ਰਾਮਾਂ ਮੰਡੀ, 30 ਜਨਵਰੀ (ਤਰਸੇਮ ਸਿੰਗਲਾ)-ਪਿੰਡ ਗਿਆਨਾ ਦੇ ਖੇਡ ਸਟੇਡੀਅਮ ਵਿਚੋਂ ਕਰੀਬ 15 ਦਿਨ ਪਹਿਲਾਂ ਤਿੰਨ ਐਲ. ਈ. ਟੀ. ਲਾਈਟਾਂ ਚੋਰੀ ਕਰਨ ਦੇ ਦੋਸ਼ਾਂ ਹੇਠ ਰਾਮਾਂ ਪੁਲਿਸ ਵਲੋਂ ਸੁਖਦੀਪ ਸਿੰਘ ਮੈਬਰ ਪੰਚਾਇਤ ਦੀ ਸ਼ਿਕਾਇਤ 'ਤੇ ਤਿੰਨ ਵਿਅਕਤੀਆਂ ਸੁਖਵੀਰ ਸਿੰਘ, ਭੋਲਾ ਸਿੰਘ, ਗੁਰਚਰਨ ਸਿੰਘ, ਵਾਸੀਆਨ ਪਿੰਡ ਗਿਆਨਾ ਦੇ ਵਿਰੁੱਧ ਮਾਮਲਾ ਦਰਜ ਕੀਤਾ ਗਿਆ ਸੀ | ਮਾਮਲੇ ਦੀ ਜਾਂਚ ਕਰ ਰਹੇ ਏ ਐਸ ਆਈ ਗੁਰਤੇਜ ਸਿੰਘ ਦੀ ਅਗਵਾਈ ਵਾਲੀ ਪੁਲਿਸ ਪਾਰਟੀ ਵਲੋਂ ਚੋਰੀ ਦੇ ਮਾਮਲੇ ਵਿਚ ਲੋੜੀਂਦੇ ਦੋ ਦੋਸ਼ੀ ਸੁਖਵੀਰ ਸਿੰਘ ਅਤੇ ਭੋਲਾ ਸਿੰਘ ਵਾਸੀਆਨ ਪਿੰਡ ਗਿਆਨਾ ਨੂੰ ਪਿੰਡ ਵਿਚੋਂ ਗਿ੍ਫ਼ਤਾਰ ਕਰਕੇ ਚੋਰੀ ਹੋਈਆਂ ਤਿੰਨ ਐਲ. ਈ. ਡੀ. ਲਾਈਟਾਂ ਵੀ ਬਰਾਮਦ ਕਰ ਲਈਆਂ ਗਈਆਂ ਹਨ ਜਦੋਂਕਿ ਤੀਸਰੇ ਦੋਸ਼ੀ ਗੁਰਚਰਨ ਸਿੰਘ ਦੀ ਪੁਲਿਸ ਵਲੋਂ ਭਾਲ ਜਾਰੀ ਹੈ |
