮੇਨ ਬਾਜ਼ਾਰ ਵਿਚ ਦੁਕਾਨਦਾਰਾਂ ਅਤੇ ਭਗਤਾਂ ਵਲੋਂ ਸ਼ਰਧਾ ਤੇ ਉਤਸ਼ਾਹ ਨਾਲ ਦਹੀਂ ਹਾਂਡੀ ਦਾ ਪ੍ਰੋਗਰਾਮ ਕਰਵਾਇਆ ਗਿਆ। ਇਸ ਮੌਕੇ ਬਾਜ਼ਾਰ ਵਿਚ ਬਣਾਈ ਗਈ ਦਹੀਂ ਹਾਂਡੀ ਦੀ ਮਟਕੀ ਨੂੰ ਭਗਤਾਂ ਵਲੋਂ ਟੀਮ ਬਣਾ ਕੇ ਤੋੜਿਆ ਗਿਆ।
ਗੁਰੂਹਰਸਹਾਏ, 6 ਸਤੰਬਰ (ਕਪਿਲ ਕੰਧਾਰੀ)- ਸ੍ਰੀ ਕ੍ਰਿਸ਼ਨ ਜਨਮ ਅਸ਼ਟਮੀ ਦੇ ਪਵਿੱਤਰ ਤਿਉਹਾਰ ਮੌਕੇ ਗੁਰੂਹਰਸਹਾਏ ਦੇ ਮੇਨ ਬਾਜ਼ਾਰ ਵਿਚ ਦੁਕਾਨਦਾਰਾਂ ਅਤੇ ਭਗਤਾਂ ਵਲੋਂ ਸ਼ਰਧਾ ਤੇ ਉਤਸ਼ਾਹ ਨਾਲ ਦਹੀਂ ਹਾਂਡੀ ਦਾ ਪ੍ਰੋਗਰਾਮ ਕਰਵਾਇਆ ਗਿਆ। ਇਸ ਮੌਕੇ ਬਾਜ਼ਾਰ ਵਿਚ ਬਣਾਈ ਗਈ ਦਹੀਂ ਹਾਂਡੀ ਦੀ ਮਟਕੀ ਨੂੰ ਭਗਤਾਂ ਵਲੋਂ ਟੀਮ ਬਣਾ ਕੇ ਤੋੜਿਆ ਗਿਆ। ਇਸ ਦੌਰਾਨ ਪੂਰਾ ਬਾਜ਼ਾਰ ਜੈਕਾਰਿਆਂ ਨਾਲ ਗੂੰਜ ਉੱਠਿਆ। ਦਹੀਂ ਹਾਂਡੀ ਤੋੜਨ ਦੀ ਰਸਮ ਤੋਂ ਬਾਅਦ ਸੰਗਤ ਲਈ ਲੱਡੂਆਂ ਦੇ ਪ੍ਰਸਾਦ ਦਾ ਲੰਗਰ ਵੀ ਲਗਾਇਆ ਗਿਆ। ਵੱਡੀ ਗਿਣਤੀ ਵਿਚ ਲੋਕਾਂ ਨੇ ਇਸ ਧਾਰਮਿਕ ਸਮਾਗਮ ਵਿਚ ਸ਼ਮੂਲੀਅਤ ਕਰਦਿਆਂ ਪ੍ਰਸਾਦ ਪ੍ਰਾਪਤ ਕੀਤਾ। ਇਸ ਸੰਬੰਧੀ ਜਾਣਕਾਰੀ ਦਿੰਦਿਆਂ ਬੱਬੂ, ਮਿੰਟੂ ਗੁਪਤਾ, ਪਵਨ ਕੁਮਾਰ, ਅਭੀ ਮਦਾਨ, ਹਾਂਡਾ, ਅਜੀਤ, ਭੋਲਾ ਕੁਮਾਰ, ਮਨੂ ਮਾਨਕਟਾਲਾ, ਕ੍ਰਿਸ਼ਨ ਬਜਾਜ, ਖੰਨਾ ਵਿਸ਼ੂ ਬਜਾਜ, ਨੰਨੂ ਚੁੱਘ, ਰੂਬੀ, ਸੌਰਵ, ਹਰਸ਼ ਬਜਾਜ, ਗੁਰੀ, ਗੋਪੀ, ਯੁਵਰਾਜ ਜਵੈਲਰਜ਼, ਅਮਿਤ ਅਰੋੜਾ, ਸੁਮਿਤ, ਬਿੱਲਾ ਮਦਾਨ, ਗੋਰਾ, ਗੋਲਡੀ, ਹੈਪੀ ਤੇ ਹੋਰ ਬਾਜ਼ਾਰ ਵਾਸੀਆਂ ਨੇ ਦੱਸਿਆ ਕਿ ਉਨ੍ਹਾਂ ਵਲੋਂ ਪਿਛਲੇ ਕਈ ਸਾਲਾਂ ਤੋਂ ਸ਼੍ਰੀ ਕ੍ਰਿਸ਼ਨ ਜਨਮ ਅਸ਼ਟਮੀ ਮੌਕੇ ਬਾਜ਼ਾਰ ਵਿਚ ਦਹੀਂ ਹਾਂਡੀ ਦਾ ਪ੍ਰੋਗਰਾਮ ਕਰਵਾਇਆ ਜਾਂਦਾ ਹੈ। ਉਨ੍ਹਾਂ ਕਿਹਾ ਕਿ ਦਹੀਂ ਹਾਂਡੀ ਫੋੜਨ ਦੀ ਇਹ ਪਰੰਪਰਾ ਮੁੱਖ ਤੌਰ ’ਤੇ ਮਹਾਰਾਸ਼ਟਰ ਵਿਚ ਪ੍ਰਸਿੱਧ ਹੈ ਪਰ ਗੁਰੂਹਰਸਹਾਏ ਦੇ ਬਾਜ਼ਾਰ ਵਾਸੀਆਂ ਵਲੋਂ ਵੀ ਇਸ ਨੂੰ ਪੂਰੀ ਸ਼ਰਧਾ ਤੇ ਉਤਸ਼ਾਹ ਨਾਲ ਪਿਛਲੇ ਕਈ ਸਾਲਾਂ ਤੋਂ ਮਨਾਇਆ ਜਾ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਭਵਿੱਖ ਵਿਚ ਵੀ ਆਉਣ ਵਾਲੇ ਹਰ ਧਾਰਮਿਕ ਤੇ ਸਮਾਜਿਕ ਤਿਉਹਾਰ ਨੂੰ ਮਿਲਜੁਲ ਕੇ ਪੂਰੀ ਸ਼ਰਧਾ ਤੇ ਭਾਵਨਾ ਨਾਲ ਮਨਾਇਆ ਜਾਵੇਗਾ।
![repet_subhas-goyals [Copy P29]](/cms_ads/20260901/2548__2535__2535_repet_subhas-goyal.jpg)
