ਭਾਰਤ ਵਿਕਾਸ ਪ੍ਰੀਸ਼ਦ ਵਲੋਂ ਦਿਵਿਆਂਗ ਸਹਾਇਤਾ ਕੈਂਪ

ਅ

ਅਜੀਤ ਡੈਸਕ 08-04-2026

ਖੰਨਾ, 7 ਅਪ੍ਰੈਲ (ਹਰਜਿੰਦਰ ਸਿੰਘ ਲਾਲ)-ਅੱਜ ਸੁਰਿੰਦਰ ਕਾਂਸਲ ਪ੍ਰਧਾਨ, ਭਾਰਤ ਵਿਕਾਸ ਪ੍ਰੀਸ਼ਦ, ਖੰਨਾ ਦੀ ਅਗਵਾਈ ਅਤੇ ਪ੍ਰੋਜੈਕਟ ਮੁਖੀਆਂ ਸੁਬੋਧ ਮਿੱਤਲ, ਸੰਜੇ ਵਿਜਨ ਅਤੇ ਡਾ. ਰਾਹੁਲ ਕੌਸ਼ਲ ਦੀ ਨਿਗਰਾਨੀ ਹੇਠ, 'ਦਿਵਿਆਂਗ ਸਹਾਇਤਾ ਕਾੈਪ' ਲਗਾਇਆ ਗਿਆ | ਜ਼ਿਕਰਯੋਗ ਹੈ ਕਿ ਭਾਰਤ ਵਿਕਾਸ ਪ੍ਰੀਸ਼ਦ ਕਈ ਸਾਲਾਂ ਤੋਂ ਹਰ ਸਾਲ ਅਜਿਹੇ ਕੈਂਪ ਲਗਾ ਕੇ ਅਪਾਹਜਾਂ ਦੀ ਸੇਵਾ ਕਰ ਰਹੀ ਹੈ | ਇਸ ਸਾਲ, 29 ਮਰੀਜ਼ਾਂ ਦਾ ਡਾਕਟਰੀ ਮੁਆਇਨਾ ਕੀਤਾ ਗਿਆ | ਲੁਧਿਆਣਾ ਤੋਂ ਪ੍ਰਸਿੱਧ ਡਾਕਟਰ ਡਾ. ਪਿ੍ਆ ਰਾਜਨ ਨੇ ਆਪਣੀ ਟੀਮ ਨਾਲ ਮਿਲ ਕੇ ਮਰੀਜ਼ਾਂ ਦੀ ਪੂਰੀ ਜਾਂਚ ਕੀਤੀ ਅਤੇ ਉਨ੍ਹਾਂ ਨੂੰ ਹਰ ਸੰਭਵ ਸਹਾਇਤਾ ਪ੍ਰਦਾਨ ਕੀਤੀ | ਕੈਂਪ ਦੀ ਸ਼ੁਰੂਆਤ ਸ਼ਹਿਰ ਦੇ ਪ੍ਰਮੁੱਖ ਪਤਵੰਤਿਆਂ ਦੇ ਆਉਣ ਨਾਲ ਹੋਈ, ਕੈਬਨਿਟ ਮੰਤਰੀ ਤਰੁਨਪ੍ਰੀਤ ਸਿੰਘ ਸੌਂਧ ਦੇ ਓ. ਐਸ. ਡੀ ਕਰੁਣ ਅਰੋੜਾ ਅਤੇ ਉਨ੍ਹਾਂ ਦੀ ਪਤਨੀ ਅਨੁਸ਼ਕਾ ਅਰੋੜਾ ਸ਼ਾਮਲ ਸਨ | ਭਾਰਤ ਵਿਕਾਸ ਪ੍ਰੀਸ਼ਦ ਦੇ ਯਤਨਾਂ ਦੀ ਸ਼ਲਾਘਾ ਕਰਦੇ ਹੋਏ, ਕਰੁਣ ਅਰੋੜਾ ਨੇ ਕਿਹਾ ਕਿ ਅਪਾਹਜਾਂ ਦੀ ਸਹਾਇਤਾ ਕਰਨਾ ਇੱਕ ਬਹੁਤ ਹੀ ਨੇਕ ਕੰਮ ਹੈ, ਅਤੇ ਪ੍ਰੀਸ਼ਦ ਕਈ ਸਾਲਾਂ ਤੋਂ ਇਸ ਨੇਕ ਕੰਮ ਨੂੰ ਸਮਰਪਿਤ ਭਾਵਨਾ ਨਾਲ ਕਰ ਰਹੀ ਹੈ | ਉਨ੍ਹਾਂ ਨੇ ਪ੍ਰਧਾਨ ਸੁਰਿੰਦਰ ਕਾਂਸਲ, ਸੁਬੋਧ ਮਿੱਤਲ, ਸੰਜੇ ਵਿਜਨ ਅਤੇ ਡਾ. ਰਾਹੁਲ ਕੌਸ਼ਲ ਦੇ ਯੋਗਦਾਨ ਦੀ ਸ਼ਲਾਘਾ ਕੀਤੀ | ਇਸ ਤੋਂ ਇਲਾਵਾ, ਕਰੁਣ ਅਰੋੜਾ ਨੇ ਆਪਣੀ ਤਰਫੋਂ ਪ੍ਰੀਸ਼ਦ ਨੂੰ ਵਿੱਤੀ ਸਹਾਇਤਾ ਦਾ ਐਲਾਨ ਕੀਤਾ, ਅਤੇ ਨਾਲ ਹੀ, ਤਰੁਨਪ੍ਰੀਤ ਸਿੰਘ ਸੌਂਧ ਵੱਲੋਂ ਭਾਰਤ ਵਿਕਾਸ ਪ੍ਰੀਸ਼ਦ ਨੂੰ 2 ਲੱਖ ਦੀ ਵਿੱਤੀ ਗ੍ਰਾਂਟ ਦੇਣ ਦਾ ਐਲਾਨ ਕੀਤਾ |
ਕੈਂਪ ਪ੍ਰੋਜੈਕਟ ਮੁਖੀ ਸੁਬੋਧ ਮਿੱਤਲ ਨੇ ਦੱਸਿਆ ਕਿ ਇਸ ਕੈਂਪ ਤੋਂ 50 ਤੋਂ ਵੱਧ ਮਰੀਜ਼ਾਂ ਨੇ ਲਾਭ ਉਠਾਇਆ; ਇਨ੍ਹਾਂ ਵਿਚੋਂ 29 ਮਰੀਜ਼ਾਂ ਨੂੰ 19 ਅਪ੍ਰੈਲ ਨੂੰ ਨਕਲੀ ਉੱਪਰਲੇ ਅੰਗ, ਹੇਠਲੇ ਅੰਗ, ਕੈਲੀਪਰ ਅਤੇ ਸੁਣਨ ਵਾਲੇ ਯੰਤਰ ਪ੍ਰਾਪਤ ਕਰਨੇ ਹਨ | ਇਸ ਕੈਂਪ ਵਿੱਚ ਸੂਬਾ ਕਾਰਜਕਾਰਨੀ ਮਨਜੀਤ ਸਿੰਘ ਕਲਸੀ, ਸੂਬਾ ਕਾਰਜਕਾਰਨੀ ਜਸਪਾਲ ਸਿੰਘ ਲੋਟੇ, ਮੀਤ ਪ੍ਰਧਾਨ ਕਮਲ ਕਿ੍ਸ਼ਨ ਗੌੜ, ਖ਼ਜ਼ਾਨਚੀ ਕੁਲਦੀਪ ਸੂਦ, ਮਨੀਸ਼ ਧੀਰ, ਮੰਗਤ ਰਾਏ ਅਰੋੜਾ, ਹੇਮੰਤ ਸੂਦ, ਦੀਪਕ ਭਾਂਬਰੀ, ਸੋਹਣ ਲਾਲ ਗੋਇਲ, ਹਰੀਸ਼ ਕੁਮਾਰ, ਅਸ਼ਵਨੀ ਗੁਪਤਾ, ਨਰੇਂਦਰ, ਰਾਹੁਲ, ਸ਼ੁਗਲਾ ਅਰਗਲਾ, ਡਾ: ਅਸ਼ਵਨੀ ਗੁਪਤਾ, ਡਾ. ਸਿੰਗਲਾ, ਆਰ.ਸੀ. ਢੀਂਗਰਾ, ਨਰਿੰਦਰ ਧਮੀਜਾ, ਪ੍ਰੈੱਸ ਸਕੱਤਰ ਮਨੋਜ ਘਈ ਸ਼ਾਮਿਲ ਸਨ |

ਪਿਛਲੀ ਖ਼ਬਰ ਚੇਅਰਮੈਨ ਰੋੜੀਆਂ ਦੀ ਅਗਵਾਈ ਹੇਠ ਮਾਨਵਤਾ ਦੀ ਸੇਵਾ ਨੂੰ ਸਮਰਪਿਤ ਸਤੀਸ਼ ਕੁਮਾਰ ਸਨਮਾਨਿਤ ਅਗਲੀ ਖ਼ਬਰ ਐੱਸ. ਸੀ. ਤੇ ਲੋੜਵੰਦ ਲੋਕਾਂ ਤੱਕ ਪਹੁੰਚ ਕਰਨ ਲਈ ਗਠਿਤ ਕੀਤੀ ਜਾਵੇਗੀ ਵਲੰਟੀਅਰਾਂ ਦੀ ਟੀਮ- ਚੇਅਰਮੈਨ ਗੜ੍ਹੀ

ਭਾਰਤ ਵਿਕਾਸ ਪ੍ਰੀਸ਼ਦ ਵਲੋਂ ਦਿਵਿਆਂਗ ਸਹਾਇਤਾ ਕੈਂਪ

ਸੰਬੰਧਿਤ ਖ਼ਬਰਾਂ