ਸਰਦੂਲਗੜ੍ਹ, 2 ਜੂਨ (ਨਿ.ਪ.ਪ.)- ਸਥਾਨਕ ਸ਼ਹਿਰ ਤੋਂ ਦਿੱਲੀ ਜਾਣ ਲਈ ਬੱਸ ਸਰਵਿਸ ਨਾ ਹੋਣ ਕਾਰਨ ਵਪਾਰੀ ਵਰਗ ਤੇ ਆਮ ਲੋਕਾਂ ਨੂੰ ਭਾਰੀ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ, ਜਿਸ ਕਾਰਨ ਸ਼ਹਿਰੀਆਂ ਨੂੰ ਦਿੱਲੀ ਜਾਣ ਲਈ 40 ਕਿੱਲੋਮੀਟਰ ਮਾਨਸਾ ਜਾਂ 30 ਕਿੱਲੋਮੀਟਰ ਸਿਰਸਾ ਤੋਂ ਬੱਸ ਜਾਂ ਰੇਲ ਗੱਡੀ ਲੈਣੀ ਪੈਂਦੀ ਹੈ | ਇਸ ਨਾਲ ਜਿੱਥੇ ਪੈਸੇ ਤੇ ਸਮੇਂ ਦੀ ਬਰਬਾਦੀ ਹੁੰਦੀ ਹੈ ਉੱਥੇ ਵਾਪਸੀ ਸਮੇਂ ਸਿਰਸਾ, ਮਾਨਸਾ ਤੋਂ ਰਾਤ ਸਮੇਂ ਸ਼ਹਿਰ ਲਈ ਕੋਈ ਬੱਸ ਸਰਵਿਸ ਨਾ ਹੋਣ ਕਾਰਨ ਉੱਥੇ ਹੀ ਰੁਕਣਾ ਪੈਂਦਾ ਹੈ ਅਤੇ ਅਗਲੀ ਸਵੇਰ ਘਰ ਪਹੁੰਚਣਾ ਪੈਂਦਾ ਹੈ | ਲੋਕਾਂ ਦੀ ਟਰਾਂਸਪੋਰਟ ਮੰਤਰੀ ਪੰਜਾਬ ਤੋਂ ਮੰਗ ਹੈ ਕਿ ਸਰਦੂਲਗੜ੍ਹ ਤੋਂ ਦਿੱਲੀ ਲਈ ਬੱਸ ਸਰਵਿਸ ਸ਼ੁਰੂ ਕੀਤੀ ਜਾਵੇ |
