ਨਗਰ ਨਿਗਮ ਬਠਿੰਡਾ ਦੇ ਰਿਕਾਰਡ ਰੂਮ 'ਚ ਲੱਗੀ ਭਿਆਨਕ ਅੱਗ, ਸਾਲਾਂ ਪੁਰਾਣਾ ਰਿਕਾਰਡ ਮਚਿਆ <br/>
ਨਗਰ ਨਿਗਮ ਦਫ਼ਤਰ ਵਿਖੇ ਲੱਗੀ ਹੋਈ ਅੱਗ ਬੁਝਾਊਾਦੇ ਹੋਏ ਅੱਗ ਬੁਝਾਊ ਦਸਤੇ ਦੇ ਕਰਮਚਾਰੀ ਅਤੇ ਅੱਗ ਨਾਲ ਮਚਿਆ ਹੋਇਆ ਰਿਕਾਰਡ | ਅਜੀਤ ਤਸਵੀਰਾਂ
<br/>
31-01-2026
ਰਿਕਾਰਡ ਰੂਮ 'ਚ ਅੱਗ ਲੱਗਣ ਕਾਰਨ ਰਿਕਾਰਡ ਸੜਿਆ, ਪਰ ਉਹ ਆਨਲਾਈਨ ਹੈ: ਮੇਅਰ
ਇਸ ਮਾਮਲੇ ਸੰਬੰਧੀ ਨਿਗਮ ਦੇ ਮੇਅਰ ਪਦਮਜੀਤ ਸਿੰਘ ਮਹਿਤਾ ਨੇ ਕਿਹਾ ਕਿ ਰਿਕਾਰਡ ਰੂਮ 'ਚ ਅੱਗ ਲੱਗਣ ਕਾਰਨ ਜੋ ਸਾਲ 2011 ਮਰਦਮਸ਼ੁਮਾਰੀ ਦਾ ਰਿਕਾਰਡ, ਪੁਰਾਣੇ ਮੁਲਾਜ਼ਮਾਂ ਦੇ ਪੈਨਸ਼ਨ ਦਾ ਰਿਕਾਰਡ, ਸ਼ਹਿਰ ਦੇ ਪ੍ਰੋਪਰਟੀ ਟੈਕਸ ਸੰਬੰਧੀ ਰਿਕਾਰਡ ਸੜ ਗਿਆ ਹੈ | ਉਨ੍ਹਾਂ ਕਿਹਾ ਕਿ ਇਹ ਸਾਰਾ ਰਿਕਾਰਡ ਆਨਲਾਈਨ ਉਨ੍ਹਾਂ ਕੋਲ ਉਪਲੱਬਧ ਹੈ | ਉਨ੍ਹਾਂ ਕਿਹਾ ਕਿ ਅੱਗ ਲੱਗਣ ਦੇ ਕਾਰਨਾ ਦਾ ਅਜੇ ਪਤਾ ਨਹੀ ਲੱਗ ਸਕਿਆ ਪਰ ਅੱਗ ਸ਼ਾਟ ਸਰਕਟ ਨਾਲ ਲੱਗੀ ਹੋ ਸਕਦੀ ਹੈ |
ਵਿਜੀਲੈਂਸ ਨੂੰ ਸ਼ਿਕਾਇਤ ਕਰਨ ਤੋਂ ਨਿਗਮ ਦੇ ਰਿਕਾਰਡ ਰੂਮ 'ਚ ਲੱਗੀ ਅੱਗ ਹੈਰਾਨੀ ਵਾਲੀ ਗੱਲ : ਸੰਦੀਪ ਪਾਠਕ
ਇਸ ਮਾਮਲੇ ਸੰਬੰਧੀ ਵਿਸ਼ਵ ਹਿੰਦੂ ਪ੍ਰੀਸ਼ਦ ਮਹਾਂ ਗਠਬੰਧਨ ਦੇ ਪ੍ਰਧਾਨ ਸੰਦੀਪ ਪਾਠਕ ਨੇ ਕਿਹਾ ਕਿ ਨਗਰ ਨਿਗਮ ਹਮੇਸ਼ਾ ਸੁਰਖ਼ੀਆਂ ਵਿਚ ਬਣਿਆ ਹੋਇਆ ਹੈ | ਜੇਕਰ ਕੋਈ ਨਗਰ ਨਿਗਮ ਨੂੰ ਆਰਟੀਆਈ ਪਾ ਕੇ ਜਵਾਬ ਮੰਗਦਾ ਹੈ, ਤਾਂ ਉਸ ਨੂੰ ਕੋਈ ਵੀ ਸੂਚਨਾ ਨਹੀ ਦਿੱਤੀ ਜਾਂਦੀ, ਜੇਕਰ ਕੋਈ ਸ਼ਿਕਾਇਤ ਕਰਦਾ ਹੈ, ਤਾ ਉਸ ਦਾ ਕੋਈ ਵੀ ਜਵਾਬ ਨਹੀ ਦਿੱਤਾ ਜਾਂਦਾ | ਉਨ੍ਹਾਂ ਵਲੋਂ ਨਗਰ ਨਿਗਮ ਬਠਿੰਡਾ ਦੀ 16 ਜਨਵਰੀ 2026 ਨੂੰ ਲੈ ਕੇ ਜੋ ਨਿਗਮ ਨੇ ਟੈਂਡਰ ਕੀਤੇ ਗਏ ਸਨ, ਦੀ ਵਿਜੀਲੈਂਸ ਨੂੰ ਸ਼ਿਕਾਇਤ ਕਰਨ ਤੋਂ ਬਾਦ ਪਤਾ ਲੱਗਦਾ ਹੈ, ਕਿ ਨਿਗਮ ਦੀ ਤੀਜੀ ਮੰਜ਼ਿਲ 'ਚ ਅੱਗ ਲੱਗਣ ਕਾਰਨ ਰਿਕਾਰਡ ਸੜ ਗਿਆ ਹੈ | ਉਨ੍ਹਾਂ ਕਿਹਾ ਕਿ ਵਿਜੀਲੈਂਸ ਨੂੰ ਸ਼ਿਕਾਇਤ ਕਰਨ ਤੋਂ ਬਾਦ ਨਿਗਮ ਦੇ ਰਿਕਾਰਡ ਰੂਮ 'ਚ ਅੱਗ ਲੱਗਣਾ ਬਹੁਤ ਹੀ ਹੈਰਾਨੀ ਵਾਲੀ ਗੱਲ ਹੈ, ਇਸ ਦੀ ਉੱਚ ਪੱਧਰੀ ਜਾਂਚ ਹੋਣੀ ਚਾਹੀਦੀ ਹੈ |
